خطيب صديقتي 2024.

سلام
يا خاوتي راني في مشكل كبير وحابة تعاونوني وش ندير
عندي صاحبتي نعرفها مليح وقرينا مع بعض في الثانوية والجامعة اتخطبت وفرحتلها من كل قلبي وحضرت الخطوبة وكلشي كان لاباس حتى جا هداك اليوم
كانت حابة تخرج تشري شوي حوايج وقاتلي روحي معايا نخيروا مع بعض انا قبلت منبعد حبت تقول لخطيبها راهي خرجة باه اذا شافها برامايقولهاش ماقلتليش وماكانش عندها unité عطيتها بورطابلي وعيطتلو وقالها ايه
المهم رحنا وشرينا وخيرت وش حبت وكي جينا مروحين تلاقينا بيه بالصدفة المهم ما هدرنا معاه ماهدر معانا
كي روحت وفي الليل عيطلي انا ماكاش عندي رقمو ماهزيتش ولغدوا بعتلي ميساج قالي انا …وحط اسم صاحبتي انا ردفت لقيتو هو وبدا يهدر معايا انا قتلو وش تسحق كي عيطتلك لبارح كان تاعي ماش تاعها ماعندهاش علابيها ماعيطتلكش بتاعها قاليايه علابالي وحاب نهدر معاك راكي عجبتيني وحاب نشوفك
انا لتما سكرت وتشوكيت وماعرفتش وش ندير قعدت نخمم نقولها ولالا منبعد هي عيطتلي وبدات تعيط وتبكي ولد الحرام راح قالها صاحبتك اللي عيطتيلي بالرقم تاعها راهي عيطتلي وقاعدة تهدر عليك بلش ماكيش مليحة والعيوب كامل فيك وهي صدقت وقاطعتني وقاتلي انا وش درتلك باه ديري معايا هكدا وانا وثقت فيك ودرتك كي اختي وانتي خذلتيني
قولولي برك كيفاه ندير لوكان زربت وقلتها يعني دركا هي ماش حتصدقني وهاد مازالو باين يلعب انا مافهمتش مدام خطبها يعني خلاص والله رح نهبل وهي ماهي تهز عليا وماهي تصدق فيا
كيفاه نديييييييير؟؟؟

روحيلها و عيطيلو قدامها دير haute voix باش تسمع وش قاعد يقول و فرات

بما أن هاذ الخطيب كذب عليك وصديقتك مصدقاتكش أجبدي روحك عليهم ومتزيديش تحوسي عليهم واللي بداها بالخدع دوك مينساش عوايدو وكي يتحكم تماك تفيق أنها ظلماتك .

السلام عليكم

أختي روحي عند صاحبتك و أدي البورطابل نتاعك
و حكيلها على كلش و وريلها البورطابل خاطرش المكالمات الواردة يجيو باينين و المكالمات الصادرة تاني باينين
و وريلها الساعة و كاملل
يعني يكون عندك برهـااان

نتمنى نتحل مشكلتك و تتخلص صاحبتك من هاذ الخطيب، راه يبان ما عندهش حسن نية

السلام عليكم، شوفي اختي حاولي تروحي عندها و تفهميها واش صرا بالضبط اذا فهمت الحمد لله أما اذا ما حبتش انتي درتي اللي عليك … قولها انا صحبتك سبعين عام و حنا معا بعض تم تم كذبتيني و هو مدت الخطبه فقط خلاتك ديري فيه لمان ؟ حاولي تقنعيها بصح اذا هي ما حبتش ساعتها ما عندك غير تقولي حسبي الله و نعم الوكيل و تخليها للزمن هو اللي يوريها اي نوع هو هذا الرجل

هدا أوّلا قبل كل شيء حتى صديقتك لا تستحقّه كخطيب
عليها مراجعة حساباتها والله

نعم اقل حاجا روحيلها قولها اسمعي وش راه يهدر حتى لو عيطيلو نتي مش مشكل

بكل بساطة روحي لصاحبتك و ريلها الميساج الي قالك فيه بلي هو خطيبتو و هي فرات

هذا يخدم في خدمة تاع نساء وما يستاهلش بنت الناس ربي يهديه
أنت عليك أن تعذري صديقتك وابق معها حتى تقنعيها ربي يسر أموركم

