سلام عليكم خاوتي بعد معاناة من البيام والحمد لله دوك رانبي تارمنال عجزت فالمرحلة الاساسية البكالوريا مع انو نقرا واحفظ مع العلم اني اعمل ترافاي فورسي ولعيا بزاف بلا منحكيلكم هاد العام تبلوكيت وليت منحبش لقرايا معلاباليش ادا لازم نرقي ولا الخوف باسكو كاين ناس بزاف مشي حاملينها راني تارمنال حاب نفرح يما ونبين لكل اللي قالولي باين مجيبوش بلي انا انسان ناجح بصراحة اكثر امنيتي ندخل الجامعة والله ياخاوتي حلم حياتي ندخل لافاك وزيد بعتوني نجوز الباك مكان بعيد مي معليش مراحش يكون عائق انا الخدمة هلكتني ومشاكل فيها بزاف مي قررت نظحي بكل مااملك من اجل قرايتي ندي شهركونجي لابغا المعلم بغا لا مبغاش ربي يسهل قرايتي الصح تعيشو ليقرا الموظوع يدعيلي بالنجاح وربي يسهلي ونفرح يما لحلمها تشوف واحد من ابناءها فالجامعة وتفرح كي النساء
برب ان شاء الله تجيبو
انشاء الله ختي حلمي حلمي نركب فالكوس تاع لافاك معليش واقف لبغا عام ونا واقف ميهمش
ان شالله يارب تجبو وتفرح يماك صدقني اذا عندك ارادة تجيبو ونتا باين عليك الارادة قاوية عندك موفق خويا ولي راح يفوتو الباك
السلام عليكم
انا راني كتر منك انا كنت نقرا فل ليسي وخسرت لباك9.95 وغشوني فل مات رغم اني خدمت باش ندي فيها على الاقل12تعرف شحال عتاوني و3.5 والمعامل نتاعها5وكي بغيت نعمل الطعن مابغاوش وتفرت فيا وللان راه عاد عندي ورقة المسودة لي جاوبت فيا مرضوني معاهم وعقدوني من الامتحانات راني خايفا يتكرر معي نفس الشي نتاع لعام ليفات
ان شاء الله ربي اينجحكم
لازم التفائل خاوتي نشاء الله لازم نكوراجو رواحتينا
courage raki goudém el béb énta3 moustakbél té3ak
ana khalti andeha 36 sna w daret lgalb w hafdet w sahret w wahed makane dayera tjibo w jabto
sadakni morasala tahfed tjib
w raha doka andeha la licence
rabi m3ak khoya w hada ghir chitane w matkhalich forsa di3 menek psq ghadi tendam bzzzzzzzzzzzzzzzzzzzzzzzzf sadakni
li rah yfout maywalich
w lwahed madamo sghir ydahi w yat3ab beh men ba3d y3ich mlih
شويه كورااااااااااااااااج برك و كي تجيب الباك و فرحتو تنسيك كامل التعب
مبرو ك عليك الباك من دوك
النفوس القوية لا تعرف الياس و اتمنى لك والجميع النجاح 
بارك الله فيكم نشاء الله نكون قد ثقتكم دعولي
راح تديه بربي ان شاء الله مش راح يروح التعب تاعك باطل و كيما قلت لقرايا تاعك أهم و حنا كامل رانا ندعولكم في كل سجدة تقربوا من ربي اكثر و ادعوه اكثر و ما تقنطوش من رحمة ربي لأنوا قادر على كل شيئ أدعولنا و حنا بدورنا ندعولكم كيما يقولوا الكوريين (هيا إلى القتال ) هادي هيا الحرب تاعكم كونوا أقوياء و شدوا حيلكم
ادن الله الهام كفانا نت هي للدراسة ارفعو التحدي
That’s it lat’S go to study أنا ثاني راح نقلكم على خير إلى يوم الامتحان إن شاء الله بركانا من النت و الفلاس ههههه baaaay