خطيبي اصبح بدون عمل بعدما كان ماشاء الله عليه .كان مقاول ناجح عمرو مادار في بالو بلي يدخل دراهم حرام و دوك على جال الرشاوي اللي غزات جميع المجالات حبس الخدمة و قالي نبقى بلا خدمة و ما يشوفوش دورو من عندي
انا عجبني الموقف تاعو بزااااف و بانلي ولد حلال و عندو اخلاق بصح واش راح يطون مستقبلي معاه
هو عندو راس مال حاب يدير بيه مشروع مليح بصح ماعرفش واش يدير و انا ما عندي حتى فكرة
يعيشكم يا خاوتي ادعولو ربي يهلو و يرزقو بخدمة مليحة و يبعد علينا دراهم الحرام يااا رب
و الله محتاجة دعواتكم و تاني نصائحكم
ادا عندكم اي اقتراح قولوهولي و ما تحشموش يعيكم خاوتي
ربي يحفظكم جميعا
ربي يفرج عليه ويرزقه من حيث لا يحتسب
قولي الحمد لله ان عنده راس مال يقدر يبدا بيه مشروع
و ايضا
لما يقرر على مشروع يبدا فيه يصلي صلاة الاستخارة عليه باش مايندمش -> صلاة الاستخارة مش حلم
فكرة على مشروع
قوليلو يقرا على كيفية بداية مشروع و كيفية النجاح في مشروع و ايضا يسأل ناس يعرفهم عندهم مشاريع كيفاه داروا الاخطاء اللي داروها باش مايغلطش كيفهم …
أهم شيء مالازمش ينشر خبر انه رايح يدير مشروع الا للناس المقربين له -> لانه اذا نشر الخبر رايح يكون تحت ضغط مالازمش يغلط و الناس تبقى تنتظر واكتاه ينجح و هدرة الناس ماترحمش
يعني يخلي الامر في المحيط الصغير فقط باش يكون مرتاح و يخدم براحة
ماعنديش الان
و اذا تفكرت مشروع راني نقولك
ربي يوفقك أختي
google est ton ami
اقول لكي كما قال رسول الله صل الله عليه و سلم
( من ترك شئ لله عوضه الله خير منه)
فأبشرو بفتح من الله قريب ان شاء الله
قولي له يبيع( المتريال)
و يفتح محل تجاري
مواد غذائية و خضر و فواكه
لاننا مجتمع مستهلك من الدرجة الاولى
او ادوات البناء و الخردوات ( كانكايري)
لان الشعب كله يبني صيف و شتاء
دورها تجارة وخلاص كيما قال سي محمد ولا يدورها بيزيريا راكي علاال شعب يحب تاني الماكلة خريف وربيع
وربي يبعد عليكم وعلينا الخدمة والمال الحرام
سلام
الصحة برك… حاجة اخرى ماشى مشكل ربى يفتح على كل مؤمن .
ربي يجيب الخير
ان شاء الله يلقى خدمة مليحة وكيما قال الاخوة
يخدم في التجارة …عائلتي كلها خلات اعمالها وتوجهت للتجارة وراهم الحمد لله
ربي يسهل من اموركم
الله يفرج عليكم أختي ويجمع بينكم بالخير ان شاء الله
العمل كمقاول في الصحراء في ايليزي مثلا كنت انا اعمل مراقب بناء لدى مكتب دراسات لم تكون هناك أي رشوة
والحمد لله كنت أسهل دائما المعاملات للمقاولين الجديين واصعبها لمن يريد ان يتعامل بالرشوة
لم أفهم يعني على جال الرشوة حبس خدمتوا؟؟!!!! ……..كان قادر يبقى و يرفض الرشوة ……… و اذا كل واحد رافض للشوة تخلى عن عمله كيفاش رح نقضوا عليها ؟؟ …او حتى نقصوا منها ……….
المهم الله يرزقوا بعمل اخر و يبعد عليكم الحرام
اختي نحب نقلك بالي هذا ماهوش مشكل لك وحدك احنا ثاني الوالد مقاول وراه يعاني من هذي المشكلة الرشوة في كل بلاصة ولات المهم ارض الله واسعة ومدام هو يخاف ربي متخافيش ان شاء الله ينجح في مجال اخر التجارة مثلا ففيها البركة ونيحة لك اقفي معه وسانديه في كل قرارت و متخافيش من الفقر ربي اللي يرزق *وفي السماء رزقكم وما توعدون*
|
المشاركة الأصلية كتبت بواسطة golden princess
 لم أفهم يعني على جال الرشوة حبس خدمتوا؟؟!!!! ……..كان قادر يبقى و يرفض الرشوة ……… و اذا كل واحد رافض للشوة تخلى عن عمله كيفاش رح نقضوا عليها ؟؟ …او حتى نقصوا منها ……….
المهم الله يرزقوا بعمل اخر و يبعد عليكم الحرام |
لأن مراقب البناء أو مكتب الدراسات ممكن أن يطلب من المقاول رشوة حتى يمررو فاتورة الأشغال وغذا رفض راح يتم تعطيل ورشته واشغاله
وبعدها يصبح المقاول في أزمة لأن هناك عمال ينتظرو دفع أجورهم من تلك الفاتورة التي عطلت
ربي يفرج عليه و يسهل أموره و يجمع شملكم في القريب العاجل إن شاء الله .