السلام عليكم اعطيوني حل للشكولا تزرب تجمدلي كي نديرها في حمام مائي كيفاش جيني جارية وكحلة علما انني نشري تاع الباطات نلقا صعوبة كي ندير القلاصاج بشكولا ويتكسر القاطو ربييييييييي يخليكم اللي تقدر تفيدني ربي يعطيها ما تتمنى
انا نديرها في حمام مائي ونزيدلها شوية حليب وهي فوق الحمام وماتخافيش اذا شفتيها بدات تتكتل زيدي الحليب حتى تولي سائلة وصبيها فوق الكيك او غطسي فيها القاطو وهي فوق الحمام وخليها تبرد ونشاء الله تنجحلك
اختي في حمام مائي لما تذوب ضيفيلها الحليب وانت تحركي
شويو اختي وضفي لها القهوة سائلة خاثرة شوية برك لتعطيك السواد
سلام
عندي نفس المشكل تاعك
هنا طريقتي في كهسرونة جطي زوج مغارف كبار كاكاو كحل و اربعة سكر قلاصي وواحدة زبدة ونصف فنجان حليب الكل فوق حمام مائي لما يذوبو زيدي الشكولاطة حتى تذوب دائما فوق الحمام اذا كانت جامدة زيدي شوية ماء ماش حليب لانو يشهبها واذا كانت تجمد كل مرة حطيها على الحمام باه تسيه