السلام عليكم يا اعضاء مدونة الجيريا اشكركم اعزائي جزيل الشكر
و لكم تحية قلبية مني … شكرا جزيلا الله يقويكم
هذي هي مشكلتي
https://www.djelfa.info/vb/showthread.php?t=1289826
كي نزلت الموضوع مدرتش فيبالي رايحا تتحل مشكلتي
لكن بفضلكم و بفضل تشجيعكم و بعد الردود من اعضاءنا الله
يسر امورهم …. بعدما قرات الردود رحت ديركت قلت لبابا
شعلت فيه النار و قالي كيفاه متقوليليش المهم بهدلني
طلع بابا بيفي عندك الشرطة بصح غير بالمواصفات الشخص
بصح بقات المشكلة اني منعرفش هذاك الجان
غدوا من ذاك النهار خرجت نقرا ليكوغ (دروس خصوصية )
لقيتو في الطريق ايا و بدا التطياح …. استجمعت قواي و درت ليه
كنت دايرا في بالي يجي يضرني قلت هذيك هي نطلع ديركت لمركز الشرطة
لكن تخيلو لقيت السيد بدل الطريق…… شفيت غير على اللبسا
بالصدفة شفت صاحب خويا عيطتلو قتلو شوف شوف هذاك الجان شفالي عليه
المهم عرف اسمو وحكا لخويا و خويا قال لبابا على اسمو و المفاجاة الكبيرة انو بابات الجان
انسان هايل مسكين و يعرف بابا
ولا يحلل انا خوكم اسمحولو و اسحبو الدعوة انا خوكم
ايا سمحنالو بصح قالو بابا و خويا والله يهدر ماعاا يشوف فيها راك عارف
زاد الجان جا الخويا طلب منو السماح
و مرت على خير
و هذا كلو بفضلكم الله يحفظكم و يخليكم و يسر اموركم
نشكر المنتدى و طاقم الادارة القائم عليه
الله يجعلها بميزان حسناتكم
شكرا
الحمد لله ، تهنيتي
ارايت لما تكوني خاطيك المشاكل ، و يقدر ربي و طيحي في مشكل ،
لا تترددي في اخبار عائلتك لكي تتعاونو في حله
الحمد الله…………..
لما قرأت الموضوع قلن هل الجن اصبح يعاكس البنات ؟؟؟
من بعد فهمت هذا الجان هههه
الله يبعد علينا الجنون
el hamdoulah ya rabi ki fatet salamat
بالتوفيــق لكــــ………
مدام كاينة عداالة ماتخمييش
|
المشاركة الأصلية كتبت بواسطة الزيتون
 لما قرأت الموضوع قلن هل الجن اصبح يعاكس البنات ؟؟؟
من بعد فهمت هذا الجان هههه الله يبعد علينا الجنون |
ههههههههههههههههههههه مبدععععععععععععععععععة نكتة هايلة …سلام
اكيد لما ماتكونيش انتي السبب الوالد مايقول والو
واكيد والوالد يحب مصلحتك و يخاف عليك
ربي يهنيك اختي
الحمد لله لعقوبة تبشرينا بالنجاح
|
المشاركة الأصلية كتبت بواسطة الزيتون
لما قرأت الموضوع قلن هل الجن اصبح يعاكس البنات ؟؟؟
من بعد فهمت هذا الجان هههه الله يبعد علينا الجنون |
والله درتنا ضحكة كبيرة
اول مرة نضحك كي ندخل منتدذى مشكلتي
الحمد لله يسعدنا و يفرحنا عندما نسمع بعض المشكلات قد حلت
الحمد الله ليك يا ربي
الحمد الله اللي تهنيتي منو وربي يوفقك في دراستك
الحمد لله أن كنا سببا في حل مشكلتك بنصائحنا وآرائنا،
أنصحك وأنصح كل فتاة، الأب مهمته رعاية وحماية أبنائه،
فعندما تتعرض أيه فتاة لمضايفات مثل هذه لا بد أن تخبر أباها،
لكي لا تتطور الأمور إلى ما لا يحمد عقباه،
فهذا الشاب لو لم تخبري والدك،
لبقي طول الوقت يضايقك وربما يتجرأ على فعل أمور لا نتمناها لأية فتاة،
ربي يحمي بنات المسلمين أمين.