السلام عليكم

أختي روحي عند صاحبتك و أدي البورطابل نتاعك
و حكيلها على كلش و وريلها البورطابل خاطرش المكالمات الواردة يجيو باينين و المكالمات الصادرة تاني باينين
و وريلها الساعة و كاملل
يعني يكون عندك برهـااان

نتمنى نتحل مشكلتك و تتخلص صاحبتك من هاذ الخطيب، راه يبان ما عندهش حسن نية
نعم الراي ونزيدك
انتي بيبيلوا ولا عيطيلوا وخدير البرلو وخليها تسمع وش يقول وهك راح تصدق بلي كذاب
وربي يهدي

sbhan allah hada zwaj wla tmskir rabi ykwn lkhair

صديقتك أكيد تكون في مرحلة حرجة درك ,,, وزيد أكيد راه كلشي مخلط عليها كل شيء ,,,, لكن انتي ما دمتي على الحق، ما تخافيش ، كيما قالولك الاخوة والأخوات … ادي الهاتف و روحيلها …. وبيني ليها الحق… وان شاء الله ينصرك الله مادمت على الحق,,,,,, وادعي الله تفرج عليكما ,,,, راهي تبان اتبان,,,,,,,,,, ربي يعينك

اقتباس:

المشاركة الأصلية كتبت بواسطة مشكلتي سلام يا خاوتي راني في مشكل كبير وحابة تعاونوني وش ندير عندي صاحبتي نعرفها مليح وقرينا مع بعض في الثانوية والجامعة اتخطبت وفرحتلها من كل قلبي وحضرت الخطوبة وكلشي كان لاباس حتى جا هداك اليوم كانت حابة تخرج تشري شوي حوايج وقاتلي روحي معايا نخيروا مع بعض انا قبلت منبعد حبت تقول لخطيبها راهي خرجة باه اذا شافها برامايقولهاش ماقلتليش وماكانش عندها unité عطيتها بورطابلي وعيطتلو وقالها ايه المهم رحنا وشرينا وخيرت وش حبت وكي جينا مروحين تلاقينا بيه بالصدفة المهم ما هدرنا معاه ماهدر معانا كي روحت وفي الليل عيطلي انا ماكاش عندي رقمو ماهزيتش ولغدوا بعتلي ميساج قالي انا …وحط اسم صاحبتي انا ردفت لقيتو هو وبدا يهدر معايا انا قتلو وش تسحق كي عيطتلك لبارح كان تاعي ماش تاعها ماعندهاش علابيها ماعيطتلكش بتاعها قاليايه علابالي وحاب نهدر معاك راكي عجبتيني وحاب نشوفك انا لتما سكرت وتشوكيت وماعرفتش وش ندير قعدت نخمم نقولها ولالا منبعد هي عيطتلي وبدات تعيط وتبكي ولد الحرام راح قالها صاحبتك اللي عيطتيلي بالرقم تاعها راهي عيطتلي وقاعدة تهدر عليك بلش ماكيش مليحة والعيوب كامل فيك وهي صدقت وقاطعتني وقاتلي انا وش درتلك باه ديري معايا هكدا وانا وثقت فيك ودرتك كي اختي وانتي خذلتيني قولولي برك كيفاه ندير لوكان زربت وقلتها يعني دركا هي ماش حتصدقني وهاد مازالو باين يلعب انا مافهمتش مدام خطبها يعني خلاص والله رح نهبل وهي ماهي تهز عليا وماهي تصدق فيا كيفاه نديييييييير؟؟؟

اوكى و الميساج اللى بعثهولك مسحتيه ?
ادا مامسحتيهش راهو دليل بحد داتو على صدق كلامك
وانا نقول مادام هو خطيبها يعنى اهلها يعرفو روحى احكى مع امها و لا مع اختها و فهميها واش دار حبت تصدق فبها و نعمة ما حبتش راح يجى اليوم لى تبان فيه الحقيقة