السلام عليكم ورحمة الله وبركاتها
هلا وسهلا بكن اخواتي في المنتدى وإخواني
رمضانكم مبارك وتصوموا بالصحة والهناء
سؤال لاخواتي في المنتدى مش عارفة إذا كنت حاططة الموضوع في القسم المناسب ولكن على كل مضطرة لطرحه هاهنا
على كل
سؤالي بغيجاز هو ماهي الطريقة لطبخ بولات اللحم -الكفتة- باش متفتحليش بعد مانمرقها مع العلم أني أضع خبز يابس أو أرطب لفريك دائما لا أجد نتيجة تذكر طبعا راني نقليهافي السمن او الزيت قبل ما نمرقهاو
من تفيدني فلها جزيل الشكر وبارك الله فيها
صح فطوركم
اختي حسب وصفتنا العائلية ما نحطولها والو ماعدا التوابل والثوم والمعدنوس ،وايضا ما نقلوهاش قبل ما نمرقوها و ما تحركيهاش بزاف لما تحطيها فوق النار
مام حنا ما نقلوهمش مي مي نخلوا كي تغلي القدرة ونحطوهم يطيبووا عادي والبولات نحطوا فيهم العقاقير والبيض ان وجد والشابلور ونخدموهم بولات وما يتفتحوش
ديريلها حبة بيض ماتفتحش
حطيلها حبة بيض هي الي تشدها فقط
شوفي اختي الكريمة الطريقة الوحيدة باه ما يتفتحوش و الله يبقاو كيما هوما هي
داوي اللحم تاعك كيما تحبي و من بعد شكبهم و حطيهم يفوروا في الكسكاس حتى يتبدل لونهم و من بعد كملي عادي و حركي كيما تحبي و الله ما تصرالهم حاجة
شهية طيبة
انا مانطيبهمش في المرقة بصح علابال مايتفتولكش زدي ملعقة كبيرة ونص تاع ميزينة – او فرينة و انشاء الله مايتفتولكش
شوفي لختي داويهم عادي وضيفي بيضة ولوحي كتمرقي ومتحركيش زذلي لنار يجيو يهبل بغير ماتقليهم
اختي ما تقليهم ما والو
ديري المعدنوس والبصل المفروم باش يعطيهم نكهة شابة وزيدلهم التوابل والملح حطي الكمون والقرفة يعطوك مذاق رااائع للحم واخيرا اهم حاجة حطيلهم حبة بيض
ومبعد حطيهم في الثلاجة باش بحكمو شويه وكوريهم وحطيهم في الاكله الي تحبيها المهم يكون المرق يغلي باش يشدو عمرهم مليح
السلام عليكم ورحمة الله وبركاته
بارك الله فيكن أخواتي وجزاكن عني كل خير
رح نجرب ونرجع لكم الخبر
وصح سحوركم