هذا الخبز روعة وهشوش وخفيف وطريقتو تشبه لطريقة عجينة الشو
المقادير/ 4 كيسان فرينة + نصف كاس زيت + مغرفة زبدة + 1كاس ماء +ماء اضافي+ 1ملعقة كبيرة سكر + ملعقة كبيرة خميرة خبز+ملح
الطريقة / نحط في كسرونة كاس ماء+ملعقة زبدة ونحطهم على النار
ولما يبدا الماء يغلي نضيف كاس فرينة
ونخلط بملعقة خشب
ونواصل في التحريك حتى تتجمع العجينة وتولي كرة واحدة
ناخذ هاد العجينة ونحطها في العجانة ونضربها لمدة دقائق باش تبرد شوي
ثم نضيف نص كاس الزيت
ثم نضيف الفرينة الباقية /3 كيسان/ بعد ما اضفت ليها ملعقة السكر وملعقة الخميرة
ونبدا نضيف الماء الدافئ بالشوي بالشوي حتى نتحصل على عجينة طرية ومتماسكة وما ننسوش الملح
نغطيها ونخليها تخمر
وبعد ما تخمر نكورها كريات صغار نحاول يكونو متساويين الحجم
ناخد بالكرة ونحلها بالطول وبالعرض بعد ما نرش الفرينة ثم نلوي ونغلق الحواشي نتحصل على بتي بان
ونحطها في صينية مدهونة او فوق ورق الزبدة ونغطيه ونخليه يخمر
وهنا بعد ما خمرت نحطها في فرن ساخن على درجة 190 في الرف الاوسط وبعد ما طيب من تحت نشعل من فوق
وهنا بعد ما طاب انا ما دهنتوش بوالو خليتو هكاك
ونحطو فوق سياج الفرن باش ما يعرقش لانو هشوش وطري وما يحتاجش باش نغطيه
وهذا الخبز يصلح لسندويتش خاصة للاطفال
رووووووعة كالعادة حنونتي وباااين يشهي تسلم الايادي
تسلمي عزيزتي ام تاجو مرورك الاروع حنونتي
يعطيك الصحة
مممممممم روعة ما شاء الله يعطيك الصحة بصحتكم
هاااااااااااااايل ام ساجد باين هشوش يسلموووووووووووووو
|
المشاركة الأصلية كتبت بواسطة أم ادم ومحمد
 يعطيك الصحة
|
الله يسلمك اختي شكرا
|
المشاركة الأصلية كتبت بواسطة soriaalg
مممممممم روعة ما شاء الله يعطيك الصحة بصحتكم
|
الله يسلمك اختي الكريمة تسلمي
الله يبارك حاك رووووووووووووووووعة ان شاء الله نجربو بصح معنديش بيترا كيفاه ندير
|
المشاركة الأصلية كتبت بواسطة ام سهام 02
هاااااااااااااايل ام ساجد باين هشوش يسلموووووووووووووو
|
الله يسلمك عزيزتي ام سهام تسلمي
|
المشاركة الأصلية كتبت بواسطة اماني السلام
الله يبارك حاك رووووووووووووووووعة ان شاء الله نجربو بصح معنديش بيترا كيفاه ندير
|
اهلا اماني السلام واش راكي اختي
ماشي مشكل البترا نحي العجينة من الكسرونة السخونة وحطيها في
حاجة واسعة ووخبطيه بمغرفة الخشب حتى تبرد شوي وكملي الباقي بيدك
يعطيك الصحة
شـــكـــرا عــلى الوصــــفة حـــبيــبــــــــــة
امممممممممممممممم هايل تسلم إيديك فكرة و لا أروع شكرا ليك
ما شاء الله ام ساجد مواضيعك دائما فالقمة
ما شاء الله حبيبتي ام ساااجد خرجلك هااايل والطريقة جديدة يعطييك الصحة وبصحتكم
