اليوم جبتلكم 2 أطباق هايلين و الطبق الثالث غير من الأول
طاجين الخوخ : غلي أرز ميش فاير و صفيه و خطريه مالماء مليح و كل خطرة هزي بيه الكسكاس ملزمش يبقى فيه الماء ثم حضري لاصوص عادي و خليها تتقلى
[/URL[/IMG]
ثم كبي عليها كمشة حمص طايب و مجمد
[/URL[/IMG]
كل خطرة مرقي حتى يطيب الحمص و تعقاد
[/URL[/IMG]
قلي اللحم مرحي بالفلفل و الكمون و الملح مليح
[/URL[/IMG]
هات الروز تاعك و حكمي كمية و كوريها ثم ديري ثقبة فالوسط و عمريها لحم مرحي
[/URL[/IMG]
ثم بلعي مليح و غطسيها فالبيض و الخبز اليابس و قليهم حتى يحمارو لازم الزيت يكون سخون
[/URL[/IMG]
[/URL[/IMG]
[/URL[/IMG]
ثم قدميهم كيما راكي تشوفي
[/URL[/IMG]
الجلبانة فالكوشة : طيبي الجلبانة في مرق أبيض و إذا حبيتي طيبيها مع أطراف اللحم ثم ضفيلها اللحم المرحي بعد ما تكوني قليتيه
[/URL[/IMG]
ثم ديريلها شوية مرق و فقسي عليها البيض حبة هاكاك بلا متضربيها هذا قاع فالبلا ثم دخليها يطيب البيض من تحت ثم إشعلي عليها يحمار البيض من فوق و قدميها
[/URL[/IMG]
و كاين طبق آخر تخلي الجلبانة بمرقها الأبيض و تقلي البطاطا و تشبحيها فالأطراف
هذو أطباقي اليوم نشالله يعجبوكم و بالصحة عليكم و ما تنساونيش بالدعاء
الله يعطيك الصحة حنونة
الله يعطيك ماتتمناي وننتضر المزيد وشكرا
|
المشاركة الأصلية كتبت بواسطة miri_27
 الله يعطيك الصحة حنونة
|
الله يسلمك نورتي يا لحبيبة سلامي الحار لأمي الغالية 
|
المشاركة الأصلية كتبت بواسطة لولو1000
الله يعطيك ماتتمناي وننتضر المزيد وشكرا
|
أنا وياك نشالله نورتي بمرورك العطر 
mmmmmmmm y3etik essaha hada win lahgetni rihtou
|
المشاركة الأصلية كتبت بواسطة imi122017
mmmmmmmm y3etik essaha hada win lahgetni rihtou
|
و صحيحتك حنونة و مشكووووووووورة على مرورك الكريم نورتي
تسلم الايادي نسيبتي العزيزة كيف الحال ان شاء الله بخير وبنيتي برات شوية ولا مازال بوسيهالي
|
المشاركة الأصلية كتبت بواسطة ام محمد ميدو
تسلم الايادي نسيبتي العزيزة كيف الحال ان شاء الله بخير وبنيتي برات شوية ولا مازال بوسيهالي |
و إديك حنونتي و ربي ينورك كيما نورتي موضوعي
إسقسي عليك الخير و الله رانا ملاح و بنيتك راها مليحة بقاتلها شوية سعلة برك
نتوما نشالله تكونو ملاح و بلغي السلام للعائلة و لميدو بزاااااااااااف
|
المشاركة الأصلية كتبت بواسطة my lamis
و إديك حنونتي و ربي ينورك كيما نورتي موضوعي |
رانا الحمد لله يسقسي عليك الخير حنونتي جربي لميس حلوة الترك مع زيت الزيتون انا نديرهم لمحمد خير من السيرو و دواء الطبيب و ثاني تكون مناعتها قوية على خاطر ليزانتي بيوتيك دايما مش ملاح و كل مرة تحسيها بدات تسعل وكليهالها قبل النوم بالشفاء عليها
|
المشاركة الأصلية كتبت بواسطة ام محمد ميدو
 رانا الحمد لله يسقسي عليك الخير حنونتي جربي لميس حلوة الترك مع زيت الزيتون انا نديرهم لمحمد خير من السيرو و دواء الطبيب و ثاني تكون مناعتها قوية على خاطر ليزانتي بيوتيك دايما مش ملاح و كل مرة تحسيها بدات تسعل وكليهالها قبل النوم بالشفاء عليها |
ربي يجازيك بالخير و الله البارح خويا عيطلي و قالو عليها صاحبو بصح المشكل في بنتي متحبش تاكلهم حتى الدوا تاعها تشربو بالسيف بصح نشوف كيفاه ندير معاها صح السيرو ميدير والو
الله يبارك فيك و في زوجك و في لميس
ربي يخليكم لبعضكم
المرة المقبلة صغري في الصور بعضها لا يظهر
الله يبارك فيك و في زوجك و في لميس
ربي يخليكم لبعضكم
المرة المقبلة صغري في الصور بعضها لا يظهر
يعطيك ألف صحة
خاصة الأول روعـــــــــــــــــــــــــــــــــــــة
آه لوكان جيتي جارتي 
yhablou nnchallah ndirhom ledhyafi wenhot les photos rabi yechfilek bentek dirilha lef saidi har fih soker ybet lila kamla wfi sbah chrbilha sirop taou lakhter essokor rah ydhoub fil left weywelli kelli sirop matfikech bih bentek ou rabi howa echafi