الغريبية
500غ زبدة لابال تطلعيها مثل الكريمة تزيديلها كاس مليان سكر قلاصي وتزيدي تخدميها وتزيدي 1كلغ مايزينة تخلطي الكل وتلمي بالفرينة حتى تتحصلي على عجين متماسك مايكونش يابس ولا طري بزاف تشكليها بالمحقن وتطيبيها على 180 تجي تدوب في الفم
قاطو بارد…مايطيبش…
1كلغ ونصف كاوكاو منقي ومقلي ومرحي متوسط تزيديلو علبة حلوة الترك نتاع500غ وتزيدي 3 علب قاطو كاسكروط اللي شكلو مربع يكون مرحي غبرة وتزيدي 3 ملاعق كاكاووتلمي ب 400غ شكولا سوداء دايبة مع 250غ زبدة ونصف علبة نتاع رطل عسل وادا ماتلمش الخليط كملي لمي بماء الزهر ثم شكلي حرابش طويلة دخليها الثلاجة ربع ساعة في هدا الوقت دوبي 1كلغ شكولاطة بيضاء فوق حمام مائي مع 2 اكياس صغيرة ملون ابيض وبدون اي اضافات اخري ثم ادهني الحرابش بالشكولا البيضاء باستعمال البانسو وكي تجمد قطي الحرابش مقروضات واعملي خطوط من الشكولا البيضاء بابرة السورانغ ولصقي وردة من عجينة اللوز
غريبية جديدة
دوبي 500غ زبدة لابال خليها تبرد وزيديلها كاس اتاي زيت وربع العلبة نفسها سكر قلاصي اخدميهم مليح بالباتور وغطيهم ودخليهم الثلاجة ليلة كاملة وفي الغد عاودي طلعي الخليط مليح بالباتور وزيدي معاها 1كلغ فرينة حتى تتحصلي على عجينة حليها فوق سطح مرشوش بسمك2 سم او اكثر حسب الرغبة وقطعي بواسطة المول من جهة الوردة ودخلي الحبات للفرن من تحت فقط من غير مايتبدل لونها وكي تبرد ديري في الثقب اللي في الوسط شكولا سوداء دايبة …وانا مرات نعمل في الوسط حبة بندق
لقاطو المربع بالجوز هو عبارة عن 500غ جوز مرحي خشين مع 500 غ كاوكاو مقلي ومرحي متوسط وورق البوراك حمرت 2 علب يعني 24 حبة وفتتهم بيدي ولميت الخليط بمعجون وماء زهر و3 ملاعق سكر شكلت الكل في بلاطو مربع بسمك 2سم وزينت الوجه بشكولا سوداء دايبة ورشيت لوز ايفيلي او شرائح محمر شوية ورشقت في الوسط الجوز
قريوش المارغوريت…مودال جديد
1كلغ Tفرينة تزيدلو 250 زبدة دايبة وقرصة ملح خلطي الكل مليح وزيدي 3صفار بيض +قرصة صغيرة خميرة الحلويات+قرصة صغيرة خميرة الخبز+ملعقة كبيرة خل خلطي الكل ولمي بماء الورد حتى تتحصلي على عجينة قسميها على 4 وغطيها وخليها ترتاح نصف ساعة ثم حلي العجينة بسمك نصف سم واطبعي بطابع المارغوريت الكبير رقم 1 لصقي كل وردتين من الوسط بشكل متخالف بشوية بياض بيض وارشقي في الوسط حبة صنوبر
اقلي الحبات في زيت غزير على نار هادئة قطريها وكي تجي تقدميها عسليها
قاطو بنواد كوكو….
1كلغ نواد كوكو تزيديلو برش 2 حبات ليمون كبار+250 غ سكر عادي خلطي الكل وزيدي بيضة ثم صفار ثم بيضة ثم صفار وهكدا حتى يتلم الخليط شكلي كريات دخليها للفرن حتى تاخد اللون الدهبي من تحت وكي تبرد غلفيها بالقلاساج اللي هو عبارة عن بياض البيض اللي بقالك طلعيه مع سكر قلاسي و 2 ملاعق عصير ليمون و2 ملاعق زيت و4 ملاعق ماء زهر زيدي وشوية ملون وردي السكر بالتدريج عينك ميزانك حتى تتحصلي على خليط خاثر غلفي الحبات بيه وزينيهم بوردات من عجينة اللوز اللي هي علبة من عجينة اللوز تزيديلها كاس مايزينة مفورة وملون وردي خلطي الكل وحلي العجينة واطبعي بطابع المارغوريت المتوسط رقم 2
………اي استفسار او سؤال انا في الخدمة……………..رجائي الوحيد ان تدعولي ربي يرزقني درية صالحة معافات عاجل غير أجل…عندي عامين ونصف زواج
تقبل اللهخ سعيك اختي عمرة ميمونة مقبولة ودعاء مستجاب ان شاء الله
ماشاء اللله اختي القاطو روووووووعة ياريت تعطينا وصفة هداك القاطو المربع عجبني بزااااااااف
ما شاء الله , حلويات روعة و مناسبة أروووووووووووووووووووووووع
ربي يتقبل العمرة و حسنات أعمالك.
الله يقبل ودعاء مقبول لعقوبة ليا إن شاء الله
والقاطو هايل يعطيك الصحة
أولا ربي يتقبل رووووووووووووعة يعطيك اصحة
تقبل الله منا و منك صالح الاعمال
ما شاء الله رائع بالصحة و العافية
تقبل الله منا و منك صالح الاعمال
راااااااااااااااااااااااااااااااااااائع شكراااااااااااااااااااااااااااااا
السلام عليكم نحب نقلكم بلي مازالت هناك صور اخرى لحلوياتي وتحضيراتي بعد رجوعي من العمرة وسوف انزل صورها في القريب العاجل انشاء الله
ربي يتقبل منك ولعقوبة لينا
عجبني هذا اعطيلي الطريقة حنونة
وهذا تعيشي
جميل اين الوصفة ؟؟؟؟؟؟؟؟؟؟؟؟؟؟؟؟؟
|
المشاركة الأصلية كتبت بواسطة أم ياسين الزهراء
 ربي يتقبل منك ولعقوبة لينا
عجبني هذا اعطيلي الطريقة حنونة وهذا تعيشي |
السلام عليكم انشاء الله نزودكم بكل الوصفات في القريب العاجل
الف مبروك
ربي يقبل ويبارك
لعقوبة للحج لينا كامل قولوا آمين
الله يتقبل منك أخي .صراحه شيتني للحلويات .نورتوا أرض الحرمين بزيارتكم
عمرة مقبولة وحلويات رائعة ممكن مقادير الحلوة المربعة
ta9abala alah
chbab alah ybarak