[center][center] المقادير ل100 حبة و ممكن نعمل نصف الكمية فقط
المقادير:
كيلو فرينة،رطل مرغرين ذايبة وباردة،3 م ك سكر رطب،3 بيض،فاني ،باكي خميرة،ماء الزهر
الحشو:
250غ زبدة من الافضل فلوريال،250غ عسل،250 كاوكاو محمص ومرحي خشن،كمية من حلوة الترك
نحتاج ايضا الى شكولة ولي مول الخاصة بالسيقار
الطريقة:
نحط الفرينة والمرغرين الذايبة ونحرك بواسطة اليد حتى تتداخل المرقرين في الفرينة نضيف السكر والفاني والخميرة وتلم بالبيض وشوية ماء الزهر
نبسط العجينة بالحلال بسمك متوسط وبعرض 6سم
نحط المول الخاص بالسيقار فوق العجينة
ونلف حول المول ثم نقطع
ونحطهم في البلاطو على الجهة لي غلقناه منها
ندخلهم للفرن يطيبو على درجة حرارة متوسطة
بعذ النضج نخليهم يبردو تماما وننزعهم من لي مول
نذوب الشكولة مع شوية فقط من الحليب على حمام مائي
ناخذ بلاطو نحط فوقه ورق الزبدة ومشبك نحط الحلوى فوق المشبك وبواسطة ملعقة نغطي السيقار بالشكولة والكمية لي تنزل من الشكولة نعاود نستعملها
بعد ما نكمل كل الحلوى نخليها تنشف تماما
في هذا الوقت نحضر الحشو
بواسطة الخلاط الكهربائي نخلط الزبدة مع العسل جيدا ثم نضيف الكاوكاو ونحرك وكمية من حلوة الترك والكمية نتاعها على حسب الذوق يعني لي يحب الحلاوة يكثر والعكس
نحط الحشو في كيس حلواني
نحشي حبات السيقار
نذوب الشكولة البيضاء فوق حمام مائي على نار هادئة ونحطها في كيس حلواني
نزين الحلوى بخطوط من الشكولا
بعد ماتنشف الشكولة البيضاء نحط الحلوى في لي كيسات ونقدمها
نتمنى تجربوها لان ذوقها رهيييييب
ملاحظة
[size="5"][color="royalblue"]هذه الحلوى نحتفظ بها في الثلاجة لان الحشو فيه زبدة
سلام الوصفة غير متطابقة مع الصورة
مشكورة اختي على الجهد لكن الوصفة لام اماني
بوركتي
|
المشاركة الأصلية كتبت بواسطة nawel zed
 سلام الوصفة غير متطابقة مع الصورة
|
خطأ غير مقصود.تم التعديل شكرا.
|
المشاركة الأصلية كتبت بواسطة ام يسرا
مشكورة اختي على الجهد لكن الوصفة لام اماني
بوركتي |
لقد ذكرت اختي ان الوصفة منقولة وفي الحقيقة لا اعرف صاحبتها حفظها الله.