السلام عليكم أخواتي
خدمت من فترة حلوى بالشوكولا و اللوز شكلها جميل و طعمها أجمل حبيت نشاركم
بيها حتى تعم الفائدة
صراحة مكنتش رح نحطها لذلك رح تلاحضو انو الصور "في حالة" فاعذروني
نبدا باسم الله بالمقادير:
100 غ زبدة طرية مقسومة +100 غ سكر أرطب +فاني
+بيضة مع الخلط +100 غ لوز مرحي بودر +50 غ كاكاوو
مع الخلط باليد و نصف كيس خميرة كيميائية و نشيحو بالفرينة
" في الوصفة المفروض 300 غ فرينة لكن أنا شاحتلي ب
200 غ أو أقل لانو لازم متجيش شايحة ياسر يعني مثل الغريبة
أو عجينة السابلي"
على طاولة العمل رشي الفرينة و أخدمي العجينة تاعك بالقراص
و نعملوها طالعة شوية تقريبا سمك 1 سم و نقصوها بطابع مدور
نحطوهم في بلاطو مدهون و ندخلوهم فرن ساخن على نار قليلة
يشيحو فقط من تحت و من الفوق
عجينة اللوز : ممكن تستخدمي عجينة اللوز لي تتباع و نعجنوها
بالكاكاوو و قليل من عطر اللوز أو عطر الجوز أو عطر
الشوكولا كاين لي يعجنوها بلوز مرحي بودر باه يعطي طعمتو ;
أنا كانت باقية عندي قليل من عجينة اللوز خدمتها في الدار
استخدمتها هي
مكوناتها : كيلة لوز مرحي بودر مع نص كيلة سكر أرطب و
شوية فاني و نلمو بالسيرو المكون من 250 غ سكر + 1/2
لتر ماء نحطوهم على النار حتى يتقال و نلم بيه اللوز و السكر
تتكون عندنا عجينة نلونوها بالكاكاوو
المهم عجينة اللوز سواء المشرية أو تاع الدار نقصو منها دوائر و
نرشو الطابع تاع السيليكون بالسكر أرطب و دخلي فيه العجينة
تاعك تخرجلك وردة
أنا استخدمت شكلين : شكل تاع 3 وردات صغار و شكل آخر تاع وردة وحدة كبيرة
حطيت معاها شكل ورقة أيضا بعجينة اللوز بواسطة طابع عادي
_ المهم كي يخرج القاطو تاعنا من الفرن و يبرد نغطسوه في
شوكولا امباسادورذايبة في حمام مائي مع قليل من الزيت باه
تجي تلمع
و نضع فوقها وردات عجينة اللوز من الفوق و على الجوانب
رقائق اللوز و نخليوها تشيح فوق شباك تاع الحديد باه تسيح
الشوكولا الزايدة مع رشة من البرييون ذهبي اللون
نتمنى تعجبكم وصفتي و تجبوها لأنها تليق في الأعراس و
المناسبات و تدعولي
سلااااااااااااااام أحبكن في الله
اللهم صل و سلم على سيدنا محمد
ملاحضة للأمانة الصورة الاولى تاع 3 ورقات ووردة وحدةمش من مطبخي هديك صورة من مطبخ السيدة لي علمتني بارك الله فيها
و بقية الصور تاعي
اللهم صل و سلم على سيدنا محمد
ماشاء الله تبارك الرحمان
|
المشاركة الأصلية كتبت بواسطة لينا11
 اللهم صل و سلم على سيدنا محمد
ماشاء الله تبارك الرحمان |
نورت الموضوع
جزاك الله خيراً .. وجعله الله في ميزان حسناتك ,,
رووعة أختي
شكلها جميل و أكيد مذاقها ألذ
بارك الله فيك
alah ybarak
الله يبارك عليك حنونة ما شاء الله روووووووووووووووووعة انا عندي حلوى نفش الشكل لكن الطريقة تختلف كليا راني انديرها و انحطها ان شاء الله
بارك الله فيك
|
المشاركة الأصلية كتبت بواسطة راجية عفو الله
جزاك الله خيراً .. وجعله الله في ميزان حسناتك ,,
|
آمين يا رب بارك الله فيك
|
المشاركة الأصلية كتبت بواسطة samou2016
رووعة أختي
شكلها جميل و أكيد مذاقها ألذ |
أهلا بك عزيزتي نورت
|
المشاركة الأصلية كتبت بواسطة linat
بارك الله فيك
|
و فيك بارك الله أختي
|
المشاركة الأصلية كتبت بواسطة faizarbh
الله يبارك عليك حنونة ما شاء الله روووووووووووووووووعة انا عندي حلوى نفش الشكل لكن الطريقة تختلف كليا راني انديرها و انحطها ان شاء الله
|
شكرا لمرورك عزيزتي في انتضار موضوعك بفارغ الصبر
|
المشاركة الأصلية كتبت بواسطة أمـــــــــــــــيرة
روووووووووووعة
بارك الله فيك |
و فيك بارك الله أختي الغالية
اللهم صلي وسلم وبارك على سيدنا محمد
بارك الله فيك حلوى رائعة والصور لاباس بيهم
رااااااااااااائعة بارك الله فيك
|
المشاركة الأصلية كتبت بواسطة *أم كوثر*
اللهم صلي وسلم وبارك على سيدنا محمد
بارك الله فيك حلوى رائعة والصور لاباس بيهم |
و فيك بارك الله عزيزتي أم كوثر و شكرا لك طلعتيلي المورال :d
|
المشاركة الأصلية كتبت بواسطة الصوامعية
رااااااااااااائعة بارك الله فيك
|
و فيك بارك الله أختي الغالية نورت
روعة اختي يسلم هذوك لديدات حلوياتك هايلة حبيبتي