اليوم حبيت نحكيلكم على واحد الطبيعة فينا في الشعب نتاعنا الله غالب
كي واحد يروح يطل على واحد مريض يبداو اولا يصدعولوا راسوا بالهدرة و تقطاع في الناس
واش جاتك فلانة والله مافيها الخير شفيتي كي هيا مرضت روحتيلها و كي زوجت وليدها باركتيلها وووووووووووووووووووووووووووووو ووووووووووووو
و زيد تبدي كي جاتك واش جابتلك ولا جات بيديها يسفقوا كيما موالفة
وهذي الزاوجة هي لي خلاتني مشوكية
وحدة تخدم معنا مرضت و دخلت لسبيطار و ربي وصانا على زيارة المريض اي تفاهمنا كامل المدرسة باش نروحولها نشوفوها خاصة انها بعيدة على العايلة نتاعها قلنا نديروا الواجب
اي دينا واش كتب ربي في يدينا وروحنا لحقنا دخلنا و هي في حالة ناضة و فرحة كي شفتنا حتي طحتلها الدمعة
و بداوا جماعة الزيارة
الشوط الاول : هذي شكارتي و وهذي نتاع فلانة و فلانة انا شخصيا مت بالحشمة روحنا نوروا روحنا والا نربحوا الاجر
الشوط الثاني : جاتك فلانة شفتي الخداعة مافيهاش الخير وووووووو
الشوط الثالث :واش قالك الطبيب شفتي سلكتي على الشعرة لوكان كاش ماسرالك هكذا صرات لصحبتي و ماتت ربي يلطف
الشوط الرابع : المدير قال منعرف مريضة صح والا تفيس حبت تريح دارت روحها مريضة و فلانة قالت البارح شفتها في السوق ووووووووووو
سمحولي انا لي مانيش مريضة مرضوني وخلي المخلوقة لي مريضة زادوا عليها
هذي هي عيادة المريض في الجزائر لي وصى عليها الرسول صلي الله عليه وسلم
اليكم الخط كاش مانسيت كملوها لاني حلفت مانزيد نزور مريض مع جماعة نزيد الذنوب لعمري نروح وحدي كاش مندي اجر
ناس بكرى قالو فى زيارة المريض و تصداع الراس " يا سعد من زار و خفف"زيارة المريض واجبة لكن من يفهم
الناس هبلونا ،على امكم مريضة بcancer و راهي ما تطولش
لو كان ما كانش ايمانا بربي قوي كانوا يهبلونا
الله يهديهم
و الله صح اختى الكريمة عادو الناس ميرحموش المريض يجويخفو عليه يزيديلو
السلام عليكم اختي ضحكتيني أنا مريت بهذي التجربة بحكم ندخل المستشفى بزاف وقت الزيارة يجوا الاهل نتاع المرضى والاحباب يبداو يورونا واش جابوا وزيد يعطونا الثمن كاللي تقولك ماركيها كي نمرض رديها ويبداو فلانة ضربها راجلها فلانة ماجاتش ليك فلانة دايرة وفلانةتزوجت وفلانة تفارقت مع حبيبها كل واحد من المرضى مصروع نستناو وينتا يروحوا راسنا يتصدع ومن بعد كي يروحوا إحنا نتلموا ونبداو نضحكوا نقولهم غدوى الحلقة الثانية نتاع نشرة الضهيرة وكل واحد يكتب فالورقة بالإسم واش جابونا راهم عايرونا قبل ما ناكلوهم هههههههههههههه شكرا