و ان شاء الله مبادرتي تلاقي استحسان الكثيرات منكن اخواتي …. و باذن الله مرة على مرة رايحين نعملو مع بعض اعمل جماعية في شكل فساتين مصغرة و رايحين نتعلمو مع بعض لاني اامن بالعمل الجماعي و فوائده من ناحية التحفيز و المساعدة وو العمل يدا بيد ….. و ان شاء الله رح استعين بالاخت السطايفية ارجو ان تنورنا ورح تكون مستشارة توجيه علينا كاملين ارجو ان يكون ذلك لا يتعارض مع قوانين المنتدى و ذلك طبعا بعد اذن المشرفين ربي يخليهم … تعرفو علاش اخترت الاخت السطايفية كضيفة شرف – مستشارة توجيهية- لاني التمست فيها الروح الطيبة و حب مساعدة الغير و لاني في نفس الوقت مش حابة نكثر على الاخت كرونو لانو الاعباء عليها كثيرة ربي يعاونها خاصة في محاولاتها الدءوبة في تلبية طلبات الاخوات ومد العون لهن
راني عارفة طولت علين
– عدم ترك المقص في متناول الاطفال
– لا نتركه مفتوح فوق الطاولة
– لا نسلمه لزميلتي من الجهة الحادة
– عند الاستعمال لا نوجهه الى الاعلى
– لا نتركه يسقط من الاعلى يمكن يتكسر او يسبب اذي للرجل
لا نستعمل مقص القماش في قص اشياء و مواد اخرى خاصة الورق ( باش ميحفاش)
وداعا الى الدرس التالي
——————————————————————————————————————————————————————————————————————————————————————————————— الدرس 2——————
الاثنين 11 – 03 – 2024
مادة : الاعمال التطبيقية ( التفصيل)
ان تقصيل الملابس صنعة تحتاج الى معرفة و ممارسة و خيال واسع . اما الخياطة فهي ممارسة و تحتاج لوقت اطول من التفصيل
التفصيل : عقل له خيال يصور الشيء قبل ظهوره . و ان يتنبا بعمل قبل عملها و يكون له المام بالخياطة و التفصيل … ففي السايق كان الخياط هو الذي يقص و يكمل العمل و كان القياس يعتمد على الشبر و الفتر وو العقدة و الابهام
و التصميم على الورق يتخذ شكل و مقاسات الجسم حاله حال المهندس الذي يصمم عمارة يبدا في تصميمها على الورق . و نفس هو الشيء في الخياطةفالتفصيل يتم على الورقبالبترون و اول من ابتكر هذه الطريقة هو الرجل ( بروفيلي ) و كان ذلك في مصر اول هذا القرن و نشره في عدة مراكز لتعميمها و كان احد الذين علموها ( تيسير نمر عثمان يس ) و هو من الاردن
– ان المصممين يتفقون على المقاسات الخاصة بالسيدات و الرجال و الاطفال و هذه المقاسات هي التي تصمم عليها البدلو الاثواب
– و كل دولة لها مقاساتها الخاصة
-صغير جدا ss / صغييير s / وسط m / كبير l / كبير كبير xl / كبير جدا xxl
مع السلامة الى الدرس الثالث باذن الله
والى ذلك الحين تقبلو فائق احترامي و امتناني للمتابعة
ملاحظة : هذه دروس نظرية يمكن تجيكم مملة نوعا ما لكن معلش في خاطري اصبرو باش نوصلو معا و التوفيق من الله تعالى و كما يقال مشوار 1000 ميل يبدا بخطوة واحدة رانا في الحطوة الثانية و انتم ما عليكم الا الصبر ..
