رمضان مبارك علينا وعليكم جميعا وكل عام وأنتم إلى الله أقرب
أخواتي من تعرف حلوى شهية وطيبة المذاق وجميلة الشكل بحليب نستلي فلتضعها هنا مشكور ويا حبذا لو تكون الطريقة بالصور
في انتظاركم
بانتظار وضع كيفيات خصوصا من المتمكنات من صنع الحلويات بارك الله فيكم
سلام اختي نفس السؤال تاعي ياريت يجاوبونا الاخوات
حلوة البابيو
المقادير:
العجينة
250 غ مارغارين
كاس سكر ناعم
2 بيضات
1 ملعقة قهوة فانيليا
1 كيس خميرة حلوى
نصف كاس نشا
فرينة حسب الحاجة
للحشو
حليب نسلي كرمال طايب في كوكوت.
أو
كريمة نوتيلا nutella
أو( كابريس ذائبة في حمام مائي +شوية حليب )وزدتلو كمية حليب نسلي طايب في كوكوت.
للتزيين
شوكولاطة سوداء ذائبة
التحضير :
نأخد قصعة نضع فيها المارغارين والسكر الناعم
و نمزجهم
نضيف البيض ونخلط جيدا ثم نضيف الفانيليا و النشا ونخلط
ثم نضيف الخميرة والفرينة تدريجيا حتى الحصول على عجينة طرية
نضع قطعة في القالب ونحاول توزيعها على كامل القالب لتأخد شكله
ماترقيهاش بزاف باه متتكسرش
نضع القوالب في صينية ونضعها في الفرن
العجينة عند خبزها ستنتفخ لهذا يجب
لهذامرة على مرة نحاول الضغط على العجينة بإصبعنا وإلا ستصبح طبقة واحدة
نحاول تنزيلها بإصبعنا حتى بعد الضغط عليها المرة الأولى
بإصبعنا تنتفخ مرة أخرى نبقى
كل مرة نرى العجينة إنتفخت نضغط عليها بإصبعنا
حتى تنضج
ثم نلصق كل إثنين مع بعض بالحشو الذي أردتي.
وزيني الوجه بالشكولا
مشكورة يا اختي هدي طريقة مجربة ومضمونة
أو هذي الحلوة أنا شخصيا أعملتها عدة مرات
وهذه طريقة أم سامي الكريمة
اولا و قبل كل شيئ تكوني جهزتي كراميل النيستلي
بحيث
تضعي علبة النيستلي بعد ان تنزعي لها الورقة الخاجية حتى لا تنفجر القدر المضغوط
و تتركيها داخل القدر المضغوط مدة ساعة عيها
اتركيها داخل القدر حتى تبرد و انز
و افتحيها
تجدينها تحولت الى كريم كراميل
نجهز العجينة بالطريقة التالية
اول شيئ تضربي 250غ من الزبدة الطرية بالضراب الكهربائي مع 125غ من السكر الناعم
+ قرصة صغيرة ملح + بيضتين تضيفيهما على التوالي
+مبشور ليمونة و هذا إختياري
نوقف الضراب الكهربائي
و نضيف كمية من الفرينة نضيفها قليلا قليلا
حتى تلتم الحجينة و تكون متماسكة و طرية
نضع دوائر من العجينة داخل الكيسات الحديدية المرشوشة بالفرينة
و نشكلها
ندخلها الى الفرن الساخن على درجة حرارة 200 درجة تقريبا
حتى يصبح لونها ذهبيا
نخرجها من الفرن
نتركها تبرد تماما
ننزعها من الكيسات الحديدية
و نضع داخل كل واحدة ملعقة صغيرة من الكريم كراميل
و نزينها بالكورنفلكس
هاهو شكله
تابعي الصور
و مراحل التزيين
و هكذا حتى نكمل الدورة و نضع في الوسط حبة من الكاوكاو
و نرشه بالبراق
و هناك طريقة تزيين أخرى
تابعي المراحل التالية
و إذا أحببتي زينيها بشرائح اللوز
و هناك طريقة أخى للتزيين
و هو بعد ان تملئيها بالكريم كراميل
أذيبي الشوكولاطة و أفرغيها من فوق و زيني حسب الرغبة
مشكورة اختي وجعلها الله في ميزان حسناتك مفيهاش المايزينة (النشاء) وصح فطورك وكاشي انواع اخرى
رائعة شكرا جزيلا
جعلها الله في ميزان حسناتك
كنت في بحث عن طريقة جميلة ولذيذة مثل التي زينتها بالكورنيفليكس على طريقة أم سامي
بارك الله فيكم جميعا وعجبوني الكيفيات وأنتظر المزيد من الكيفيات الشهية والجميلة
عندي هنا تساؤل :
| تضعي علبة النيستلي بعد ان تنزعي لها الورقة الخاجية حتى لا تنفجر القدر المضغوط
و تتركيها داخل القدر المضغوط مدة ساعة عيها اتركيها داخل القدر حتى تبرد و انز و افتحيها |
هل هذه الطريقة مضمونة يعني ما نخافش الخطر وهل العلبة تبقى مغلقة داخل الكوكوت ولا تنفجر مثلا لا قدر الله وهل الوقت الذي اعطيته مضمون لتتحول إلى كراميل
أختي هل إذا عملتها وخزنتها لمدة شهر تصلح أم تفسد ؟؟؟؟؟؟
أشكركم
يعطيكم الصحة و تقبل الله منا و منكم صالح الأعمال
|
المشاركة الأصلية كتبت بواسطة سليلة الغرباء
 عندي هنا تساؤل : هل هذه الطريقة مضمونة يعني ما نخافش الخطر وهل العلبة تبقى مغلقة داخل الكوكوت ولا تنفجر مثلا لا قدر الله وهل الوقت الذي اعطيته مضمون لتتحول إلى كراميل أختي هل إذا عملتها وخزنتها لمدة شهر تصلح أم تفسد ؟؟؟؟؟؟ أشكركم |
المهم لا تفتحيها قبل ان تبرد تماما
اذا حبيتي تحتفظي بالنيسلي ديريها في بلارة زجاج و اغلقيها و دريها في الثلاجة
حتى الحلوى تقدري تخبيها لكن من دون النيسلي
دريها في صاشي و اغلقيه مليح تبقى هشة و بنينة لمدة اكثر من شهر اذا حبيتي
وكي تحبي تحطيها للضيوف ديريلها النيسلي الي كنت خبتيها في الثلاجة
و زينيها كيما حبيتي لوز محمر نوا دو كاجو الجوز وحمري وجهك
العجينة:500غ زبدةنخدمها مع 200غ سكرقلاصي+2فاني+قرصة خميرة+فرينة حوالي كيلوحتى نتحصل على عجينة
ناخذقليل من العجينة ونحلها في لمول الخاص مدور او مربع كيما تحبيحتى نكمل و نثقبها بالفرشيطة ونحطها طيب
ونون محضرة النستلي نطيب في الكوكوط مدة ساعة ونعمر حبات القاطو ونزين بالشوكولا ونحط حبة جوز وبصحتك اختي هذه الطريقة مضمونة انشاءالله دايما نخدمها
^thank you pour la recette et pour les images