السلام عليكم
رمضان المبارك شهر العبادات ففيه الصلاة و الذكر ليس كسائر الايام و الاشهر لذا هيا نعمل حملة لطرح الافكار و الاراء التي نختصر فيها وقت المطبخ و الاعمال المنزلية لاغتنامها للعبادة في رمضان بدون اهمال للمنزل لانو صدقوني اغلبنا نقضيو وقتنا في رمضان في المطبخ و الوقت الاخر في السهرة لذا هيا يدا بيد لربح الوقت و استغلاله في الطاعات و انا ساطرح بعض الافكار و ارجو المساعدة
قبل حلول رمضان المعظم اشري اي نوع مكسرات تحبيه ارحيه و ديري بيه شوية سيقار بدون ان تقليه و حطيه في علبة محكمة الاغلاق و ديريه فالمجمد في رمضان اجبدي اقلي و عسلي و راكي ربحتي الوقت
الفكرة الثانية في رمضان يكثر استخدام الفلفل المشوي كسلطات او حميص لذا اشوي الكمية اللي تحبيها نقيه و اقسميه في اكياس صغيرة قدر اللي تحتاجي و اجبدي و ديري بيه واش تحبي زيد في رمضان بلا مانحكيو عن سعر الخضر
نفس الفكرة مع الطماطم ارحيها و ديريلها شوية ملح و فالمجمد وقت الطياب اجبدي و طيبي
اللي يطيبو كل يوم شربة جديدة عندي فكرة رائعة و االي هي العقدة طيبي الشربة بدون ان ترميلها المعجنات سواء فريك او فرميسان يعني ديري البصل الطماطم القصبر الجلبانة الحمص و كل وحدة واش دير خضر طيبيها و خليها تبرد تماما قسمي هاد الشربة في علب و ديريها فالمجمد كل يوم اجبدي علبة و ديريها فالقدرة و كي تغلي ارميلها واش تحبي و زيديلها القصبر صدقوني هاد الفكرة تربحو بيها وقت كبير
ارجو انو كل وحدة عندها فكرة تساعدنا و الله سنسال عن وقتنا
السلام عليكم
مشكورة على الافكار فكرة الفلفل نستعملها دائما اذا عندك افكار اخرى في الانتظار
شكراااااااااااااا على الافكار
صباحكم سعيد اخواتي. نتمنى تفقدونا بمزيد من الأفكار خاصة إنّو الطبخ يأخذ معظم الوقت حبيت نتفرغ بزاف للعبادات في الشهر الفضيل ولكن جزيل الشكر
السلام عليكم
عندي تدبيرة على البوراك، تقدري تديري كمية كبيرة من البورك وتخبيهم في فريقوداخل les boites بلا ما تنساي تسيباري بين كل كل طبقة بشكارة باش مايتلاسقوش، و كل يوم أجبدي واش تقلي خليه يتنحالو التجميد و حطيه يتقلى،
فكرة اخرى
قبل رمضان خصصي كراس جزء منه اكتبي فيه وصفات السلطات و يكون منظم و مرتب جزء الاطباق الرئيسية جزء المقبلات جزء الحلويات ونظميه جيدا و حاولي ديري جدول الطبخات مثلا ضعي ايام الاسبوع و اختاري نوع من المقبلات و السلطة و الشربة و الحلوة و كل يوم بلا ما تخمي و تكسري راسك في واش طيبي الجدول هو دليلك الا اذا كان احد اراد العائلة اختار شيء اخر
أنا هذا رمضاتي الاول وحدي و راهي تالفلي و من درك راني نخمم في الوصفات الاساسية مادابيها الي عندها وصفات بالصور و سلطات تحطلنا
فكرة هايلة راح نعصر مخي ونحط التدبيرات
افكار هايله يعطيكم الصحة
واش يا الاخوات شدوا الهمة و كل وحدة تحط فكرتها قبل رمضان الكريم الحالة راهي ساكتة
شكرا لك علء الموضوع اللهم بلغنا رمضان وارزقنا الصحة والعافية عندي فكرة ماشي جديدة بصح ممكن تفيد نرحي الطماطم نتاع الحب ونحطها في علب نتاع الياغورت ونحطها في المجمد لما تجمد ننزعها من العلب ونحط في ساشيات ونخبيها في المجمد لحين الاستعمال الفكرة هزيتها من المنتدى الغالي
شكرا لك أختي
موضوع مميز ونافع جدا
أنا قد اللي نخبي قبل رمضان نلقى روحي نتعب نتعب ………..نخبي ولا ما نخبيش فالمجمد غير كيف كيف
–
–
–
اللهم بلغنا رمضان
اذا عندكم تدبيرات اخرى فيدونا بيها… الله يجازيكم بخير
لبنات ديرو مخ تلف الععجائن كيما المورقة عجينة البيتزا البريزي وحتى la pate sucrée للترتولات
قسمو كل نوع على حسب ماتحتاجو وحطو عليهم اتيكات واكتبو النوع باش متخلطوش. والى الكونجيلاتور
اللهم بلغنا رمضان
لبنات ديرو مخ تلف الععجائن كيما المورقة عجينة البيتزا البريزي وحتى la pate sucrée للترتولات
قسمو كل نوع على حسب ماتحتاجو وحطو عليهم اتيكات واكتبو النوع باش متخلطوش. والى الكونجيلاتور
اللهم بلغنا رمضان