السلام عليكم
و المفيد انك رايحة ديري الغدا بلا ماتخمي في العشا و هكا تصايدي عصفورين بحجر واحد
نبداو باللحم المفور بصراحة جربت وشحال من طريقة بصح ديما يجيني الطعم ناقص . اعطاني راجلي فكرة و كان احسن لحم مفور دقتو
المقادير
طراف لحم او داند
بصل
فلفل اسود
ملح
ملعقة كبيرة زيت زيتون
رند
كيفية التحضير
فرشي الالمنيوم في الكسكاس
و حطي اللحم و فوقو بصل و ملح و رند و فلفل اسود و زيت الزيتون و زيدي غطيه بطرف المنيوم واحد اخر و حطيه يفور و ساعة على ساعة قلبيه
راهو يطول شوية واحد 2 سوايع و ماتنسايش تطلي على البرمة تعود تنشف
و هاهي النتيجة لحم مفور مع بطاطا و سلاطة الطبقات
واللحم يقعد طرى و بنييييييييييييييييين وماشي ناشف
و العشية ديري واش حبيتي لخاطر عشاك راهو ساااااااااااااااااااااااااااااااهل
تشفاو على الصوص لي قعدت من اللحم هاديك هي لي نحتاجوها فيها بنة اللحم و البصل
صفيها في كسكاس
وزيديلها الزعفران و شوية ماء لانها رايحة تكون مالحة شوية
جيبي اندومي
اضيفيها للمرق
و خليها تطيب على نار هادئة و رايحة تلاحظي بلي بدات تتفك من بعضاها
و قدميها مع لحم مفور ادا بقالك او كي تفوريه ديري بالزايد باه تخليه للعشاء
وشهية طيبة
يعطيك الصحة تشهي راني جيت انا الولى وين راه صحني
|
المشاركة الأصلية كتبت بواسطة sissou nrdn
 يعطيك الصحة تشهي راني جيت انا الولى وين راه صحني
|
ههههههههههههه راهو ليك بالغدا بالعشا بصحتك
طريقة سهلة و اكيد نجربها
بارك الله فيك و في زوجك
يعطيك الصحة باتيلا
بصح ما قلتلناش على فكرة زوجك واشي هي
ديما بشطارتك يا لالة
انا اندومي نديرها لبناتي كون يصيبو يوميا مي انا مانحبهاش
نجربهالهم بطريقتك
|
المشاركة الأصلية كتبت بواسطة ام ساجد
يعطيك الصحة باتيلا
بصح ما قلتلناش على فكرة زوجك واشي هي |
اللحم المفور باليصل و الزيت و الفلفل و الملح دون توابل اخرى و يفور و يطيب في لاصوص نتاعو شي لي يخليه ماينشفش و ما يتودرش دوق اللحم لان كثرة التوابل تودر الطعم
شكرا ام ساجد على المرور
ماشاء الله اختي باتيلا ليك وحشه ومبروك عليك الزواج قلت منزيدوش نشوفوك بعدو ههههههههههه حمد لله على رجوعك
يعطيك الصحة هذه طريقتي في تحظير لمفور شكرا لك
|
المشاركة الأصلية كتبت بواسطة omnadjem.10
ماشاء الله اختي باتيلا ليك وحشه ومبروك عليك الزواج قلت منزيدوش نشوفوك بعدو ههههههههههه حمد لله على رجوعك
|
ههههههههههههه شكرا ام نجم الله يبارك فيك
ماعندي وين نروح بعد ماتزوجت وليت مرا و ربة بيت من الطراز الاول بعد ما كنت استادة بابيشة ههههههههههههههههه
و الله الزواج يبدل المرا صح صح
راني دخلت النات للبيت عندي يومين ضرك تشوفيني ديما هنا
|
المشاركة الأصلية كتبت بواسطة yara djoumana
يعطيك الصحة هذه طريقتي في تحظير لمفور شكرا لك
|
مالا ضرك نقول لراجلي ماكش انت السباق لهدي الفكرة هههههههههههههههههههههه
mmmmm hayel bsahatkom w rabi ydawamha nchalah
يعطيك الصحة يا الزيييييييين و الله فكرة رائعة ان شاء الله نجربها
ربي يخليلك زوجك و يهنيكم و يباركلكم في زواجكم و حياتكم
يعطيك الصحة بنتي تموووت على اندومي