و المواصلة 
و الاستمرار 
ووووو لا اعرف ا
المهم رانا مع بعض نتعلمو و ما انا الا مرسول بين مركز التكوين و بينكم
واذا مليتو 
اعذروني
وانا باذن الله رانا نقراو من الاحد الى الاربعاء … يعني راح نحطلكم 4 حصص بالاسبوع
الى اللقاء
————————————————————————————————————————————————————————————————————————————————————————————————— الدرس 3—
[[SIZE="7"]CENTER][/CENTER]
الثلاثاء 12 – 03 – 2024
في الدرس الثالث نتعلم اليوم انواع غرز الخياطة اليدوية بواسطة ابرة و خيط واحد وتوجد عدة غرز :
1- غرزة السراجة : تستخدم هذه الغرزة للوصل بين قطعتين بصورة مؤقتة و تعتبرهته الغرزة الاكثر استعمالا و شيوعا على الاطلاق
الهدف من هذه الغرزة : هو ان تثبت قطع الفماش لتسهيل الخياطة فيما بعد …. حتي لا تصبح الفطعة منفلتة عن الاخرى ( مواربة ) كما تسمح لنا رؤية النتيجة النهاية لجمع الفطع المفصلة و التمكين من عملية الفياس المبدئي للثوب و تعتبر مبدئيا المرحة الاولى للخياطة لانها غرزة سهلة الفك و لا تترك اثر على القماش عكس الخياطة بالمكنة كثيرا ما تمزق لنا القماش او تترك اثر اي في حال الخطا مثلا و اردنا فك القطعتين فان ذلك لا يتم بسهولة و لان خياطة المكنة متينة فقد تتلف لنا القماش
اترككم مع الصور التوضيحية :
و اليوم في مركز التكوين عطاولنا قطعة قماش باش نطبقو عليها هاذ الغرزة
و كاين غرزة ثانية و هي غرزة النباتة الخلفية راني جبتلكم صورة تقرب الشرح ليكم اكثر :
اما الغرزة الثالثة فهي غرزة السورفيل او السرفلة و و هي تاتي على طول حواف القماش لتفادي ثنثرة الحواف و حتى لا تتفكك الخيوط و بالتالي قد تصل الي الخياطة نفسها و قد تفك بعد ذلك و لتطقبيها نعملو الخيط من تحت حافة القماش الى الاعلى على ارتفاع 1 سنتمتر مثلا هكذا حتى ننهي كامل طول الحافة
و الصورة التالية توضح اكثر :
اما الغرزة الرابعة هي غرزة اللفق و التكفيفة شرحها واضح في هذه الصور
هذا ما لدينا اليوم …. انا بصراحة مطبقتهمش على القماش … قلت ننقلكم الدرس قبل ذلك و من بعد نطبق الغرز على القماش و نحطلكم تفنني في الخياطة 
هههههههههههه راني غير في الخطوة الاولى و نزوخ و شعليها باش نطلع لروحي المورال 
الى الدرس الرابع غدا باذن الله
CENTER]
[/CENTER]
————————————- تطبييييييييييييييييييق ———————————————————————————-
|
المشاركة الأصلية كتبت بواسطة stayfiya
 يعطيك الصحة ام مريومة راكي جبتيها ههه انا من راي لوكان يحبو الاخوات يطبقو خيير و خييير مافيها والو يشريو طرف قماش و يقطعوه طراف و يبداو يطبقو كل درس كهذا يلصق مليح الدرس و تشوفي لكان لفهامة دخلت في الخشخاش ولا نو هههه او ما تستهزاوش و في نهاية كل خمس دروس راح يكون سؤا ل عشوائي بلا ما طلو على الدروس هههه او مابيناش الغش رانا نشوفو فيكم ههههه هاه واش قلتي يا شريكتي ؟؟!!
|
نورتيني بطلتكك الباهية يا سطايفية وروحك الطيبة … و طرحك دا في محلو … و بما انك مستشارة تويجهية لينا مفيش نقاش لكلامك نتمنى دائما انك تساعدينا ….. 
