تحية عطرة نقدمها لكامل بنات الجزائر
الحلويات العاصمية هي المشهورة عندنا في الجزائر
ولكن هذا مايمنعش انه لكل منطقة من بلادنا الحبيبة عندها نوع من الحلويات الي تعتز بيها و تحافظ عليها لانها من التراث القديم
مثلا اليوم جبتلكم حلويات اغلبية مناطق الغرب تصنعها و هي الطورنو
كانت في القديم هي حلويات المناسبات و الافراح
تلاش استعمالها في المدة الاخيرة ولكن من واجبنا نصنعوها باش نتفكروا جدودنا و ناسنا
نخليكم مع الوصفة
المقادير
سكر
زيت
عصير حبة ليمون + برتقالة
حليب
كاوكاو مرحي
مبشور الليمون و البرتقالة
ماء الزهر
بيض+ خميرة + فاني
فرينة
الطريقة
نخلط كل المكونات مع بعض
نتحصل على هذا الخليط
نبقى نزيد فالفرينة و في نفس الوقت نخلط
حتى نتحصل على هذي العجينة
نستخدم الاشكال لي نحب
و ندي صفار حبة بيض و نديرها من الفوق و نرش عليها الكوكاو او الجلجلان
و النتيجة
يعطيك الصحة
صور لا تضهر
الله يبارك شرح واضح وشيق ،،والحلوى هايلة،،،يعطيك الصحة أختي
يعطيك الف الف صحة
بارك الله فيكم جميعا
و جمعة مباركة ان شاء الله
الله يعافيكي
بارك الله فيك اختي والله احلى قاطو دقتو في حياتي امي الله يذكرها على خير ديرونا دايما كانت تقولنا هدا خير من كل الحلويات العصرية الواحد كي ياكل حبة يعقل عليها هههههه والله مكانش كيما الحلويات التقليدية فكرتيني بيه راح نديرو باش نشربو بيه القهوه انا تاني من الغرب غليزان
تحياتي
بارك الله فيك يعطيك الصحة اختي
|
المشاركة الأصلية كتبت بواسطة طائر النورس مغتربة
 بارك الله فيك اختي والله احلى قاطو دقتو في حياتي امي الله يذكرها على خير ديرونا دايما كانت تقولنا هدا خير من كل الحلويات العصرية الواحد كي ياكل حبة يعقل عليها هههههه والله مكانش كيما الحلويات التقليدية فكرتيني بيه راح نديرو باش نشربو بيه القهوه انا تاني من الغرب غليزان
تحياتي |
شكرا ليك اختي
شرفني تواجدكم
بوركتى اختى على هاد الحلوة ماشى غير بنينة فقط للانها من ثرات بلادى الغالية
الله يبارك
يشبه للقاطو الطابع اللي نديروه يعطيك الصحة
مرسي عليك اختي باينين بنان