اليوم غادي نعمل حلوة الطبقات هايلة ومجربتها عدت مرات
المقادير
500gزبدة
كاس سكر
بيضة
لفاني
1بيكاربونات
فرينة
الكريمة
زبدة كاس سكر مرحي لفاني كاس حليب 2مغارف كبار فرينة
الطريقة
نقسم 500تاع الزبدة على 3اطراف متساوية
ناخذ طرف واحد +بيضة+كاس سكر فوق حمام مائي ونخلط جيدا مين يذوب السكروالزبد ننزعه من فوق النار نضيفله بيكاربونات والفرينة ونخلط بسرعة قبل ان يبرد الخليط
نتحصل على عجينة سخونة نقسمها الى ثلاث كويرات
نقلب السينية ونضع ورق فوقها ثم نحل الكرة الاولى
والى الفرن لازم نتفقدها تطيب بسرعة
والان نروح للكريمة
ناخذ الاطراف 2الباقية للزبدة+كاس سكر مرحي وخلطي بالباتور ملييييح خليه على جنب
جيبي كاس حليب+2مغارف فرينة خلطي مليييييح لفاني ضيفيها للخليط الاول (الزبدة وسكر مرحي)وخلطي بالباتور مليييح حتى تتحصلي على كريمة مممممم
تكوني طيبتي الطباقات الثلاثة بالتناوب ضعي الطبقة الاولى ثم الكريمة
ثم الطبقة الثانية ثم الكريمة ثم الطبقة الثالثة واخييييرا شكولا ان نستعمل شوكي ..خليها حتى تنشف الشكولا وقسميها مربعات وضعيها في الكيسات
ملاحضة
بعد ماتطيب الطبقة نحيها بالعقل حاولي ماتكسريهاش ….كل وحدة وشطارتها ….
الردود بلييييز 
بارك الله فيك أختي
يعطيك الصحة يا لحبيبة
بصحتكم
|
المشاركة الأصلية كتبت بواسطة كوزينة هديل
 يعطيك الصحة يا لحبيبة
بصحتكم |
يعطييك الصحة اختي توتة … تبان بنيينة …. ربي يجعلو في ميزان حسناتك ….
الله يبارك
يعطيك الصحة
تبان بنينة
عجبيتني هايلة الله يبارك
بصح اختي الحليب والفرنة تطيبيهم قبل ماتحطيهم على الزبدة؟؟
جاوبيني
والعجينة كي تطيب تجيك يابسة ولا طرية؟
باينة بنينة خاصة من يديك توتة
توتة مديتي الصحن لهدولة هاي فيك ، أشفاي عليها خلاص ما نحبكش 
وهاذاك القاطو ماشي مليح
تشكرين على الوصفة
|
المشاركة الأصلية كتبت بواسطة مونية ك
عجبيتني هايلة الله يبارك
بصح اختي الحليب والفرنة تطيبيهم قبل ماتحطيهم على الزبدة؟؟ جاوبيني والعجينة كي تطيب تجيك يابسة ولا طرية؟ |
خلطي الحليب بارد والفرينة ثم ضفيها للكريمة اما العجينة بعد ماتخرجها من الفرن تكون يابسة شوية بصح قادرة تتكسر نحيها بشيش نتي وشارتك
بعد ما توضعي الكريمة والشكولا تولي طرية
|
المشاركة الأصلية كتبت بواسطة إلهام07
توتة مديتي الصحن لهدولة هاي فيك ، أشفاي عليها خلاص ما نحبكش
وهاذاك القاطو ماشي مليح |
انا قلت لتسبق للطبق تديه انت كنت بطييييئة واش نعملك:d:d:d:d:d
اممممممممممم هايلة يعطيك الصحة