جبتلكم اليوم طبق نتاع القبايل احنا في دارنا نقولولو تيكربابين والبلاد اللي رحت ليها يقولولو العصبان
مانطولش عليكم نخليكم مع التصاور
الخضر انا هاذو اللي درتهم واللي حبت تزيد حاجة اللي تحبها تزيد الخضر اختيارية
وهنا دشيشة ولا سميد خشين فلفل لكحل كمون راس الحانوت الثوم راس فلفل حار وزيت قيس نص كاس ملح نعناع يابس هريسة جومبو دجاج تبسس مليح ويحب ثاني فلفل لحمر حار بودرة وكسبر مقطع رقيق انا مادرتش ماعنديش
تخلطيهم مع بعض
وتزيد 2 حبات بيض
لازم تجي مليح متبلة خاطذرش سميد يشرب توابل باش تجي بنينة
وكاين اللي يحب يديرلها شحمة انا مانحبهاش واللي تحبها تقطعها صغيرة وتخلطها معاها قع
هنا الخضرة قطعنها هكذا وكل واحدة كيفاش تحب تقطعها
هنا كي قليت البصل والثوم واش درت توابل في العجينة درتو هنا في المرقة غير النعناع لالا ومرقت ودرت الخضرة وخليتهم يطيبو
هذي نحيت من المرقة اللي خليتها تطيب نحيت المرقة واحدها برك
هنا تبداي تفرغي في المرقة وتخلطي حتان تتحصلي على عجينة كيما راكم تشوفو ماشي سايلة بزاف وماشي يابسة تترفد بالمغرف
وهنا كي تتخلط مليح فرغيها في صاشيات تقيين والا عندك صاشي نتاع سباقيتي خير باش تجي شابة انا هذا واش عندي
عجوزتي تعمرها في المصران الكبير في العيد الكبير اكمباعد تحطيها في الكسكاس وغطيه وخليها تفور فوق المرقة اللي درتيها وكيفاش تعرفي بللي طابت دخلي موس في الصاشي اذا يبست معناها خلاص راهي طابت واذا مازالت جارية خليها تطيب
وهذي كي طابت شفتو كيفاش شدت روحها قسمتها وحطيت الخضرة وكاين اللي يحبب يفتتها ويسقيها انا نحب ناكلها هكذا
اللي ترد تدي تاكل مزالها سخونة امممممممم
واش رايكم؟؟؟؟
شكرااااااااااااااااااااااااااااااااااااااااااااااا اا
وين راكم يالبنات؟؟؟؟؟؟؟؟؟؟؟؟؟؟
ya3tik asaha ana mana3rafhach basah tchahi surtut ki rahi skhouna nta3 berd
الله يسلمك حنونة انا نحبها بزاف سورتو كي تكون متبلة بزاف وحارة اممممممم نموت عليها
شكرااا لك حنا القبايل نديروها
يبان هايل نجربو..حنا عندنا حاجة تشبهلو نسموه "ايكورن" بقبايلية نديرو سميد رطب+ربطةقصبر+ربطة معدنوس+نعناع+ راس توم+ 4بصل +توابل(فلفل.راس حانوت.كمون .حار غبرة) نبسوه بزيت و نلموه بشوية ما نديروه كويرات و نفوروه فكسكاس ونديرو معاه عدس بيض طايب بالبصل(بلا طماطم حب ولا مصبرة) و كي يطيبو ناكلوه بزيت الزيتون
يعطيكم الصحة يالبنات
عجبني بزاف غدوة ان شاء الله نجربو يعطيك الصحة على الشرح
|
المشاركة الأصلية كتبت بواسطة zitoukar
 عجبني بزاف غدوة ان شاء الله نجربو يعطيك الصحة على الشرح
|
يعطيك الصحة ديري توابل بزاف في السميد سوربو فلفل لحمر بودرة وجومبو والثوم والنعناع خاطرش السميد يشرب التوابل بلبزاف
ربي يوفقك وكي تطيبيه حطيلنا كيفاش خرجلك بالصورة
وينكم يالبنات ماتحبوش التقليدي؟؟؟؟؟؟؟؟؟؟؟ظظ
تاع شكارة جديدة عليا
انا ندير نعناع بزاف يجي بنة ماتشبعش
بصح مانستعملش شكارة نكوروه ونطيبو مع المرقة
ومانحطش البيض ساعات نزيدلو روز يجي ثاني شبعة
|
المشاركة الأصلية كتبت بواسطة لينا11
تاع شكارة جديدة عليا
انا ندير نعناع بزاف يجي بنة ماتشبعش بصح مانستعملش شكارة نكوروه ونطيبو مع المرقة ومانحطش البيض ساعات نزيدلو روز يجي ثاني شبعة |
ايه صح حنا ماما ديرها كيما انتم وتجي بنينة
مي وين تزوجت شفتهم يديروها هكذا عجلتني حربيها وشوفي
يعطيك الصحة يا الشاطرة