فعلا احنا في السونطر اعطاولنا قطعة قماش و قالولنا طبقو الغرز فيها … نتمني من كل وحدة تطبق االتمرين التالي :
اولا نجيبو قطعة قماش مربعة او مستطيلة و نجيبو ابرة وخيط
ننزلو على حافة القماش ب 2.5 سنتمتر و نسلو خيط على العرض و من بعد ننزلو 2.5 سنتمتر و نسلو خيط ثاني و نطبقو معا غرزتين :
الاولى غرزة السراجة … نطبقوها في السطر الاول الي سلينالو الخيط و نبداو نحسبو في الخيوط العمودية نرفدو 6 خيوط عمودية وندخلو ابرة فيها خيط واحد بعدما عملنا عقدة في البداية طبعا و احكمناها مع القماش قتلكم نرفدو 6 خيوط عمودية و نتركو ستة خيط و نعاودو نفس الطريقة
اما السطر الثاني الي سليناه نعملو عقدة بالبرة و الخيط ونثبتوها مع القماش … و نتركو 2 خيوط عمودية و نرفدو 2 نتركو 2 ونرفدو 2
انا راح نحطلكم تطبيقي و نتمنى اننا نعملو معا براي الاخت المستشارة – السطايفية – و راح من هاذ الاسبوع نبداو نسجلو في الغيابات يمالا وجدو رواحكم 3 غيابات غير مبررة راكم مطرودين احنا راهم يخلعو فينا في السونطر بهاذ التهديد .-.. يمالا قلت انا ثاني نخلعكم ههههههه
و تطبيقي راه هنا :
——————————————————————————————————————————————————————————————————————————————————————-الدرس الرابع البنسات او الثنيات ———————–
تمهيد :
البنسة لها فنيات في الخياطة
فليست كل واحدة تجيد فن خياطة البنسات ومعا
نحاول التعرف على كيفية خياطتها
وهي
لها انواع منها البنسة ذات الرأسين وبنسة ذات
الرأس الواحد وتكون عريضة في احد طرفيها
والبنسة الجيدة تكون مستقيمة وملساء
فلنبدأ ونتعلم ما يفيدنا في دنيا الخياطة.
نبدا نتعلمها بسهولة
نجيبو قطعة قماش صعيرة نطويها على اربعة و من بعد نقصو الحافتين العلوية قليلا بطرف المقص حوالي 2 مم ننزلو ب 8 سم و نرسمو بالقلم الرصاص خطين مكان الشق الي عملناه في القماش يطلعونا 2 واحد في اليمين و الثاني في اليسار ارتفاع كل واحد الخط 8 سم و من بعد في الخافة العلوية نقيسو 1 سم من جنب و 1 سم من الجنب الاخر و نرسم خطين بالقلم الرصاص يعني من 1 سم الي خليناه الى نعاية الخط النصفي و نفس الشيء في اليسار يخرجلنا شكل مثلث طويل
و الرسم التوضيحي راح يبين اكثر
و من بعد نبدا بالثنية الاولى الي على اليمين ( يجي على شكل مثلث طويل ) شفتو الخط النصفي الاول الي انزلنا بيه نطويو فيه القماش سواسوة و راني في الرسم التوضيحي لونتو بالاحمر و من بعد نثبتو القماش بالدبابيس و و نخيطو على طول الخط الجانبي الي يظهر في الرسم باللون الاصفر
يمكن الصورة توضح اكثر و هنا رسمناها على القماش بصابونة الخياطة او الطبشير
اثني البنسة على الخط المركزي مطابقة خطوط
الدرز والعلامات الموجودة على الطرف العريض
والرأس وما بينهما
استعيني بالتدبيس للثنية في موضعها مع
توجيه رؤوس الدبابيس نحو الحافة المثنية
لتسهيل ازالتها اثناء الخياطة
خيطي مبتدأة من الطرف العريض حتى رأس
البنسة واعملي قطبة خلفية
عند بداية خط الخياطة ثم تابعي الخياطة
بإتجاه الرأس وازيلي الدبابيس كلما اقتربتي
منها حتى لا تصاب الابرة بالكسر
ضيقي الدرز وصولا الى راس البنسة
