السلام عليكم و رحمة الله و بركاته
بسم الله
هذا نوع بسيط من التشيز كيك , منظره كالبيض المقلي , و في الوصفة لا توجد أي بيضة 
للأمانة هي وصفة لسيدة خليجية (إماراتية) , نتمنى تدعيولها !!!!! فقط أنا هنا غيرت بعض المكونات بطريقة تتناسب مع الكوزينة الجزائرية!!
هههههههههههههه البيضة اللي في الوسط , للتمويه فقط ههههه :
الوصفة :
المقادير :
للطبقة الأولى : علبة بسكويت شاي, 100غ زبدة طرية, 1 م ك شكلاطة غبرة (اختيارية أنا هنا أضفتها فقط لإعطاء اللون البني) (في الوصفة الأصلية : بسكويت أوريو و 4 حبات بسكويت شاي و 100 غ زبدة)
الطبقة الثانية : علبة حليب مركز, 8 جبن مربعات
النقط الصفراء : 1 باكو كريم كراميل أي كيس الفلان , و (كاس إلا ربع حليب مع ربع كاس زبدة ) : الحليب و الزبدة لتعويض القشدة في الوصفة الأصلية
الكريم كراميل في الوصفات الخليجية يقصد بها : كيس الفلان , يعني تستعملي الفلان الغبرة ( و الكراميل السائلة اللي تجي معاه , خليها لوصفات أخرى) هذا شكل الكيس و تلاحظه أنهم يكتبو عليه كريم كراميل :
هنا كل المكونات : (ثمة باكو بسكويت زايد في الصورة ههههه سامحوني )
الطبقة الأولى : تخلطي الزبدة و الشكلاطة مع البسكويت المرحي (أنا هنا هرسته بايدي فقط) , حتى تتحصلي على عجينة قاسية , حضري طبق الكاب كايك و حطي فيه الأوراق, شوفو هنا قسمت العجينة باش نسهل العمل :
نحطو العجينة بالتساوي في الكيسان, في نفس الوقت نكونو خلطنا : علبة النستلي مع 8 جبن مربعات في الخلاط الكهربائي :
نصبو الخليط بالملعقة بالتساوي كيما تشوفو الصورة اللي تحت, و يكون الفرن حاضر (سخون 180 درجة من فوق فقط ) : هنا قبل الفرن :
فقط تنتظري حتى يتماسك الخليط . موش حتى يحمار!!!! فقط اضغطي برفق بصوابعك تلاقيه عمل قشرة متماسكة : شوفوه هنا 
أنا هنا بعض الحبات حمارو شوية )
لما تخرجي الطبق من الفرن , تحطي على النار : كاس إلا ربع حليب مع ربع كاس زبدة (تعويضا للقشطة ) و كيس كريم كراميل أي كيس الفلان , و حركي بسرعة حتى يغلي الخليط و يتجانس و يصير لونه أصفر (مثل مح البيضة) :
هي الكمية كبيرة بالنسبة للديسار , من الأحسن تعملو نصفها فقط !!!!!
واصلي التحريك حتى لا يتكتل الخليط!!! و حطي ملعقة في وسط كل حبة, بكل رفق و هوادة هههه :
هذه النتيجة في الصورة اللي تحت , و بعد حطيهم في الثلاجة حتى يتماسكو :
النتيجة :
مباشرة بعد خروجهم من الثلاجة نحيت الورقات و قدمتهم :
شوفو هنا الطبقات : هي من الأحسن طبقة البسكويت تكون ضعف هذه اللي في الصورة :
من الوسط :
صدقوني طعمهم راااااااااااااااااااائع جداااااااااااااااااااااااااا 
و لا يشبه للبيض ههههههههههه 
و اللي عمرو ما كلى البيض , اليوم ياكل البيض المقلي
وصفة ساهلة و بنيييييييييييييييييييييييييينة و غريبة , نتمنى تجربوها 
لا تنسوا دعوة خير لصاحبة الوصفة الأصلية
ملاحظة : إذا كنت لا تفضلين استعمال الحليب المركز , عندي وصفة مشابهة هنا https://www.djelfa.info/vb/showthread…3#post13325443
فيها البديل إن شاء الله.
