صحة عيدكم و كل عام و انتم ب100 خير حبيت نكون معاكم في رمضان الله غالب بالصح صورتلكم واش طيبت يوم بيوم وكل مرة نحطلكم حاجة و ضرك هذو القواطو من صنعي اعطوني رايكم فيهم
قاطو القنيدلات محشي بالنستلي
وهذا قاطو العادي كيما نقولو تاع المحقن درته بالياؤورت
وهذا بالكابريس ما يطيبش
هذا صابلي
وهذا القرافات
وهذا المقروظ
أممممممممممممم ما شاء الله و يعطيك الصحة
أعطيني من فضلك وصفة الكابريس
يبارك فيك حنونة وانت تامري وصفة الكابريس ساهلة و تزكي
المقادير:
كابريس
علبة نستلي
كيلو و نص كوكاو مقلي و مرحي
قهوة
ديري شكارة كابريس اي 200حبة يذذوبو في الكيكوت كي يذوبو خلاص تضيفيلهم علبة نستلي طايبة و تحركي مليح حتى يدخلو في بعضاهم من بعد طفي النار و ضيفي مقدار فنجان و نص قهوة ثقيلة مع التحراك المستمر وتبداي تضيفي في الكوكاو بالشوي و تحركي راهي تمشي و تثقالك عملية التحريك ما تحبسيش اضافة الكوكاو حتى تكملي الكمية من بعد تخليها تبرد شوي وديريها صويبعات وتخليهم يبردو خلاص باه تغمسيهم في الشكولا البيضاء و زينيهم حسب ذوقك ممكن نديري الخليط في بلاطو خليه يبرد و غلفيه بالشوكولا من بعد قصيه مربعات
اللهم بارك حلويات تشهي يعطيك الصحة
شكرا حبيبتي على الرد
حبيت نسألك على الكوكاو مرحي بزاف؟؟؟؟؟
والكابريس نذوبو في حمام مائي ولا مباشرة فلا كوكوت؟؟؟؟؟
والنيستلي ياخي نطيبو فلا كوكوت بالعلبة نتاعو؟؟؟؟؟؟
وشكرا مرة أخرى
|
المشاركة الأصلية كتبت بواسطة أمل العرب
 شكرا حبيبتي على الرد
حبيت نسألك على الكوكاو مرحي بزاف؟؟؟؟؟ والكابريس نذوبو في حمام مائي ولا مباشرة فلا كوكوت؟؟؟؟؟ والنيستلي ياخي نطيبو فلا كوكوت بالعلبة نتاعو؟؟؟؟؟؟ وشكرا مرة أخرى |
الكوكاو انا رحيته في الي نرحيو فيها الخضرة و النستلي طيبيه في الكيكوت بالبواط تاعو
بالنسبة للنستلي انا ذوبتها مباشرة في الكيكوت فوق النار
من فضلك وصفة قاطو الكرفات وربي يحفظك لمزيد من التقدم
يعطيك الصحة يا الفحلة ماشاء الله راكي جايبتها
|
المشاركة الأصلية كتبت بواسطة مونيا غنية
من فضلك وصفة قاطو الكرفات وربي يحفظك لمزيد من التقدم
|
ربي يخليك اختي انا تاع القرافات ندير فيه:
500غ زبدة +2 بيضات +كاس سكر+ فاني و نشيح بالفارينة ثم نديرهم في لي مول تاع القرافات وكي يطيبيو ندير ليهم الحشو هذو حشيتهم بالكونفيتير و الكوكاو درت في كل جيهة شوي و لصقت زوج مع بعض و في الجناب يبقة فراغات درت ليهم شوكولا بلاسيرانق و غمستهم في نواد كوكو ونص الحبات لخرين عمرتهم بالنوتيلا بالصح جاو بالخف يتكسرو
الله يبارك يا رحيق
يعطيك الصحة حلوياتك باهية تليق بالاعراس
هاذي غيبة كبيرة مدة و انت غايبة
الحمد لله كي عرفت بلي لاباس عليك
يعطيك الف عافية جاوك يهبلووووو
تسلم ايديكي على ها الكعك الحلو زيك يا حلوة
حلويات رائعة ما شاء الله بصحتكم و عيدكم مبارك و كل عام و انتم بخير
الله يبارك رحوقة يعطيك الصحة
ممممممممممممممممممممممم كوني اتمديلي المقادير هه انا راني غير متمشي ونحوس علي المقادير باه اندير لعلرسي