السلام عليكم
عندي بمنزلي حوش كبير نوعا ما المهم عمل بيه زوجي احواض وملئها بالتربة راني حابة نغرس فيهم نباتات ليس للزينة وانما نستعملها في الطبخ
….دبرو عليا وش نقدر نغرس وما هو الوقت المناسب للغرس
بارك الله فيكم
تقدرى تغرسى الحبق النعناع الفصبر القصبر والحبق بالبذور اما النعناع بالجذور حتى الطماطم تقدرى تغرسيها فى الاحواض الفراولة كنت وحد العام اشتريتها فى احواض صغيرة ومدتلى عدة فروع واكلنا منها ومديت منها الليمون فى الارض وليس الاصيص
ماشاء الله … شحال تعجبني جنينة في البيت … خسارة ما عنديس لوسع و لا كنت زرعت كل خير
لكن نعطيك مثال امي عندها مساحة في بيتها …. غارسة فيها القصبر + النعناع + شجرة ليمون + زعفران + بعض الاعشاب الطبية مثل اكليل الجبل و الشيبة و هي تشيه الشيح و فليو …اضافة الى الازهار
ان شاء الله تتوفقي و ترجعيها جنة و تاكلي مما غرست يداك
ربي يخليكم اخواتي على تدخلكم …استفدت من نصائحكم
اختي " سمراء الدنيا " راني بقيت واء زوجي حتى قبل نغرس وش نحب انا ..هوكان حاب نباتات للزينة لكن انا نحب نخرج للحوش ونجني مما غرست يداي حتى استعمله
مباشرة في مطبخي …..ربي يرزقك بالوسع ويعطيك جنان كبير تغرس فيه واش تحبي
تقدري تغرس الثوم الخس البصل اكليل الجبل النعناع الحبق شجرة ليمون الدالية والتين ولغوز
انا عندي حديقة صغيرة قسمتها الى عدة مستطيلات وملئتهم تراب وراني
زرعت فلفل حار وفلفل حلو وطماطم وخيار وقرعة وسلاطة ومزال بلاك
كاش ما نزيد
الله يبارك اخت مارية دادي…..خضر متنوعة ما شاء الله
تغرسي شجرة التيزانة …..راهي مليحة رائحة زكية و تستفيدي منها ..وكلك النعناع
ولقميها بالقارص تستفادي منها
وتربحي اجر مدي منها للعجايز للمريض للنفساء
والباقي لا استطيع الافادة لاني لا عارف الاشجار المفيدة
ان شاء الله لما ندير جنينة اول شجرة نغرسها هي شجرة التيزانة والليمون
أنا لو منك نغرس الخضروات لي ذكروهملك الإخوة بالإضافة لنباتات الزينة التي تكون في الأصص نحيط جناني بيهم
ربي يسعدك أختي
انا ما نعرفش نغرس و لكن لبصل الي ينبت لي نغرسو و راني نحي منه و نطيب
انجح شي تغرسيه ومردوده كثير ان شاء الله
الدنجال والطماطم والفلفل والكرجيت ( الكوسة )
والنبتات الصغيرة مثل المعدنوس والبقدونس