السلام عليكم
شكرا لك على كل المشاركات المفيدة و أتمنى أن يعطيك الله الصحة و العافية على التوضيح في كل مساهماتك
ربي يحفضلك الوالدة و يطول في عمرها و يباركلها فيك .
أنا بحاجة إلى مساعدتك في الحريرة ، حريرة الغرب و وهران لا يعلى عليها
عندنا مناسبة في الأيام المقبلة أحتاج مقادير ل 45 شخص ، في العادة أمي هي التي تشرف على هذه الأمور و لكنها مريضة ، نصنع حريرة هايلة لمجموعة قليلة ضياف فقط لكني نخاف من الكميات الكبار .
أنا ذقت حريرة وهران لما كنت في الجامعة عند أحباب يسكنو في وهران وكانت رائعة ، ربما السر في التوابل .
أتمنى منك الرد .
جمعة مباركة
ارجو من الاخت الوهرانية انها تساعدك…و تفيدنا جميعا…جازاها الله كل خير
شكرا لك على الرد
أتمنى فعلا أن تساعدنا فالأخت الوهرانية كريمة جدا ، منذ دخولها للمنتدى وهي تفيدنا .
حبيبتي الغالية اولا تحياتي ليك واتمنى الشفاء العاجل للوالدة الكريمة
نحتاج الى
2 كيلوالى 3كيلو لحم خروف مادابيك الضلوع لانها مشحمة وفيها البنة
15 حبة بطاطا
7 حبات بصل
15حبة جزر
10حبات لفت
10 حبات طماطم
كيلو حمص مشمخ
4 ربطات قزبر
ربطة كرافس
نعناع
طماطم مصبرة
التوابل
نحتاجو الى
ملح -فلفل اسود – فلفل احمر- كروية -راس الحانوت – سكنجبير -شوية قرفة -حبة حلاوة – زريعة البسباس – الحلبة
التحضير /
في قدر ديري اللحم والخضر مقطع والحشايش مقطعة والحمص ديري الزيت
والماء والتوبل كلها غلقي عليها وخليها تطيب
في هاد الاثناء حضري الفرينة والتشيشة
كل لتر ماء نحطوله 250 فرينة وشوية تشيشة حسب الرغبة طبعا التشيشة نشمخوها قبل
كي يطيب اللحم نوخروه والخضرة نطحنوها طبعا نكونو موجدين ماء ساخن نضيفه نخلوها تغلي وندوقوها وهننا نزيدو العطور الي تكون ناقصة
نوخرو شوية مرقة تخافي تعقد ليك بزاف الحريرة منين تضيفي الفرينة واستمري في التحراك
ملاحظات مهمة / تحضير خليط الفرينة
لتر ماء ب250 فرينة خلطيهم بالمكسور احسن باش متتكورش الفرينة قبل ماتضيفهم للمرق ديري شوية ملح كروية قزبر مقطع رقيق ونعناع مقطع رقيق لان الخليط ماء ومينفعش يكون سامط لانه يسمط ليك الحريرة
في ما يخص المقادير بدقة تابعي حبيبتي
قدر 8 لتر يدير ليك 22 غرفية
رطل لحم
فيه 4 بطاطا
4 جزر
3 بصل
2لفت
4 طماطم
250غ حمص مشمخ
ربطة قزبر
نصف ربطة كرفس
اعراش نعناع
ملعقة ملح كبيرة ممسوحة
نصف ملعقة فلفل اسود
نصف ملعقة راس الحانوت
راس ملعقة يعني ربع سكنجبير
ملعقة مملوءة كروية لانها هي تاع الحريرة
2ملاعق طماطم مصبرة
ربع ملعقة بسباس
ربع ملعقةحلبة
ربع ملعقة حبة حلاوة
ربع ملعة فلفل احمر
طبعا نفس الطريقة
كي تطحني زيدي الماء الساخن حتى تملئي القدر يعني 8 لتر
وكي تغلي نقصي شوية مرقة واضفي خليط الفرينة والتشيشة
لتر + 250غ فرينة + فنجان تشيشة مشمخمة قرصة ملح +ملقة قهوة كروية – قصبر ونعناع مقطعين رقاق مادابيك مهروسين بالمهراز
حطي الخليط على المرق وحركي خليها تطيب حوالي نصف ساعة
ادا جاتك ثقيلة زيدي المرق الي خليتيه
نتمنى اني افدتك
حبيبتي هاد المقادير تاع 22 غرفية حريرة ادا درتيها مرتين 44 انا ننصحك اديري مرتين ونصف الزايد خير من الناقص
مبرو ك عليكم المناسبة حبيبتي
شكرا لك على الرد السريع الله يحفظك .
