السلام عليكن….تكملة لموضوع الحنة …وردا على كل اخت طلبت مني ان اعطيها خلطة الحنة…فلكن ذلك…………………………1الخلطة الاولى.. المواد الاساسية هي 4 مواد…الحنة والسكر وعصير الليمون والماء…..
..
..
..
……خذي زلافة نتاع فخار او زجاج وحطي الحنة اللي كنتي غربلتيها تقريبا100غ+مغرف صغيرة نتاع القهوة سكر عادي وخلطي مليح+2 مغارف كبار نتاع الاكل عصير الليم (القارص) وخلطي مليح+الماء الدافي غير بالشوية حتى اللي تتحصلى على عجينة الحنة تشبه عجينة معجون الاسنان ماهي يابسة وماهي جارية ….
..غطي الزلافة ببلاستيك او علبة نتاع زجاج تكون بالغطاء نتاعها وهذا اجباري باش ما تتهواش ويتغير اللون نتاعها وتبقى طرية…وخليها تريح 12 ساعة ….مثلا اذا حبيتي ديريها في الليل …رونيه في الصباح …ولما تحبي ديريها هناك طريقتين باش تسخنيها الاولى حطي الزلافة على نار هادية وبسرعة خلطي وكي تحسي بلي سخنت سحبي الزلافة من فوق النار وما تخافيش ماريحش تتكسر الزلافة ..والطريقة الثاني حطي الزلافة وسط طاوة فيها ماء و حطي الطاوة فوق النار وسخنيها كيما نذوب الشكولاطة (حمام مريم)….والان نعرفك يا اختي الكريمة بلي غادي تساليني علاش نحط السكر والجواب هو لما تبدي تنقشي في الحنة لازم ما تتقطعش وهذا بمساعدة من السكر لانها اذا تقطعتلك فتاكدي غادي يصعاب عليك العمل وما تكونش نتيجة شابة …والصورة خير البرهان الاولى بدون سكر….
…. والثانية بالسكر
.. والسؤال الثاني مع هذه صورة 
الزلافة لم تغطى بالبلاستيك وكانت هذه النتيجة ..والان نتمنى اني نكون قدمت فايدة لكل اخت كانت تسال عن الخلطة ….وستنوني مع الجديد ومع الخلطة الثانية للحنة والمزيد ان شاء الله …..شكرا……وكلعادة الهدية…..نتمنى ان تعجبكن………..………………..
بارك الله فيكي يا اختي …………شكرا كثيررررررررررررررررررررررررررر
بصح يا اختي حتي الحنة عندها دور ..كاينين ماركات ……ماتطلعش ولا ممكن راهي بيريمي…………..تفزد النفحة
المهم كثير حلوة الخلطة ……………ربي ايعيشك ان شاءالله عن قريب نعملها
|
المشاركة الأصلية كتبت بواسطة tassnime
 بصح يا اختي حتي الحنة عندها دور ..كاينين ماركات ……ماتطلعش ولا ممكن راهي بيريمي…………..تفزد النفحة
المهم كثير حلوة الخلطة ……………ربي ايعيشك ان شاءالله عن قريب نعملها |
شكرا لك يا اختي على الرد و التنبيه و هذه احسن ماركة نتاع الحنة…..
…. ومجربة للرشم ونتيجتها فعالة والغرب الجزائري يستعمل هذا النوع فهو منتوج جيد …. وتكحال مع مرور الوقت ….ولكن انتبهي العلبة الخضراء (حنة الخلالة)الصورة الاولى وليست هذه..
ذات لون اصفر ..فهي مزورة وغير اصلية ……وشكرا…
|
المشاركة الأصلية كتبت بواسطة صمت الجزائر
شكرا لك يا اختي على الرد و التنبيه و هذه احسن ماركة نتاع الحنة…..
…. ومجربة للرشم ونتيجتها فعالة والغرب الجزائري يستعمل هذا النوع فهو منتوج جيد …. وتكحال مع مرور الوقت ….ولكن انتبهي العلبة الخضراء (حنة الخلالة)الصورة الاولى وليست هذه.. ذات لون اصفر ..فهي مزورة وغير اصلية ……وشكرا… |
يعطيك الف عافية ………ربي يجازيك
شكرا بارك الله فيك
شكرا لك على الخلطة
شكرا لك يا اختي انك رديتي موضوعي للواجهة….وعن قريب انتضرو مني الجديد للحنة وربي يوفقنا لما يحب ويرضى….راني فوت نهاري كله مع مدونة الجيريا…وتستاهلو…..وبارك الله فيك على المررو…سلام مع الجديد
مشكوره على الخلطه
شكرا للك على الوصفة
ولكن فيما تفيد
سلام…تفيد باش تحني يديك..ههههههههههههههه…..انا عطيتهالك وانتي جربيها باش ترشمي ومازال ما كملتش الموضوع …راني في قسم الاشغال اليدوية…وحباباتي ما حبوش يسمحو في فانا راني سامحة في هدا الموضوع وعن قريب نكمل معاكم فسامحوني …وشكرا على المرور وبارك الله فيك
اهلا بكن
والله بمناسبة اقتاب عيد الفطر حبيت نحي هاذا الموضوع …لاني عارفة ومتاكدة كل ام وكل بنت وكل اخت راهي توجد للحنا
وهاك نقدر نفيد كل وحدة تحتاجني
عيدكم مبارك وكل عام وانتن بخير
مشكوووورة اختي على الخلطة
نجربها ونردلك الخبر
وصح عيدك وكل عام وانت بخير ومنورة المنتدى بطرحك الرائع ومواضيعك المميزة
شكرا لكي اختي فعلا عمل رائع و لكن نحن في الجنوب العرائس يستعملو مواد اخرى اضافة لعصير الليمون بش تكحال فوقتها بدون طول انتظار
|
المشاركة الأصلية كتبت بواسطة صمت الجزائر
شكرا لك يا اختي على الرد و التنبيه و هذه احسن ماركة نتاع الحنة…..
…. ومجربة للرشم ونتيجتها فعالة والغرب الجزائري يستعمل هذا النوع فهو منتوج جيد …. وتكحال مع مرور الوقت ….ولكن انتبهي العلبة الخضراء (حنة الخلالة)الصورة الاولى وليست هذه.. ذات لون اصفر ..فهي مزورة وغير اصلية ……وشكرا… |
بارك الله فيك على الموضوع