اخواتي الكريمات حبيت نحط هذا الموضوع باش تستفاد من المبتدئات وما يخافوش من حاجة اسمها مطبخ او من الطبخ الطبخ
وباش تعرف كل وحدة ان ماكانش وحدة ما فشلتش في طبخة اوحلوى
على بيها حطيت هذا الموضوع ونتمنى من كل الاخوات يدخل ويحك عن تجاربهم وعن بداياتهم في الطبخ
وشكون فينا لي ما صرالهاش موقف طريف في المطبخ او موقف خطيروشكون فينا لي تنسى اول حاجة خدمتها ونجحت فيها
نتمنى الموضوع يعجبكم ونتبادل فيه ذكرياتنا وتجاربنا المطبخية
كاي بنت جزائرية تعلمت من امي وكان حبي لطبخ من صغريكنت نشوف ونتعلم ونحفظ
ومن بعد بدات نتبع السيدة رزقي يذكرها بالخير وجزاها الله خيرا
اول حاجة خدمتها وحدي وانا في السنة اولى متوسط
كانت اسكندرنيات
وكانت فرحتي كبيرة ولاسعدني التشجيع الكبير من العائلة ربي يخلي هوملي
وان شاء الله المرة الجاية مع دكريات اخرى لانها كثيرة ناجحة وفاشلة اكيد
سلام
|
المشاركة الأصلية كتبت بواسطة نسيم التفائل
 |
شكرا على الموضوع الجميل و نشالله تلقي تفاعل فيه
أكيد موضوعك مميز عزيزتي أم ساجد
صراحة أول مرة دخلت فيها المطبخ كان السنة السابعة متوسط بديت بحوايج خفيفة مثل المقلي و إعداد السلطات كنت نحب سلطة الأرز مع مكعبات البطاطا المقلية و الفلفل الحلو المشوي و مكعبات الطماطم و الزيتون و مزينة بالبيض
ههههههههههههههههه كنت نتفنن فيها هذاك الوقت خاصة في الصيف
رجعتيني 18 سنة ورا أم ساجد شكرا لك
5 نجوم من عند أختك أم إياد لأنك فعلا رجعتيني لأيامات نحبها بزاااااااااااااااااااااااااااااااااااااااااااااااا اااااااااااف
شكرا
يعطيك الصحة أم ساجد موضوع راااائع عجبني بزاف بصح أسمحيلي مانقدرش نشارك لو ندخل نغرق لازم ميطر ناجور وياربي هههههههههههه
واش نحكي واش نخلي خلي البير بغطاه ههههههههههه:d:d
عجبني الموضوع تاعكم بزااااااااااااف انا ثاني اول تجاربي كانت مع البطاطا المقلية والسلطة والمسكوتة
|
المشاركة الأصلية كتبت بواسطة لمى يس
عجبني الموضوع تاعكم بزااااااااااااف انا ثاني اول تجاربي كانت مع البطاطا المقلية والسلطة والمسكوتة
|
كامل بدينا بالفريت ، ماتلعبيهالنا ماواو هاتي الصح واش درت كوارث :d:d
انا نقول لكم على تجربة من تجاربي المطبخية كنت صغيرة لاذكر السنة بالضبط حسبت روحي ساجية وكانت امي غائبة وقلت نفاجئهم بالمطلوع ويا ريت ماكان
لاني خدمتوروعة لكن اطياب ماعرفش في الاول وحرقت 2 خبزات وباش امي ماتمرقليش نفختوا بالماء وعطيتهم للجاج كانت امي مربياتو بصح حتى الجاج مابغاش ياكلو وفاقت لي امي وكان لي كان
لكن نتعلمو من هذو التجارب والحمد لله
صحيتي ام ساجد ولله ذكريات روعة ماتتنساش خلاص
إييييييييييييه أم تقي وين يبان المطلوع نتاعك أمام الكوارث نتاعي :d:d:d:d:d
أم ساجد فكرة هايلة يا أم الأفكار
بصح منين نبدا ومنين نكمل نبدا بتاع المورانغ خيبة
مالا كي كان عمري 14 نسنة حبيت نتعلم المورانغ مايصلحليش خلالالالالالالاص هبال مالا قلت يا أنا يا هو مالا طبقت وصفة خالتي ربي يعيشها بحذافيرها وحطيتو يطيب مالا كلاوني يديا وفي نص الطياب طليت عليه فتحت الفور مالا طفا المورانغ ورجع شيوبة عيوبة مالا تنارفيت وحليت باب الحوش ورميتو هو بالسنيوة من الدمار وكان خويا حسام فوق لاطيراص شافني كي طيشتو وهبط يجري ( ياكل كلش) مالا لمو من الأرض وقاعد ياكل فيه برد قلبو وكي طليت عليه لقيتو في هذيك الحالة مت بالضحك وساميتو وكليت منو شوي وتنحالي الزعاف ههههههه بصح موراغ نوع شيكلالالالات هههه
|
المشاركة الأصلية كتبت بواسطة أم محمد تاج
أم ساجد فكرة هايلة يا أم الأفكار
بصح منين نبدا ومنين نكمل نبدا بتاع المورانغ خيبة مالا كي كان عمري 14 نسنة حبيت نتعلم المورانغ مايصلحليش خلالالالالالالاص هبال مالا قلت يا أنا يا هو مالا طبقت وصفة خالتي ربي يعيشها بحذافيرها وحطيتو يطيب مالا كلاوني يديا وفي نص الطياب طليت عليه فتحت الفور مالا طفا المورانغ ورجع شيوبة عيوبة مالا تنارفيت وحليت باب الحوش ورميتو هو بالسنيوة من الدمار وكان خويا حسام فوق لاطيراص شافني كي طيشتو وهبط يجري ( ياكل كلش) مالا لمو من الأرض وقاعد ياكل فيه برد قلبو وكي طليت عليه لقيتو في هذيك الحالة مت بالضحك وساميتو وكليت منو شوي وتنحالي الزعاف ههههههه بصح موراغ نوع شيكلالالالات هههه |
قتلتيني بالضحك على هاذي ماحبيتش نحط القصص نتاوعي خلي نضحك على روحي وحدي خخخخخخخخ
السلام عليكم اختي ،، انا نحكيلك تجربتي بصح مات ضحكوش 
كان عندي مشكل مع الخميرة كل ما أندير مسكوتشو ننساها و مانحكيلكومش على الشكل 
يجي كي الورقة ههههه و الله غير فكرتيني فهذوك الأيام
أخواتي شكون اللي عندها و صفة لعجينة بيتزا مضمونة ، في الدار يحبوها تكون رقيقة و انا كي نديرها اجيني يابسة 
الله يجازيكم ،، سلاااام