والله يا جماعة راح كلش فشلت خلاه ومابقاش منزيد نخمم في التاريخ والجغرافيا
صدقوني كنت حافضتها ومن الخلعة راحلي كلش وليت نتفكر غير بلعقل
والاقوال حطيت غير قول واحد وراني ملاحة كي تفكرتوا
محططيتهاش تجي كيمك فلسفة والله حرام منعرف حنا لي غالطين ولا تع الوزارة المخلية
حسبي الله ونعم الوكيل
بالتوفيق يا جماعة الخير
الصبر و باذن الله كلش يفوت على خير
علاه هك اختي تفولي على روحك ولله عيب عليك هك طيحي في مورال تاعك وتاع طلاب صدقني صح فلسفه مهم مي ولله مطيحش صاحبتي 5 في فلسفه واي درك معنا في جامعه تعرفي علاه لانه خرجة تضحك على فلسفه وقالت نعوض في باقي المواد ولله غير نجحة انتي تاني صدقيني راح نشوفك انتي وباقييييي تقلوا باركولييييييييييي نجحت حطي ربي في بالك ودرك تشوفي كفاه يفتح عليييييييييييييك
|
المشاركة الأصلية كتبت بواسطة lamia_23
 والله يا جماعة راح كلش فشلت خلاه ومابقاش منزيد نخمم في التاريخ والجغرافيا
صدقوني كنت حافضتها ومن الخلعة راحلي كلش وليت نتفكر غير بلعقل والاقوال حطيت غير قول واحد وراني ملاحة كي تفكرتوا محططيتهاش تجي كيمك فلسفة والله حرام منعرف حنا لي غالطين ولا تع الوزارة المخلية حسبي الله ونعم الوكيل بالتوفيق يا جماعة الخير |
لازم تنسو الفلسفة وتخمو في المواد لي بقات
lamia نتي تعقبي في عنابة ؟ وش من متوسطة ؟
أنا راني في العربي تبسي و راهم دايرين حاااااالة بالغش… يا لطيف… جامي ظنّيت أنو تكون هذه الظاهرة متفشّية إلى هذه الدرجة….
|
المشاركة الأصلية كتبت بواسطة أنا لست أنا
lamia نتي تعقبي في عنابة ؟ وش من متوسطة ؟
أنا راني في العربي تبسي و راهم دايرين حاااااالة بالغش… يا لطيف… جامي ظنّيت أنو تكون هذه الظاهرة متفشّية إلى هذه الدرجة…. |
في في سيدي عمار رابح بيطاط
ياو المشكل حنا تاني مي كلاصة على كلاصة
حنا اليوم في الفلسفة واحد مهز راسوا تعرفي زيرونا خلاه
ربي يستر غدوة في الاجتماعيات… أنا رح نحفظ غير وش ما جاش العام اللي فات بصح خايفة يزيدو يخدعونا…
رآآآح لبـآك ….
ماراحش الباك ومازال الاجتماعيات و ام شاء الله20/20 طلعلنا النيفوااااااا و المعدل ان شاء الله يالله قولوا معايا اااامين الباك تجيبوه وربي كبير تفااااااااااااااااااااااااااااءلوااا
انا لست انا@
أي حجرة أنت
la salle 12
وش راااح نقول انا على روحي على بالك أنا حفطت غير 4 مقالات ماجات حتى وحدة دخلت دوك المقاااالات في بعضااااهم و درتها مقااالة الله غاااالب على بالنا تجي الشعووووور مجاتش
يشتيو يزيروا غير في المواد نتاع لحفاظة الاجتماعيات و الفلسفة و العلوم الإسلامية …….الباقي نقل في راحتك تخرج للمرحاض نقل فلكلاصة كيما حبيت….عقبت لغة فرنسية قبيل جات ليا الأستاذ قتلي خلصت و لا مزال قلتلها خلصت راني نراجع ولات قاتلي تراجع و لا تحوس تنعت للباقي ….قاتلي لحبيت تنعت نعت نورمال…….ويقلك بلاد.
|
المشاركة الأصلية كتبت بواسطة raouf 1994
رآآآح لبـآك ….
|
والله قلبي معاكم و كي قريت هذه الكلمة راح الباك والله غير غطتني صح
وانا لاحطتك متحمس من بداية العام كلنا تشوكينا من الموضوع انا كنت حافطة
4 مقالات ولا حتى وحدة جات ومشي غير أنا أغلبية المركز لي متحنت فيه هنا
في تلمسان ربي يستر كنت فرحانة بالادب وعلوم اسلامية وانجليزية ولكن فلسفة
خلاتني نقول كيما قلت باي الباك