بسم الله الرحمان الرحيم
موضوع اليوم نعتبره خاص جدا ونتمنى راح يفيد الاخوات الكريمات طبعا كلنا وقع وين حبينا نضاعفو كمية حلوى لانو الي عندنا قليلة
وحابين نخرجو بيها لوليمة ولا عرضة ولازم حاجة الي تحمر الوجه وشي عادي انك تضاعفي 2 بيض الى 4 و100 غ الى 200 ولكن مادا في حالة الوصفات التقليدية مثل المدلوك او الملوي الي نخافو منه ومن تعبه ودليكه لكن مع الحل الي غادي نقدمو راح ترجعي تخرجي بيه وتفاجئي اهلك واهل زوجك بشطارتك
الحل الساهل بين يديكم وكيما سبق وقلت ليكم من يوم اكتشافي للكيس المبلل ما بقاش الدليك في دارنا وارفعنا شعار لا للدليك الكيس يكفي ويوفي بدون اطالة اخواتي تبعو معايا الموضوع التالي
المقادير / اعطيتك المقادير حسب ما تحبي من 8 الى 42 حبة وانتي اختاري
42 حبة
2كلغ ورطل فرينة
1كلغ ورطل سيد رقيق جدا
1لتر و750مل ماء
2ملاعق كبيرة ملح
34 حبة
2كلغ فرينة
1كلغ و250 غ سميد رقيق جدا
1لتر و400مل ماء دافيء
ملعقة كبيرة ممسوحة خميرة
ملعقة مملوءة ملح
17 حبة
1كلغ فرينة
625 سميد رقيق جدا
700مل ماء
ملعقة كبيرة ملح
8 حبات
رطل فرينة
315 سميد رقيق جدا
350مل ماء
ملعقة مملوءة ملح
ماء اضافي هو الماء الي راح نبلل فيه الكيس وايدينا ويقدر ب
225مل بالنسبة للعبر الاول
200 مل للعبر الثاني
100 مل للعبر الثالث
50 مل للعبر الرابع
طريقة التحضير مرفوقة بالصور /
انا جربت العبار الثاني 34 حبة
نخلط الفرينة والسميد والملح في قصعة
جمعيها بالماء تدريجيا كل كمية الماء الي في المقادير يعني 1 لتر و750
في الصورة الموالية العجينة لميناها بالماء بلا دليك الكيس وكمية الماء الاضافي
نشمخو الكيس بالما ء ونديرو فيه العجينة مدة 30 دفيقة
ننزعو الكيس بعد انتهاء المدة نلاقاو العجينة طرية نشمخو يدينا ونعجنوها شوية مدة 3 دقائق ونكررر عملية الكيس لمدة 20 دقيقة
ومن بعد نلاقاو العجينة طرية وجاهزة
نشكلها كويرات صغيرة
نخليها تنزل مدة 10 دقائق ومن بعد نبدوا التحضير طبعا نفتحوها بالزيت
والان الشرح بالصور
نطوي من اليمين الى اليسار ثلاث مرات
وتصبح هكذا
نكملو كامل الكويرات
بعد ماينزلو حوالي 10دقائق نبدو نطيبو
نبسط الحبة باليد حتى تصبح مربعة بهدا الشكل
نحطوها في الطاجين مسخن ومدهون بالزيت
كي نشوفوها نشفت من الفوق معناها طابت من تحت نقلبوها على الجهة الثانية
عند ظهور الفقاعات بهدا الشكل نقلبها
هاهو الوجه الي كان من تحت
ها هو واجد
نفس المقادير والطريقة والخطوات والاختلاف في الطياب فقط
اذا قلينا الحبات في الزيت تصبح مسمن مقلي
اما الملوي
نفس المقادير وطريقة العجن الاختلاف في طريقة التحضير
نفتح الكرة بالزيت
ثم نلفها على بعضها رولي يعني لفات صغار
اسفة الصورة مسحت بالخطا
ثم نصعها حلزون بهدا الشكل
وهنا كي نزلو شوية بعد 10 دقائق
نقرصو الحلزونة على تصبح دائرة نحملوها بلطف ونديروها في الطاجين
نفس طريقة المدلوك في الطياب
وهاهو الملوي واجد
نتمنى انني وفقت في الشرح
تحياتي والسلام عليكم
ana amel men tarod baraka ellah fik awel marra nesme3 tariket kis plastiki
|
المشاركة الأصلية كتبت بواسطة lamiak1
 ana amel men tarod baraka ellah fik awel marra nesme3 tariket kis plastiki
|
انا نخدم بيه من عامين
كلشي الخبز – المطلوع – المدلوك – المسمن
……………….
شكرا على المشاركة
يعطيك الصحة ياحرة الحراير وفقت وبوركت
|
المشاركة الأصلية كتبت بواسطة ام ايمان1
يعطيك الصحة ياحرة الحراير وفقت وبوركت
|
شكرا تحياتي حبيبتي
عمل مميز…. الله يبارك مرا و نص
جعله الله في ميزان حسناتك
ما شاء الله يعطيك الصحة
ححبتي كيس دليك وين نلقاه واش اسمو في سوبيرة
ya3tik saha hanounameme ana ndir sachet en plastic mais machi mechemakh rayha nsiyih inchalah
|
المشاركة الأصلية كتبت بواسطة أم فاطمة 27
ما شاء الله و لا قوة الا بالله
عمل مميز…. الله يبارك مرا و نص جعله الله في ميزان حسناتك |
شكرا حبيبتي على المشاركة تحياتي
|
المشاركة الأصلية كتبت بواسطة ام سامي15
ما شاء الله يعطيك الصحة
|
الله يخليك شكرا حبيبتي
|
المشاركة الأصلية كتبت بواسطة زينة سلمة
ححبتي كيس دليك وين نلقاه واش اسمو في سوبيرة
|
حبيبتي الكيس الي تكلمت عليه هو الكيس عادي تع 2 او3 دينار الي نشرو فيهم
انا شارية منهم وخليتهم في الدار
|
المشاركة الأصلية كتبت بواسطة mama43
ya3tik saha hanounameme ana ndir sachet en plastic mais machi mechemakh rayha nsiyih inchalah
|
تجربة ناجحة جربي بنفسك وودعي الدليك حبيبتي
مجهود تشكرين عليه
بارك الله فيك
للتثبيت
يعطيك الصحة والله يبارك فيك