امممممممممممممم سخفتيني تبان بنينة
اووووووووووووووووووووووووووو الله يعطيك ماتتمناي انت والاخت الامارتية ربي يجازيكم كل خير
هايييييييييييييييل عجبتني الطريقة والفكرة مميزة
احلى تقييييييييييييييم لاحلى امهم
بارك الله فيك أختي على الوصفة المعدلة وجزاها الله خيرا الأخت صاحبة الوصفة
هايله شكراليك ومتغيبيش برشا
ممممممممممممممممممممممممممممممممممممبالك الله فيكما
|
المشاركة الأصلية كتبت بواسطة أم ياسين الزهراء
 امممممممممممممم سخفتيني تبان بنينة
|
و الله بنينة هههه, يعطيك الصحة يا أم ياسين
|
المشاركة الأصلية كتبت بواسطة حيهتى كلها امل
اووووووووووووووووووووووووووو الله يعطيك ماتتمناي انت والاخت الامارتية ربي يجازيكم كل خير
هايييييييييييييييل عجبتني الطريقة والفكرة مميزة احلى تقييييييييييييييم لاحلى امهم |
يعيشك يا أمل , نورتي
|
المشاركة الأصلية كتبت بواسطة فيفي سكيكدية
بارك الله فيك أختي على الوصفة المعدلة وجزاها الله خيرا الأخت صاحبة الوصفة
|
مشكوووورة يا فيفي
|
المشاركة الأصلية كتبت بواسطة omnadjem.10
هايله شكراليك ومتغيبيش برشا
|
يعيشك يا أم ناجم, و إن شاء الله نحاول ما نغيبش برشة 
|
المشاركة الأصلية كتبت بواسطة zhor1970
ممممممممممممممممممممممممممممممممممممبالك الله فيكما
|
نورتي يا زهور
عجبتني الوصفة دخلي بعد غياب بوصفة هايلة تبارك الله
بصح واش هي باكو كريم كاراميل تقصدي الفلون كراميل
وصفة رائعة من عضوة أروع من الروعة
شكرا جزيلا عزيزتي دمتي وفية لنا
+++++ 5 noujoum
يعطيك الصحة
|
المشاركة الأصلية كتبت بواسطة الأمنيات
عجبتني الوصفة دخلي بعد غياب بوصفة هايلة تبارك الله
بصح واش هي باكو كريم كاراميل تقصدي الفلون كراميل |
إن شاء الله الوصفة تعجب بقية العضوات , ربي يخليك ليا أمنياتي, و الكريم كراميل هي نفسها الفلان كراميل, إن شاء الله نحطلك صورته في القريب.
|
المشاركة الأصلية كتبت بواسطة oum anas 69
وصفة رائعة من عضوة أروع من الروعة
شكرا جزيلا عزيزتي دمتي وفية لنا |
|
المشاركة الأصلية كتبت بواسطة oum anas 69
+++++ 5 noujoum
|
يعيشلي أختي الغالية أم أنس , و اتهني راني مدمنة الجلفة و إن شاء الله يستحيل نبعد عليكم 
|
المشاركة الأصلية كتبت بواسطة بوعنينبة
يعطيك الصحة
|
مشكووووووووووورة أختي ربي يفضلك.
السلام عليكم كى شفت البيض المقلى ما حبيتش ندخل نشوف بصح كى شفت اختى انا امهم قلت لازم كاين سر وشفت فعلا رائع وهفيتينا ربى يعطيك الهنا
هااااااااايل يعطيك الصحة
ربي يبارك فيك وفي مولات الوصفة