وعند وصولك الى بعد 1/2 انش ( 1.5 سم )
عنها قصري الدرز الى حوالي 12-16 درزة في
الانش ( 2.5 سم ) وادرزي الدرزتين او الثلاث
الاخيرة على الثنية مباشرة
نقصو الخيط بعد الخياطة ثم نحدد القطعة بالمكواة بهذا الشكل
و هذه طريقة مبسطة للبنسة او الثنية تستعمل في مختلف الاقمشة الرقيقة و الخفيفة لكن في الاقمشة الخشينة او الثقيلة لازم نقصو مكان الخط النصفي الي نزلنا بيه ب 8 سم و الي طويناه و خيطناه وو من بعد نبسطو الجانبين ( نتاع 1 سم و نحدوهم بالمكواة
وان شاء الله نكون قد وفقت في نقل و ايصال الدرس و للامانة انا استعنت بصور ماخوذة من النت للتوضيح اكثر اي استفار انا في الخدمة و اكون سعيدة اكثر لو عملتو التطبيق و غدا سانزل تطبيقي الى اللقاء في الدرس الخامس
للتذكير هاذي ابسك انواع البنسات و تسمى البنسة العادية و يوجد غيرها اسمها البنسة المزدوجة سنتناول تطبيقها بعد متاكدولي انكم فهمتوني
——————————————————————————————————————————————————————————————————————— الدرس الخامس : مريلة بيبي ( صدرية مستديرة ) ————————————————-
اولا لرسم مريلة بيبي لازملنا ورق باترون و ان لم يتوفر يكفي ورق جريدة و مسطرة و قلم رصاص و ممحاة
– لازم نرسم بالعرض خط طوله 9.5 سم و الارتفاع 27 سم و نعملو مربع طويل و نقسموه الي 6 مستطيلات يعي ننزلو 4.5 سم و يخرجولنا 6 خانات و الرسم التخطيطي التالي يوضح ذلك وللامانة هو منقول للافادة
و في السطر الاول علي يمين الورقة (من جهة اليد اليمنى ) ندخلو ونقيسو 1.1 سم و نرسمو نقطة و ننزلو في السطر التاني و نوصلو من نقطة بدايته من اليمين مرورا بالنقطة الي رسمناها الئ غاية الفووق و نرسمو خط و من بعد في السطر الاخير ننزلو عموديا ب 2 سم و نعملو نقطة و من بعد نحددو شكل المريلة بالقلم و الصورة توظح الشرح اكثر
اخواتي ارسمو هاذ الخطوات و من بعد بعد نطبقو على القماش موعدنا غدا باذن الله حاولو تطبقو معايا لو سمحتو لان التطبيق يساعد على ترسيخ المعلومة اكثر
محجوووووووووووووووووووووووووووووووووووووز
محجووووووووووووووووووووز
merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiii
ما يسعني الا ان اقول لك بارك الله فيك وجازاك كل خير يا ريت كل الناس تعمل كيفك فزكاة العلم نشره بوركت اخية
السلام عليكم
أنا ثاني قريت في التكوين بصح كمتمهنة فقط
عندي دروس إذا تحبي نحطها كدعم لموضوعك
بارك الله فيك بالتوفيق شكرا
مشكورة اختي بارك الله فيك
الموضوع يستحق التثبيت حتى تفيدينا كل مرة بالدرس لي تعلمتيه
الله يعينك ويبارك فيك وشكرا على هاذ الالتفاتة الطيبة
بارك الله فيك اختي اوهاكذا دعو خير من كل واحدة راغبة في التعلم جزاك الله كل خير وجعلها فى ميزان حسناتك.
شكرا ليك ربيي يجازيك رح نتابع مواضيعك ونتعلم معاك ان شاء الله.
شكرا على هذ المجهود الرائع ورانا معاك
رائع جدا أختي
سوف تقدمي خواتي الحبيبات ما عجزت عن تقديمه
في السداسي الماضي درست المرأ الماكثة في البيت ولله الحمد نتائجها كانت أكثر مما تخيلته
أختي يالتوفيق راني انتابع فيك
ونستفيد ………….
بارك الله فيك