السلام عليكم.من فضلكم شكون لي عندها الحل ابني في عمرو 9اشهر مايرقدش كامل كل يوم يسهر ل 2 نقول غدوا ماينوضش لكن للاسف ينوضني بالبكا ويحب غير نرفدو حتى عييت وصحتي تدهورت.مع العلم يرضع البيبرون.وحزاكن الله عنا خيرا.في امان الله
نفس المشكل الي كنت نعاني منو حتي اصبحت ابكي كتيرا لاني احسست بارهاق نفسي و بدني لان ابني لاةينام لا ليل و لا نهار و ادا رقد الفترة لا تتجاوز 15 دقيقة و مؤخرا شربتلو سيرو وسمو doudou bebe هو منتج ايطالي عبارة عن مكمل غدائي و مهدئ و الحمد لله وليدي تهدن بزاف ولا يرقد في اليل و ادا ناد يرجع يرقد علي طول و في النهار تنضمت اوقات نومو رغم اني نشربهولو مرة مرة وحدة في اليل و ملعقة صغيرة برك
هههه همال ماشي غير انا هههه وليدي عمرو اربع اشهر والله والله غير حتى للفجر باش يرقد للاذان الثاني هههههه مي ملي دخل رمضان وقيل راهم يصومو انا تان نفس حالتك
فاتن انا الطبيب قالي بلاكي تمديهولو راه يمنع تطور المخ منكذبش عليك نسوفري ولا صحة وليدي
اختي ماننصحكش بالدواء لكن جربي التيزانة كاين اعشاب مهدثة كيما النعناع ونجمة الارض وزريعة البسباس ملاح للصغير ويرقدوه وانت حاولي ماتخليهش يرقد مع العشية لعبيه وغلبيه حتى وقت العشاء يرقد و لا فالليل عوميه بماء دافي ونشفيه مليح راح يصيب الراحة ويرقدلك
|
المشاركة الأصلية كتبت بواسطة الماسة النادرة
 فاتن انا الطبيب قالي بلاكي تمديهولو راه يمنع تطور المخ منكذبش عليك نسوفري ولا صحة وليدي
|
انا في الاول تاني خفت نمدهولو لكن كي ديتو لطبيب و شافو قالي هاو مكملات غدائية ميضروش لانو يهدئ ماشي منوم يعني اخدت راي طبيب قبل ما نعطيلو منو. لانو ما في شك انو صحة ولادنا اهم من كل شئ
بارك الله فيكن اخواتي وكاين دواء اخر وهو الدعاء ثم الدعاء.لانه تعالى وحده قادر انو يخفف علينا وعليهم وهو ادرى بحالنا وهو ارحم الراحمين
التيزانة يا اختي مفيدة مديهالو مع المغرب راح تخدم فيه و يرقد لكن خدميها بوحك ماشي نتاع الصيدلية و ربي يعاونك اختي
حاولي تعبيه .لاعبيه وخرجيه مع ابوه …ابني كان مثله وغير عاد يمشي والله المسكين مع 9 راه راقد من التعب
صبرا يا امهات
وش نقلك يا اختي انا صراتلي مع بنتي الولى منذ تسع سنوات والله كنت نبات نهز فيها باه ترقد والو حتان ياذن الفجر و نسمع الناس رايحين للجامع باه ترقد للثمنية اومبعد تولي ترقد 15 دقيقة وتنوض 2 سوايع و زيد تبكي ختان قريب صرالي انهيار عصبي
حتى لقينا طريقة انا و باباها ندوها في الطوموبيل ندورو بيها شوية ترقد
بقات هطذا حتان لخقت عام اوبعد تسقم رقادها شوية في الليل لكن في النهار مستحيل ترقد
الان عندها 9 سنوات مزالت قليلة النوم و في الليل هي اخر من ينام سييت معاها كل الطرق نعشيها بكري و نطفي الاضواء نلقاها واقفة عند راسي و تقولي ماما مجانيش النعاس
سبحان الله طبيعة زادت بيها قليلة النوم و اختها لي جات موراها العكس تماما ما شاء الله غير تخط راسها عل المخدة تولي تشخر
اختي كل واحد و طبيعتو من رايي متخلطيلهاش في الادوية لازملك الكثير من الصبر هاذي هي الامومة خاصة اذاكان المولود الاول رايحو تتعلمي معاه
شوفي اذا امكنك مرات جيبي اختك او قريبة تسهر معاه و انتي حذي قسط من الراحة لانو معلوم نوم الليل ميتعوضش
ربي يعين
|
المشاركة الأصلية كتبت بواسطة *ام بثينة*
صبرا يا امهات
وش نقلك يا اختي انا صراتلي مع بنتي الولى منذ تسع سنوات والله كنت نبات نهز فيها باه ترقد والو حتان ياذن الفجر و نسمع الناس رايحين للجامع باه ترقد للثمنية اومبعد تولي ترقد 15 دقيقة وتنوض 2 سوايع و زيد تبكي ختان قريب صرالي انهيار عصبي حتى لقينا طريقة انا و باباها ندوها في الطوموبيل ندورو بيها شوية ترقد بقات هطذا حتان لخقت عام اوبعد تسقم رقادها شوية في الليل لكن في النهار مستحيل ترقد الان عندها 9 سنوات مزالت قليلة النوم و في الليل هي اخر من ينام سييت معاها كل الطرق نعشيها بكري و نطفي الاضواء نلقاها واقفة عند راسي و تقولي ماما مجانيش النعاس سبحان الله طبيعة زادت بيها قليلة النوم و اختها لي جات موراها العكس تماما ما شاء الله غير تخط راسها عل المخدة تولي تشخر اختي كل واحد و طبيعتو من رايي متخلطيلهاش في الادوية لازملك الكثير من الصبر هاذي هي الامومة خاصة اذاكان المولود الاول رايحو تتعلمي معاه شوفي اذا امكنك مرات جيبي اختك او قريبة تسهر معاه و انتي حذي قسط من الراحة لانو معلوم نوم الليل ميتعوضش ربي يعين |
بارك الله فيك وجزاكي الله عنا خيرا.الحمد لله على كل حال