اللهم صل على سيدنا محمد صلاة ترضيك وترضيه وترضى بها عنا يا رب العالمين
وعلى اله وصحبه اجمعين والتابعين باحسان الى يوم الدين:
وش احوالكم يا بنات؟
حبيت اليوم نشارككم تجربة كنت شفتها على الانترنت وكذّبت الصراحة
لكن لما جرّبتها اذهلتني النتيجة سبحان الله
شكون فينا ماخربشولهاش لولاد على الحيط
وشكون فينا ماحكّتش بجافيل ولومو حتّان حمارت يدها والخربشات مازالت؟
ممكن فيكم اللي تعرفو بصح اللي ماتعرفوش كيما كنت انا راح تستغرب الامر
الحل بكل بساطة
هو:
معجون الاسنان
وليفة او خزم لوماعن
ونفركو الخربشات بكل سهولة راح تتنح بلا تعب
شوفوفي ثوااااان تتنحى الخربشات مكان ما فوتنا معجون الاسنان
ونزيدو غسلة بلومو باش ننحو اثر معجون الاسنان على الحيط
والنتيجة:
خلاااااااااص مانزيدوش نضربو ولادنا لبنات 
حتى ودارو تابلو بيكاسو
ربي يقدرنا نربوهم كما يحب ويرضى
اللي استفادت تدعيلي يصلحلي ربي سبحانه انوس ومريومة ويجعلهم من عباده الاخيار
ولها بالمثل ان شاء الله
في امان الله حبوباتي
ماشاء الله عليك… مبدعة في جميع المجالات تبارك الله عليك
وهذه معناة كل ربة بيت مع ابنائها
ربي يجازيك بالحسنات احسانا وبالسيئات عفوا وغفرانا
وربي يصلحلك وليداتك ويخليهم ليك ويفرح بيهم
جوزيتي كل خير حبيبتي
بارك الله فيك
فكرة جديدة لم أسمع بها
حفظ الله أولادك وجعلهم من عباده الصالحين الأخيار
جازاك الله كل الخير و أصلح لك أولادك و جميع أولاد المسلمين و ااه فكرة رائعة كلنا نعاني من هذه الخربشات
بارك الله فيك عزيزتي ….و مرحبا بيك في قسم التدابير المنزلية
في الحال نروح نجربها على خربشات بنتي الصغير ة ….هههه
ربي يصلحلك وليداتك ويخليهم ليك ويفرح بيهم
جوزيتي كل خير حبيبتي
بارك الله فيك اختي
ربـــــــــــي يكــــــــملك ماتـــتــمـــنــاي
نضت نجري نجرب فيها نجحتلي في الباب برك مي الحيط لالا خاطرش ماشي مصبوغ لالاك بالكراش اللي يجي محبب وملون كل مانجي نمسحو يتنحالي التحباب والالوان
رحت جربت طريقتك مافادتنيش وزيد الدار نتاع مرى ماشي مام با داري
اذا عندك حل واحداخر قوليلي عليه
شكرا جزيلا على الموضوع المميز فكرة جميلة
مشكووووووووورة
تسلم الايادي الغالية
الله لايحرمنا جديدك وابداعك,,
كل الشكر لك
لك تقديري واحترامي
مشكورة على الفكرة
فعلا راهي مجربة ونافعة