حبيت نطيب حاجات ملاح بمناسبة عاشورة وعندي ضياف وحبيت نجهز قبل ونكون على بالي وش ندير قبل باش ماتتلفليش خاطر راني وحدي وبنتي بسلامتها تخلي شعري يطلع لسما اعطوني اقتراحات واذا كاين معاهم وصفات تكونو مشكورين 
انا على حسب فكري علاه ماديريهش جو رمضاني يعني صيام اليوم التاسع والعاشر من محرم شيء رااااااااااااائع اظن تكون لمة رمضانية يعني تتفكرو رمضان واقترح اطباق مثل شربة فريك و بوراك و طاجين جبن و ديري بلابات فويتي كوكا عندك تاني تقدري ديري رشتة بيضة الله الله بجاج ولحم وحمص واكيييييييد السلطة تكون في صحن كبير ومنوعة وديكورها يشهي ونتمنالك التوفيق يارب
اكيد رحين انصوموا 9و10 بصح عندي ضياف اكيد فيها شربة بصح البراك ماكاش يتباع عندي كتف خروف حبيت نطيبو كيما راه بصح كوكوت نتاعي صغيرة
نفس اقتراحات الاخت السابقة بالصح الكتف مش شرط تخليه كامل ارحي اللحم نتاعو وديريه اشي فاغسي بالدجاج ويجي حربوش كبير وبريزونتابل تقدري تحطيه شرائح او تحطيه مجمول وتقصيه قدام الضياف
والبوراك اخدمي الديول في الدار راهي من اسهل ما يكون وزيدي ديري لفلون وزينيه بلي فروي ولا شونتيي واذا تفكرت حاجة نقولها لاختي
ديري شربة فريك+بوراك +سلطة منوعة+طاجين بونارين+رشتة وجدي الشربة والسلطةوالبوراك نهار مقبل اما الرشتة خفيفة ومليحة للصايمين زيدي معاهم لحم حلو
ولا ديري دجاجة محشية ولا خضر محشية )(دولمة((بصح طيبيها في الفور المهم ختي نصحتي ديري حوايج خفاف ووجدي نهار مقبل
okti al katif machi chart dirihe fi al kokote ana nharage 3lih mlih nhato fi pla qui va au four ndir chuia ma chuia zite nralfah bi aliminiuom nathih fi al four modate 2h toma nahi al aliminioum n9alih yahmar ha nissf sa3a o9ra oi hada 3lanar klila yji bnine bazaf oi ytib mlihe oi al bana ahssan mina al kokote oi hama oi li dako 3ajbou
ربي يعيشكم ويحفظم مشكوووووووووووووووووووووووووريين