اسمحولي حبيباتي على هذا العنوان ولكن في الحقيقة اشتريت كيسين من القطايف وانا محتارة في وصفة تكون ناجحة ولذيذة لذا قلت نحط الموضوع ربما اجد ضالتي لاني اعلم ان المنتدى يجمع نسبة كبيرة من الشاطرات
انتظر ردودكم شكرا مسبقا
الله يبارك يعطيك الصحة
ديرى بهم خبزة قطايف
اختي اعملي بيهم قنيدلات عش البلبل
الصورة راهي من النت باش تفهمي قصدي
تقدري تعملي بيهم اصابع وتحشيهم بالمكسرات (مثل السيقار)
اوكيما قالت الاخت دائمة الحمد قنيدلات عش البلبل
اختي شوفي حلي القطايف و روليها على لي كورني و ادهنيها بالسمن الذائب و غلفيهم بالالمنيوم و دخليهم للفور ، و نص طياب تحليهم الألمنيوم ورخليهم يتحمرو
غير تخرجيهم نحيهم من لي كورني و عسليهم و خليهم يقطرو
من بعد احشيهم بكلية كوكاو مقلي و مرحي، و نص كيلة حلوة الترك و لميهم بالمعجون)
و من الفوق شبحيه كرام شنتيي و شوي بيستاش
و سربيهم في كيسات يجيو روووووعه روووووعه شكلا و مذاقا
و اذا كان بزاف خبيهم في كونجيلاتار و شنو ماتديريش الشنتيي و اجبديها قبل التقديم ب4 ساعات و ديريلها الشنتييي و البيستاش
و الأخت اللي قاتلك على قنيدلات بالقطايف رائعة تاني
تقدري تديري بقلاوة القطايف تجي هايلة