السلام عليكم
حبيت في هاد الموضوع نحطلكم افكار صغيرة لكن مفيدة جدا لتطبيق الحلويات باقل الاتعاب و في نفس الوقت تقدري تربحي الوقت لانه خسارة كثير من النساء كي يجي اخر اسبوع من رمضان اخر همهم الحلويات و ينساو انه رمضان راحل علينا و لازم ما نهملوش العبادة ايضا نبداو على بركة الله
1- اذا كنتي من محبي عمل الحلويات في السهرة قومي اثناء صومك في النهار بخلط عجينة الحلويات و حطيها في كيس بلاستيكي في نفس الوقت اغسلي ماعنك بعد الفطور تصيبي عجينتك واجدة و ماعنك مغسولين ابداي اخدمي و اذا كنتي من محبي العمل في النهار اخدمي العجينة فاليل و خليها للصباح تكون واجدة
2- نفس الفكرة طبقيها مع حشو الحلويات و جدي حرابش او كريات حسب الحلوة و غلفيها كي جي تخدمي ما تعيايش و انت توجدي فالحشو
3- اذا رايحة ديري المقروط وجدي 3 كيلات سميد متوسط و كيلة سمن ذايب و ملعقة فاني و خلطي جيدا و حطي الخليط في علبة لمدة يوم كامل حتى يومين المقروط راح يجيك بنين و مبسس لانو السميد شرب مليح ليدام
4- نظمي وقتك و اكتبلي الحلويات اللي رايحة ديريها و كل حلوة خصصي لها يوم تتقيدي به لان التنظيم مهم جدا يوفر الوقت و التعب
اعلم انها افكار بسيطة و صغيرة لكن مهمة و الله يوفق الجميع
يعطيك الصحة خدووج , نفس افكاري , موالفة نخدم هكدا ندير قائمة القاطو لي نديرو ونحضرر كل واحد بعجينتو والحشو , ونخليه ففي الثلاجة ونجبد كل يوم نير نوع هكدا ما نعياش بزاف كي يبقى لي الوقت نزيد حاجة خفيفة
نسبق بالحلويات المحشية كالتشاراك , ومبعد الصابلي و مبعد المقرووط والباقلاوة
Baraka Lah fik 3la HD nasa2ih
Ana n9oul ila rki habba treyhi w tetehannay chrih wajed w khlase loooooool♥✳nedhak berk
Thank you hbiba
فعلا نصائح مهمة و لي طبقها ما تتعبش شكرا اخت خدوووج
بارك الله فيك خدوجة
يعطيك الصحة ، أفكار مليحة أنا كانت في بالي نكتب واش راني حابة نخدم من حلويات و كل حلوى واش يلزمني فيها من مواد و نشريهم و نخدم كل مرة حاجة
يعطيك الصحة اختي والتنظيم مليح ويسهل ونربحوا الوقت بارك الله فيك
انا نحب نخدم هكذا والحمدلله يعيني ربي
ya3tik essaha sahaltiha 3lina ..rabi ynawarha 3lik nchalah
Yaetik saha à la les conseils hâta ana lol âme ndir hak en plus madamhoum yrayho soit la pâte soit la farce les gâteaux yjo hayline. Netmena lol wahda tedihoum bi ayne ietibar.jazaki allaho khaira
بارك الله فيك
شكراا
شكرا على النصائح المهمة
يعطيك الصحة افكار مفيدة جاري التطبيق
شكرا لكي , الله يجازيك ويعطيك ما تتمناي
يعطيك الصحة على الأفكار