الحشو:
3 حبات بصل كبيرة
2 فلفل حار
4 ملاعق زيت
3 ملاعق طماطم مصبرة
ملعقة صغيرة سكر
توابل : ملح و فلفل اسود و راس الحانوت (توابل مشكلة ) وفلفل احمر حار للي تحب الحرارة
حوالي فنجان ماء
طريقة عمل الحشو:
قطعي نصف البصل رقيق والنصف الاخر اسكرفجيه (ابرشيه ناعم) + فلفل مقطع + ملح وتوابل + زيت + الماء واتركيها على نار هادئة حتى تذبل البصل قليلا وينشف الماء بعدها اضيفي الطماطم + السكر واتركيها تطبخ قليلا حوالي دقيقتين او اقل
هنا الحشوة جاهزة ضعيها جانبا حتى تبرد تماما وحضري كمية من الزيت في صحن لانك سحتاجينه لطهو المحجوبة
العجينة
حوالي كيلو سميد رقيق من النوعية الجيدة و من الافضل تغربليه …انا نكيل بعلبة الطماطم انتاع كيلو + ربع الكمية فرينة (طحين) + ملعقة الا ربع ملح واجمعيهم بماء دافىء واتركي العجينة قليلا حتى تتشرب حبيبات الدقيق الماء ثم ادلكيها جيدا بالماء حتى تتحصلي على عجينة ملساء ولينة كي تتحصلي على نتائج جيدة
ااكد على نوعية الدقيق لازم يكون ارطب وفيه العلك او كما يسميه البعض الخيط أي بمعنى الغلوتين
قسمي العجين اللى كريات بحجم حبة البيض اذا كانت الطاوة كبيرة اما اذا كانت صغيرة اعمليهم اقل ضعيهم في صينية مدهونة بالزيت وغطيهم بقطعة نايلون واذا كنتي في فصل الصيف غطيها بمنشفة مبللة ومعصورة
الكمية تكفي لشخصين
نحضر كل اللوازم من حشو وعجين وزيت وشمري على يديك ..بدى الصح
اشعلي النار تحت الطاوة وتكون نار ضئيلة جدا بحيث نار الوسط تكاد تنطفىء كي لا يحترق مجهودك ههههه
رشي الطاوة بالزيت وافتحيها فوقها ورشيها بالزيت ثم اتركيها ثواني حتى تنشف من الاسفل
![الجيريا](https://imageshack.us/a/img580/7611/100wz.jpg)
![الجيريا](https://imageshack.us/a/img560/6971/111yge.jpg)
![الجيريا](https://imageshack.us/a/img5/1042/130mj.jpg)
وعند التقديم لفي كل برنوس على حدا وقطعي بالحجم الذي تريدين
![الجيريا](https://imageshack.us/a/img32/9879/fint.jpg)
![الجيريا](https://www.khtoh.net/vb/images/imgcache/2016/02/202.gif)
يعطيك الصحة هايلة
نديروها في باتنة
راني سخفتالها مي ماقعدتش باش نديرها فرات ضرك ندي قسمتي مكلاه نديرها
هااااااااااااااااااايل يعطيك الصحة
يعطيك الصحة هايلة
نديروها في باتنة راني سخفتالها مي ماقعدتش باش نديرها فرات ضرك ندي قسمتي مكلاه نديرها |
الله يسلمك حنونة …يحياولي ناس باتنة وهذه في خاطرك مكلاه تشقي روحك ههههههه
قتلتيني علاه عليك انا نموت عليها مي كي نديرها مانكلش بزاف خصني يديرهالي واحد هههههههههه
امممممممممممم سخفتيني شحال كانت ديرها عجوزتي
روعة حبيبتى ماشاء الله ورانى حاسنة عونك كيفى وحدك تبدعى وتصورى
قتلتيني علاه عليك انا نموت عليها مي كي نديرها مانكلش بزاف خصني يديرهالي واحد هههههههههه
|
سامحيني الا محجوبتي راح تقتلك انحيها خير هههههههه تفضلي بصحتك
متسخفي ماوالو هاوليك الطبسي كولي قد ماتقدري بصحتك
روعة حبيبتى ماشاء الله ورانى حاسنة عونك كيفى وحدك تبدعى وتصورى
|
شكرا عزيزتي هذا من ذوقك وربي يكون في عوننا
يشهو واش درتي فيا هههههه شكرا علي الطريقة
ايييه محجوبة نتاع صاح ومن بسكرية حرة بكل صراحة هايلة ويعطيك الصحة
اممممممممممممممممممممم يعطيك الف صحة محجوبة وعليها لكلام سخفتني
والله أختي تسمحيلي ، في الأول حقرت الموضوع قلت ماشي حاجة جديدة من بعد دخلت من باب الفضول ولقيتها حاجة رووووعة و تشهي ماشاء الله
شكرا جزيلا على الوصفة وأكيج تستحق التجربة