السلام عليكم
اليوم جبتلكم واحد الوصفة ملي دقتها و أنا نديرها كل عيد نمو ت عليها بنينا و تذوب في الفم
سامحوني ما عنديش الصور لأني ما دارتهاش حتى العيد إن شاء الله لكن لقيت صور في غوغل يشبهولها
المقادير
كيلة لحظة ( حليب غبرة) محمص
كيلة فرينة محمصة
ربع كيلة سكر ناعم ( غلاص) و لي تحبها حلوة تزيد شوية
زبدة ( أنا نستعمل مارغارين لابال)
تخلطي المواد الجافة
و تشمخي بالزبدة الذايبة حتى تتحصلي على قوام ما يكونش مشمخ بزاف يتفتت. يعني كي تزيريها في يدك تحكم روحها و كي تكسريها تتفتت
ديري كوريات
و ديريلهم غلاصاج تاع الشيكولة ولا شيكولة بيضاء و زينيهم كيما تحبي
أنا لقيت هاد الشكل في غوغل عجبني نديرو في العيد إن شاء الله
نتمنى تكون الوصفة مفهومة و أي استفسار راني في الخدمة
الله يعطيك الصحة
يعطيك الصحة واذا عندك وصفات اخرى لاتبخلي بها اخواتك
الله يعطيك الصحة لوكان تزيدلنا ان امكن وصفات بدون طهو والله يحفظك شكرا.
|
المشاركة الأصلية كتبت بواسطة سمـو ذآتيـ sara
 يعطيك الصحة انا مغرومه بالحلويات ممكن شرح اكثر للتحضير و خلط المكونات
|
واش ما فهمتيش أختي قوليلي
|
المشاركة الأصلية كتبت بواسطة zahra13
الله يعطيك الصحة لوكان تزيدلنا ان امكن وصفات بدون طهو والله يحفظك شكرا.
|
إن شاء الله
قلاصاج نتاع شوكولا كيفاش ممكن
يعطيك الصحة
|
المشاركة الأصلية كتبت بواسطة سمـو ذآتيـ sara
لما نخلط المواد الجافة كيفاش ندير الزبدة
|
نذوبو الزبدة و مبعد نديرو حفرة في وسط المواد الجافة و نديرو فيها شوية زبدة ذايبة و نخلطو و نزيدو بالشوية و نخلطو حتى نتحصلو على عجينة ما تكونش مشمخة بزاف تكون تتفتت
يعطيك الصحة حنونة