السلام عليكم
أنا امرأة متزوجة وعندي بنتين ربي يحفظهم
لما كنت مخطوبة قالي خطيبي ( و هو ابن خالتي ) نوعدك لما نتزوجو نحبس التدخين ولما تزوجنا مرضت يماه و توفات و تعب زوجي نفسيا و كان من قبل يقولي كي تبرا يما نحبسه فلما ماتت ما قدرتش نحكي معاه في الموضوع ……..
ولما حملت البنت الثانية ربي يحفظها كنت مريضة بضغط الدم و هاد الشي أثر عليها و زادت مختلة ذهنيا وقالي زوجي كي تبرا نحبس التدخين ….. عامين وحنا نجريو عليها و مبعد قطعونا الأطباء لياس و ……..
في هاذي شهرين الأخيرة توفى أخو زوجي مع زوجتو في حادث سيارة و خلاو 3 وليدات و بنية كلهم صغار فانصدم زوجي و هو الان يدخن أكثر من الأول بكثير و راني خايفة على صحتو بززززززاف و زيد مشاكل راها فوق راسو كبيرة بزاف و ما باليد حيلة ……
و ياما وريتله أشرطة وثائقية عن مضار التدخين و لكن لا حياة لمن تنادي……..
و للعلم زوجي يحبني بزززززاف و أنا بالمثل و هو دايما يدخن في الشرفة أو في الخارج و جامي يدخن قدامنا …….
قلت لزوجي ما تزيدناش على همنا ما راناش باغيين نخسروك …….
و ياما جربت خلطات و عقاقير تنفره من التدخين و لكن ولا نتيجة ……… أريد شيئا فعالا خاصة المجربين ربي يستر عليكم و يحفظكم ……… ….
الارادة و فقط
ادعيله اختي ورمضان مناسبة ادعي وادعي خاصة في جوف الليل وان شاء الله ربي يكرهووووووووووووووله ويخليهلكم ياااااااااااااارب المهم ماتضغطيش عليه جيبيهاله بالعقل وادعي
روحي للفرماسيان كاين سجائر صحية ،،،،،،،،جربيها راهي تفبدوا مليحة
أختي
الله أعلم
نعرف كاين علك يمضغ من اجل نخفيف التدخين و مع الوقت التوقف
و تاني كاني لاصقات تلصقيهم من اليد
الله أعلم اذا متوفر في الجزائر
و الا كاين البديل -> سقسي عند الصيدلية
و اذا لم تجدي
كاين مواقع وين تقدري تشري من الانترنت و مش غاليين
و ابضا علاج علم النفس
و هي يسمع شريط في قبل ما يرقد و في لما يكون راقد
و وحده يحبس مع الوقت
حوسي عليه في الانترنت
ربي يوفق أختي
مرة الجاية اذا قولتيلو حبس الدخان و قالك حتى ….
قوليلوا من اليوم مش حتى …
بالتوفيق
الحل قولي له كل ما تدخن سجارة صل ركعتين وتكيف كيما تحب
راح يجي يوم شيطان يوسوس له ان يترك التدخين
هذا البرنامج بعد رمضان فرصة للتغير
ما عليك غير أنك تدعي ربي في هاد رمضان و الارادة فوق كل شي اذا راه باغي يقطعه ما غادي يواجه أي صعوبة و اذا ماكانش باغي شوفي طبيب و نتيا هدري معاه على المستقبل ديالكم و ديال بناتكم و ربي يوفقك و يخليلك بناتك و يشفيلك المريضة في هاد رمضان امين يا رب
بالمختصر المفيد:
-التدخين حرام.
-كل سيجارة تنقص من عمر الانسان 17 دقيقة .
والحل الانجع:
-السواك.
-ممارسة الرياضة بإنتظام (الجري).