امس حضرت للعشاء شاورما جديدة انا متعودة نعملها بالدجاج ومرات باللحم امس عملتها بالمرقاز واعملت رغيف سوري قدمتها معاه والصور توضح الطريقة والمقادير
اما الرغيف السوري حسب افراد الاسرة المهم كل نصف كاس اينوكس من الفرينة يعملك قرصة او خبزة واحدة مثل اللي في الصورة وهاد الكمية ديريلها ملعقة زيت ونصف ملعقة خميرة الخبز ونصف مغرف صغيرة ملح و قرصة سكر
انا استعملت كاس ونصف فرينة زدتلو ثلاث معالق كبار زيت ومغرف صغيرة ونصف خميرة الخبز ومغرف صغيرة ونصف ملح ومغرف صغيرة سكر وتزيدي ماء دافي حتى تتحصلي على عجينة ادعكيها ثلاث دقائق وغلفيها ببلاستيك وخليها ترتاح ربع ساعة ثم شكلي ثلاث كويرات متساوية حليها باستعمال الفرينة حطيها فوق منشفة وزيدي غطيها وخليها تزيد تختمر من سبعة لعشر دقايق وطيبيها بالوحدة في مقلات على الجيهتين
ملاحضة هاد الكمية تعملك ثلاث خبزات وانت ضاعفي الكمية حسب افراد الاسرة والحبة اللي تطيبلك حطيها في كيس مباشرة حتى تبقى طرية لوقت الاستعمال
اما المرقاز حليتو من الغلاف وحطيتو في مقلة من غير زيت مع نصف حبة بصل وملعقة هريسة وحبة كبيرة طماطم مرحية من غير قشرة ولا بدور وقرصة كمون وفص ثوم مرحي ماكترتش التوابل لان المرقاز اصلا متبل خلي الخليط على نار متوسطة حتى يطيب المرقاز ولما تطفي النار زيدي مغرف كبيرة خل وخلطي وباقي المقادير توضحها الصور وممكن تزيدي معاهم مايوناز وهريسة حسب الرغبة
انشاء الله يكون شرحي وافي واي استفسار انا في الخدمة
سلمت يداك تشهي الله يبارك و فكرة المرقاز فكرة جديدة مشكورة
مممممممممممممممممم بصحتكم روووووووووعة ما شاء الله عليك
الله يبارك يا الفحلة تشههههههههههي يعطيك الصحة
ان امكن تعطيني طريقة الخبز السوري و شكرا
يعطيك الصحة
انقلي الوصفة نتاعك الى قسم الاطباق الرئيسية
ya3tik saha a3tina kifah derti khobez sori stp
ما شاء الله ربي يبارك
يعطيك الصحة أختي
|
المشاركة الأصلية كتبت بواسطة hamida2016
 الله يبارك يا الفحلة تشههههههههههي يعطيك الصحة
ان امكن تعطيني طريقة الخبز السوري و شكرا |
ذ
مساء الخير راني حطيت الطريقة في الصفحة الاولى مع الصور
اختي يعطيك الصحة حاجة هايلة بصح حبيت نصقصيك الخبز السوري طيبتيه على نا ر قوية ولا خفية جربته وماصلحليش
|
المشاركة الأصلية كتبت بواسطة ام دودة
اختي يعطيك الصحة حاجة هايلة بصح حبيت نصقصيك الخبز السوري طيبتيه على نا ر قوية ولا خفية جربته وماصلحليش
|
اختي العزيزة انا نطيبو في مقلة تيفال على النار نتاع الكويزينيار ماشي الطابونة والنار متوسطة اول مايعمل الخبز فقاعات اقلبيه مباشرة واقعدي تحركي في الخبز حتى يتحمر من جميع الجهات
انشاء الله توصلك الفكرة
شكرااااااااااااااا اختي يعطيك الصحة جاتك روعة
|
المشاركة الأصلية كتبت بواسطة nokia2017dz
شكرااااااااااااااا اختي يعطيك الصحة جاتك روعة
|
العفو حبيبتي انشاء الله تجربيه
يعتيك الف عافية وبارك الله فيكي حبيبتي الف شكر
|
المشاركة الأصلية كتبت بواسطة mimi53
يعتيك الف عافية وبارك الله فيكي حبيبتي الف شكر
|
وفيك بركة حبيبتي 