اخواتي اللي تعرف طريقة عمل الرفيس بورق الشخشوخة اي الورق الي نستعملوهم في الشخشوخة البسكرية مشي الرفيس زيراوي اللي يجي بتفتيت المسمن واضافة الغرس والزبدة هذا الرفيس يجي كيما الرفيس القسنطيني بصح يجي بالرقاق نشالله تكونو فهمتوني
ماشى المشلوش اللي يجي بورق الشخشوخة و يفوتوه ماشينة الرشتة و يسقيوه بالعسل و الزبدة و يزينوه بالجوز؟؟
ماشينة الرشتة والا الخلاط الكهربائي الرجو الوصفة كاملة واذا كانت ماشينة الرشتة اعطوني التفاصيل
تعجني عادي كيما عجين انتاع الشخشوخة وكي تجي تطيبي طيبي على طاجين الطين و بالوحدة غير تبدا تبياض تنحيها … امبعد كي تكملي تخرجيهم في شبكة ( غربال مسماتو محلولوين بزاف ) ولا شبكة انتاع الحديد تتباع خاص ويجيك مقطع قطع صغار
والحشو انتاعو ديري السمن ولا الزبدة تذوب وتزيدي معاها الغرس حتى يذوب وتخلطي غير بشوية حتى يتجانس وتزينيه كيما بغيتي من الفوق
ان شاء الله نكون افدتك
تحياتي
يعطيكم الصحة اخواتي العزيزات لازم السيار كيما تقولو احنا اي غربال مسماتو محلولين بزاف نقدر ندير في تاع العيش والا لازم يكون سبسيال ولازم يتقتت سخون والايبرد مع العلم انه حنا الزيراوي يكون بالمسمن بعد مانحوه من الطاجين نحطو عليه الغرس والزبدة والطريقة تكون كيما نعجنو حتى يولي كتلة متجانسة
نظن هدا الرفيس اللي تقصده الاخت
الطريقة
نبسس الدقيق بشوية زيت متلا 3 غرفيات كبار دقيق وكاس عادي زيت ونحكهم مليح بين الايدين وندير ملح حسب الحاجةونبل بالماء يرتاح شوية ونعجن مليح
لما يتعجن مليح نبدى باضافة الماء ونعجن حتى نتحصل على عجينة كما تع الفطير مطاطية نديرها بولات صغار و ندن بالزيت وتغطيم ببلاستيك
نحل بواسطة الزيت القرصة الاولى ونطيبها على طاجين حديد مدهون بالزيت يكون سخون والنار هادية وماتخليهش يحمار نقلب الاولى ونحل التانية ونديرها فوقها ونقلبها تطيب وكلما تطيب وحدة نقلبها وندير فوقها الاخرى بلاماننسى ترشي زيت بين كل طبقة حتى نتحصل على 8 او 10 طبقات نطبقهم على 4 ونطيبهم من الحواشي ونحكهم وهم سخونين على سيار خاص
تتحصلي فلى رفيس لي حاباتو
تحطيه يتفور مع زبدة وسكر عادي لما يطري نزليه و اعجنيه بين الاصابع مليح جطيه في صحن وعسليه وزيني بمكسرات
السيار مخصوص تع الرفيس
ولازم تحكيه عليه وهو سخون
هدا هو السيار
شكرا اختي ام كوثر هذا هو الرفيس اللي نحوس عليه وين نلقى السيار هذاك
شكرا ام كوثر منذ يومين وانا نحوس على الوصفة فى ملفاتى ولم اجدها لانى احتفظت بها منذ ان وضعتى حلويات خطوبة سلفتك الف شكر
بصحت كل اللي يحب الرفيس
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
انا ايضا اعمل الرفيس اللي بالرقاق لكن نرحيه في محضرة الطعام ويجي هايل …وهذه الطريقة اسهل واسرع
السلام عليكم ورحمة الله وبركاته
|
المشاركة الأصلية كتبت بواسطة ام دودة
 اخواتي اللي تعرف طريقة عمل الرفيس بورق الشخشوخة اي الورق الي نستعملوهم في الشخشوخة البسكرية مشي الرفيس زيراوي اللي يجي بتفتيت المسمن واضافة الغرس والزبدة هذا الرفيس يجي كيما الرفيس القسنطيني بصح يجي بالرقاق نشالله تكونو فهمتوني
|
هادا رفيس ناس شلف وعين الدفلى