حلوة الوردة
المقادير
ديري 3 كيلات فرينة نص كيلة مرقرين انا نخلك مرقرين وسمن مدينة وانتي وش حابة ديري مش شرط تخلطي و تزيدي قرصة ملح و شوي فاني و تلمي بالما زهر و اعجنيها شوي و نحي شوي لونية باي لون حاباتو و تقدري تلوني قبل ماتزيدي الماء زهر ديري الصبغة و من بعد اعجني بالما زهر باش تتصبغلك مليح و غطيها ببلاستيك و خليها ترتاح نص ساعة ولا كثر
الحشو
ديري 3 كيلات لوز مرحي و لا كوكاو مرحي كيلة سكر قلاصي قشور حبة قارص و تلمي ببياض البيض
تخلي لالفارص شويا تشرب و مبعد ديري دي بولات قد بعضاهم
درك بالتصاور تفهموني وانا لهنا درت اللون اخضر بيسك خلاصلي الروز
وهاكا تتغطي و نحيو لعجينة الزايدة
نديرو الورد من العجينة الملونة نديرو وردات كبار و الوردات الصغار من عجينة بيضا نورمال نديرو 5 وردات ملونين و 5 بيوضا
و مبعد ديري فوق بعضاهم و اعكسي كي تحطي لملونا في الفراغات الي بين الورقات حطي البيضا باش تجيك جيهة بيضا جيهة
ومبعد تجيبي لابول تاعك و ديريلها لبيض البيض تحبي في كل
وردة و لا تحبي ديري لابول تاعك كامل لبيض تاع البيض و تبداي تلصقي الوردات تاوعك كل حبة ترفد 5 وردات ديري 4 في لجوانب و وحدة من الفوق
وتكملي باقي الوردات ديرولها شوي فرينة باش يجيك الورد واقف و مليح
و في كل وردة في النص نرشقو حبة صنوبر ندخلو نص و نخليو نص برا باش يجي كي القنفود مبيكي انا ماكانش عندي درت الحلوة الفضية الطويلة مي من الاحسن صنوبر يمد شكل ابهى
ومبعد طيبي القاطو تاعك و كي طيب عسليه و خليه يقطر مليح من لعسل و ديريلو البريو كي تحبي مش شرط مي انا نحب نديرلو باش يبقى يبري
هايلة
يعطيك الصحة زهو
بارك الله فيك
وعليكم السلام والاكرام
لا شكر على واجب
روعة يعطيك الصحة أختي * تحيـــــــــــــاتي *
بارك الله فيكم على الرد
مشكورين وتسلم ايدكن
متميزة دائما في ردكنا
بالتوفيق
تقبل مروري
zhoo
