حنا عادتنا ثاني عيد كامل نديرو الطعام كل بيت يديرو تشمو ريحتو تنفنف من كل دار اللي يديرو بالخرشف واللي باللفت واللي بالجريوات واللي اللوبيا الخظراء
وبشابش اللحم امممممممممممم واللبن..والحار
تبقى الطريقة ..كل واحد كيفاه وهذه احداها
المقادير
-كيلو لحم خروف(يمكن تغيرها باي نوع لحمة اخرى)
-كيلو كسكسي ناعم
الخضر:
-2حبات جزر
–2حبات كوسى
–2حبات بطاطا
–2حبات خردل
–قطع من الكابويا
الحمص المعلب لانو طري وما يحتاج طبخ.
قرون من الفلفل الحار حسب الرغبة.
ويمكن تعديل مقادير الخضر حسب الرغبة.
ملعقان كبيرتان زيت زيتون او زيت دون مذاق او سمن.
بصلة كبيرة مفرومة ناعم.
راس ثوم مفروم ناعم.
التوابل:
-ملح
-فلفل اسود
-تابل حار حسب الرغبة.
التحضير
ناخذ طنجرة نحط بها اللحم بعد غسله
والملعقتين من الزيت والملح وفلفل اسود والتابل الحار
والبصل والثوم المفرومين
على نار هادئة نغطي الطنجرة ونحرك بين الحين والاخر.
بعد 10 دقائق نضيف الماء حتى يغطي اللحم.
نتركه يغلي على نار هادئة .
في هاد الوقت ناخذ الكسكسي نضعه في وعاء كبير نرشه بقليل من الزيت(ملعقة طعام)
ونقوم بفركه بهدوء بين اليدين دون ضغط لان يتشرب الزيت
ناخذ ما يعرف بالكسكاس هو مثل الطنجرة يوضع فوقها ملئ بالثقوب
ونضع الكسكسي به ثم نضعه فوق الطنجرة اللي فيها اللحم يغلي ليطهى بالبخار
وفي هاذ الوقت نظف الجزر ونقطعه على اربعة ونحطه بالطنجرة.
بعد مدة تلاحظي انو الكسكسي يطلع منه البخار تنزعيه.
وتعيدي ترشيه بشوية ماء وتفركيه تقريبا كوبين ماء وتضيفيلو شوية ملح وتتركيه حتى يجف.
وتظيفي الخضار للطنجرة بالترتيب حسب سرعة النضج
وبعد ما يجف الكسكسي تقومي بفركه بين يديك لكي لا يلصق
وتحطيه للمرة الثانية يفور(على البخار).
وبعد ما يطلع منه البخار تعيدي رشه بالماء (كوب واحد) وتفركيه وتتركيه يجف وتعيدي تحطيه على البخار.
بهاذ الوقت اللحم والخضار صارو مطهيين تضيفي الحمص الطري والفلفل الحار (قرون) وتتركيه يغلي شوي
هنا الكسكسي طلع منه بخار ننزعه ونحط عليه شوي سمن ونفركه بهدوء.
ونحط الكسكسي بصحن التقديم
وعندها يكون المرق جاهز تسقي به الكسكسي وتزيني الطبق بالخضار واللحم.
وهكذا انتهى الكسكسي
ملاحظة
يمكن انه بنهاية ما تنطهي اللحمة تغلي لتر حليب وتظيفيه على المرق وبعدها تسقي الكسكسي
وهادا نسميه الكسكس الابيض.
ويمكن بالمراحل الاولى عن تقلية اللحم مع البصل والثوم وتضيفي الطماطم المصبرة( ملعقة طعام)
وحبتين طماطم طبيعي وتزيدي عليه الماء
وانتم واش هي عاداتكم؟؟نحب نعرف كل منطقة واش دير
بصحتكم و عيدكم مبارك
كل عام وانتم بالف خير
منورة الموضوع
امممممممممممم الريحة راها لحقتنى
بصحتكم
الله يسلمك وشكرا على المرور
ممممممممممممممممممممممممممممممم سخفتيييني اعطييك الصحة حبيبتي حنا اليوم الثاني نديرو شخشووخة حااارة وبنينة انا من شاوية
سلاااااااااااااااااااااااااااااااام
الموضوع اعجبني بصحتكم حنا ثاني نديرو الطعام
شهيتيني نموت على الطعام
احنا في مستغانم عامة و بيتنا
خاصة نديرو الصباح المسمن
و الغذاء طعام و الملفوف و المساء
او الغد نديرو العصبان
صح عيدكم مسبقا
|
المشاركة الأصلية كتبت بواسطة sami_2017
 ممممممممممممممممممممممممممممممم سخفتيييني اعطييك الصحة حبيبتي حنا اليوم الثاني نديرو شخشووخة حااارة وبنينة انا من شاوية
سلاااااااااااااااااااااااااااااااام |
بصحتكم لكن اي شخشوخة نتاع الظفر والنتاع لمسمن؟؟
مشكورة على المرور
|
المشاركة الأصلية كتبت بواسطة الدنيا
شهيتيني نموت على الطعام
احنا في مستغانم عامة و بيتنا خاصة نديرو الصباح المسمن و الغذاء طعام و الملفوف و المساء او الغد نديرو العصبان صح عيدكم مسبقا |
الله يسلمك حنا نديرو الشوا امممممممم نهار اول عيد..وفي الليل ناكلو بوزلوف
ثاني عيد الطعام او الكسكس
وفي المساء تلقاي الناس كامل في الاستعجالات الطبية من ليسطومة هههههههه
وانتم
|
المشاركة الأصلية كتبت بواسطة hadil146
بصحتكم لكن اي شخشوخة نتاع الظفر والنتاع لمسمن؟؟
مشكورة على المرور |
عاادي الي تووجد في البت سوااء تااع الضفر ولا المسن حنا نقولولها الشوااط
المهم اما اليوم الاول الصبااح نديرو قلياان كبدة وقلب والرية ………. وفي الليل ندييرو الشوااااااا
شكراا على الموضوووع
الله يسلمك وبصحتكم تعيدو وتزيدو وخليلي حقي
انا نحب الشوا
انا كذالك سطايفية لكن نحن نعملو الكسكسي بالخرشف واللفت والجريوات اللي حبها في العيد
ونعملوها اليوم الثاني اما اليوم الاول نعملو الكبدة والقليان مع المخ
وفي الليل بزلاوف وشوا لللي ما يحبش بوزلوف
تخيلت العيد غدوة ههههههههه الريحة تشهي امممممممم
حنا تاني نديرو الطعام نهار الزاوج تاع العيد و فالعشا نشوو
راني صايمة و الريحة دوختني هههههه
تعيدو بالصحة والعافية و الهنا عيد مبارك
|
المشاركة الأصلية كتبت بواسطة ميمنة الجزائر
انا كذالك سطايفية لكن نحن نعملو الكسكسي بالخرشف واللفت والجريوات اللي حبها في العيد
ونعملوها اليوم الثاني اما اليوم الاول نعملو الكبدة والقليان مع المخ وفي الليل بزلاوف وشوا لللي ما يحبش بوزلوف |
راني رايحة نشري الخرشف من طريق البرج قالولي مليح
واحنا تاني نديروها باللفت السعيدي والجريوات..والحمص
وننصبو الشواية كل يوم نشويو
الله يعطيك الف عافية واعاده الله علينا بالصحة والهناء
ماتخزريش للكيفية راها منقولة برك نهار العيد نصورلك بربوشتي