عيد الاضحى المبارك لم يبقى له الكثير على الرغم انه مخصص للحم والتفنن في طبخه باحلى الاطباق هه الا انو لايغنى على الحراير تجهيز الذ الحلويات لاستقبال الضيوف فارجو من كل وحدة تشاركنا بافكارها وخاصة الي عندها ناس دارها يجيبولها حقها تع العيد (نقصد المخطوبات) نتمنى تفاعلكن وتشجيعتكن
اهلا اختي تقصدين نقولو واش رايحين نديرو ههههههههه
عيد مبارك ان شاء الله
اكيد حبيبتي و نتمنى نلقا تفاعل
وانت علاواش راكي ناويا
نتوما تفشلو الواحد كانت عندي طاقة بش ندير مواضيع لكن الان مندنش لانو كل مندير موضوع ماكاش لرهو مهتم حتى هد انا حبيت مساعدتكم لي بشندير حاجة جديدة وشابة لكن لا حياة لمن تنادي اسفة على هدا الكلام لكن غادتني عمري
اختي متقلقيش روحك وعلاه تغيضك روحك مكان حتى مشكل انا وحدة من الناس ملي لحق العيد وانا نخمم خطراه خويا عاقد ولازم نديو العيد لمرتو عجبوني قطوات راني نخمم بلاكش نديرهم اعطيني رايك والاخوات ثاني ونتعاونو باش نشطو موضوعك لحد الان خيرت هاذم قاطو عشاق الشمس لينا 11 وصفات حراير واش طيبتي و غروبية ام محمد تاج ايضا وصابلي على شكل عين ونتمنى انك تنضمي لشلتنا ونتعرفو عليك مليح وعلى طيابك بالنسبة لروابط هاهم
قاطو عشاق الشمس تلقايه في الاخير لينا11
https://www.djelfa.info/vb/showthread…362108&page=86
غروبية ام محمد نتاج في الاخير
https://www.djelfa.info/vb/showthread…362108&page=76
صابلي هاذي الصورة نتاعو
هاذا اذا مبدلتش راي ومزال نزيد كشما ندير زيدو حطو اقتراحكم بلاكش نعندكم
انا حلويات عيد الاضحى ما نديرش بزاف هاد العام معوله ان شاء الله على مقروض والصابلي فقط
انا حابة نجرب كعك النقاش ان شاء الله
لزم تصبري شوية انا هدا وين شفت الموضوع
اما بالنسبة للعيد هنا موالف نعملوا كعك العائلة كامل تحبه ونزيدوا صابلي ونوع فيه العام الماضي عملت صابلي بالعسل ورمدته في القوفريط واخر بالفلان لكن مصورتهمش وكاين صابلي بالنسكافي والكرمال ورني حطيته في المنتدي هدا الرابط https://www.djelfa.info/vb/showthread.php?t=1574220
ياسلاااااام جبتيلنا العيد يجري ربي يبارك فيك
حنا والله ما زلنا ما خممناش قيه بصح على الأغلب نديرو الكروكي ولا الصابلي والمقروض للضياف لي يجو يطلو عليا بعد العيد presque الرجال ما ياكلوش معنفقين هههههه
وليا انا أكيييييد يا نشري القاتو من برا sans gluten ولا يخدموهلي في الدار إن شاء الله
وكل عام وانتم بألف خير تعيدو وتزيدو إن شاء الله
ربي يجيبو علينا بالصحة والراحة والهنا إن شاء الله
العيد الكبير مانديرش القواطو ادا كتب ربي ندير كعك النقاش والصابلي برك
شكرا اختي على الموضوع اناما نعيدش في داري لاني بعيدة راح نروح لاهلي نخدملهم ومن باعدنروح لدار شيخي تاني نخدملهم باسكو نعيد عندهم
معولةفي دارنا نخدملهم قاطو نتاع السيار وتشاراك مسكر ومقروط الكوشة وكشما نزيد مازال نخمم ان شاء الله …..اما عند عجوزتي الانواع ماتتبدلش كا كل عيد بقلاوة +السيار +اصابع بالجلجلان+ المشوك +حلوة الطابع
انشاء الله يلحق علينا العيد بالصحة والهنا .ككل دار في العيد الكبير ما نكثروش الحلويات انا في بالي سنيوة بقلاوة وصابلي ومقروط وكشما نزيد قاطو ما يطيبش ما زال ما خممتش واش ندير .اما لي عندهم عرايس لازمهم يخمو على الاقل اربع انواع .وربي يهنينا اجمعين .وشكرا اختي على الموضوع .
شكرا لكن جميعا هدا وين طلعلي مورال هه لانكن نورتو موضوعي المتواضع انا دايما في المتابعة
انا معنديش بزاف ملي خطبوني وراني برك انا ماما منتكلش لا علا نسا خاوتي لاعلى ختي لان كل وحدة وين تسكن وانا نقرا فلازم مندك وانا نخمم ونوجد علابالكم لازم كلشي جديد وتوب لان عجوزتي تحب كلشي بالطبع هه ولكن مني جزيل الشكر
انا راح ندير مقروط و قاطو نيسلى و بوسو و عرايش راح تقولو واش بيها هادى عيد اللحم وهى داخلتها غير قاطو
ما ما رايحة لفرنسا من بعد العيد مباشرة نبعتهم لاولاد خويا كل واحد فيهم يحب نوع
انا راح ندير مقروط و قاطو نيسلى و بوسو و عرايش راح تقولو واش بيها هادى عيد اللحم وهى داخلتها غير قاطو
ما ما رايحة لفرنسا من بعد العيد مباشرة نبعتهم لاولاد خويا كل واحد فيهم يحب نوع