المقادير 1كيلوا سميد متوسط +2بيض+ كاس زيت +سينوج+ حبة حلاوة +2مغارف خميرة الخبز +ملح+ماء دافئ للعجن+ 100غ مارغارين +
التحضير حطي السميد+الزيت +السنوج و حبة حلاوة + بسي بالزيت واضيفي البيض+ الخميرة والملح واعجني بالماء الدافي وتكون العجينة يابسة وادلكي مليح حتى تعود العجينة رطبة ودخلي المارغرين في وسط العجينة وديري كويرات وقرصي بشوي فرينة وغطيها وخليها تخمر وبعد ضربي 2 صفار بيض و طيبيها في طاجين مطلوع لما تعرق قلبيها وادهنيها بصفار بيض وزيدي الجهة الاخرى وحوشيها وانها مجربة ليس لي كاميرا ارجو الرد
هذا هو الشي لي يعجبني في هذا المنتدى اني نتعرف على ماكولات مناطق بلادي
شكرا بارك الله فيك
بارك الله فيك فكرتيني في الايام الزينة كانت يمى رحمها الله اطيبهولنا في كل مناسبة و كل ما ايجينا ضيف بنفس المقادير لكن بلا زبدة تعمل غير كاس زيت و ايجي ابنين اعلابالي بلي الزبدة تجعلوا مورق بصح ايعود ميدم بزاف شكرا
تسلمي عزيزتي و بارك الله فيك حبيت نفهم برك علاه يسمى خبز الموجه و شكرا مرة اخرى
|
المشاركة الأصلية كتبت بواسطة miri_27
 تسلمي عزيزتي و بارك الله فيك حبيت نفهم برك علاه يسمى خبز الموجه و شكرا مرة اخرى
|
انا نقلك علاه يسموه الموجه هو امبسس فيه البيض ويطيب في طاجين المطلوع يجي كيما الامواج ديما انطيبو وما نعرفوش بهاد الاسم نقولول مطلوع البيض 
مشكورة بزاف ويعطيك الصحة