وأريد أن أسألك يمكن أن أعوض الفرينة بالتشيشة فقط
عمري ما طيبت بالفرينة
و لكن سأجربها مرة للداربالمقادير التي قدمتيها .
أنا نزيدلها الكبابة .
أردت أن أسأل راس الحانوت خليط توابل عندكم
واش تديرو فيه ؟
و التوابل نضيفها مع القليان من البداية . و الحلبة ورق أخضر و إلا مرحية . (أنا نزيدهم من بعد )
و إذا موجود مكان باين تشترو من عنده ، ربما ممكن في الأيام المقبلة نزورو وهران إن شاء الله .
نعرف بعض الأماكن في وهران .
و الله ينورك و يحفظلك أمك .
شكرا على الدعاء نتمنى الصحة و العافية لكل أمهاتنا بدونهن لسنا شيءا .
انا نديرها بنفس الشيئ بصح بالدشيشة لكن تحب طياب مليح
شكرا للوهرانية على المقادير المظبوطة ربي يكرمك اختي
|
المشاركة الأصلية كتبت بواسطة مليكة01
 شكرا لك على الرد السريع الله يحفظك .
وأريد أن أسألك يمكن أن أعوض الفرينة بالتشيشة فقط و لكن سأجربها مرة للداربالمقادير التي قدمتيها . أنا نزيدلها الكبابة . أردت أن أسأل راس الحانوت خليط توابل عندكم نعرف بعض الأماكن في وهران . و الله ينورك و يحفظلك أمك . |
ممكن تدريها بالتشيشة وحدها اكيد وممكن بالفرينة وحدها لكن انتي طلبتي حريرة وهران واكيد ما تكونش بلا فرينة اما في ما يخص راس الحانوت هو خليط ينباع موجود والحلبة زريعة مش اوراق وتلقي العطور والتوابل في المدينة الجديدة او شارع معسكر بوهران
|
المشاركة الأصلية كتبت بواسطة الأمنيات
انا نديرها بنفس الشيئ بصح بالدشيشة لكن تحب طياب مليح
شكرا للوهرانية على المقادير المظبوطة ربي يكرمك اختي |
واياك حبيبتي منورة المنتدى بوجودك
شكرا للأختين الأمنيات و الوهرانية على الإهتمام و الرد .
أنا أبحث على الحريرة الوهرانية و لازم نجربها و لازم ننجح فيها .
فشكرا على المقادير لأنك خدمتني خدمة كبيرة لأنني كنت أبحث عنها .
مدينة جديدة نعرفها .
نقولو راس الحانوت معروف عندكم بأنه توابل الحريرة .
لما كنت في وهران كان يتقلب راسي من الحساب
100 مائة تحسبو بالمائة وأظن مازالت .
لا تحرمينا من مساهماتك و أسرار الطبخ ، واضح بأنك خبيرة في هذا المجال .
الله يعطيك الصحة و العافية و يعينك على طلباتنا .
تصبحين على خير .
رائع بارك الله فيك
بارك الله فيكن على اهتمامكن….والشكر الجزيل للاخت الوهرانية..
اشكرك اختي الوهرانية انا نديرها كما قلت لكن نزيد الثوم والتشيشة نطلب منك تعطين اللحم محمر بالوز على الطريق الوهرانية
okhti om 3ab allatif hrira jamais tji bethom ye3 majich mliha
sir howa f ls épices wel kosbor mzerra3 tji thabel
اناثاني حابة نتعلمها الله يحفظك با حبيبتي الوهرانية اعطني مقادير اسرة صغيرة انتعبك معايا خفتها بهده الطريقة بانتلي الفرينه ك ككثيرة بالبزاف كليتها مرة وقعدت فى خاطري الله يعطيك ما تتمناي
الله يبارك فيكي ويعطيك ما تتمناي والله رغم كبر سني وخبرتي ولاكني اتعلم الكثيييييييييرالكثيييييير
سواء من الكيفيات
سواء من الردود
فعلاهداهوالتيمز الله يبارك في واضع هذا المنتدي وجعلكم
الله ذخرا لنا ولامة محمد
هده هي الصدقة الجارية الله يثبت حسناتكم