تكلفة بناء منزل 2024.

سلام عليكم

خاوتي انا حابا ندي فكرة فقط من خلال اجوبتكم و الله حابة نعرف شحال تكلفة بناء منزل (الطابق الارضي فقط) …تكون مساحتو صغيرة …و يتكون من 3 غرف …. مع الحمام و الكوزينة ….مع العلم انو الغرف يكونو صغار ( تشبه غرف العمارات )

لاكان تقدرو مدولي قيمة تقريبية باه ندي فكرة ….و اسمحولي مانعرفش شحال المساحة بالتحديد

مادا بيا الا عندكم فكرة تقولولي شحال تسقام الدالا و باقي المراحل من اقل مبلغ ممكن الى اكبر تكلفة

و شكرا

عندي اخي بنى مسكنا يشبه المواصفات التي طلبتها بحوالي 60 مليون ، مع العلم انه مزال يخصو: الدهن ، الفايونص ، … اي انه غير مهئ بالكامل
اظن هكذا لازملك 80 مليون باش تبني مليح ….. و الله اعلم

المساحة 80 م مربع, الدالة 40 مليون البناء 40 الابواب و النوافذ 20 مليون , هذي 100 مليون دون اي تهيئة

يلزمك على الأقل 130 مليون حتى تسكتني.

هذا أنسب وقت لإنطلاق البناء
لأن ثمن اسمنت التسليح منخفض (اضن 500 دج أو أقل)
كذلك الامر بالنسبة الحديد
أهم حاجة هي حسن ادارتك لمالك + الرقابة المستمرة على سير البناء
أغلب البنائين للأسف انتهازيين فلا يغرك تظاهرهم احيانا بالتقوى والايمان

بالنسبة للتكلفة فاذا أردتي رقم أقرب الى الحقيقة فأتجهي لأي مكتب دراسات
وأطلبي منه انجاز مخطط+ تقويم كمي وكيفي سيكلفك اضن 2024 دج

لازملك 100 مليون باه تبني مع الرقابة يعني الزوج نتاعك يوقف على راس الماصوات وما يغفلش وزيد الدورو اللي يخرج يسجلو في دفتر هكذا شفت شيخي يدير كي يشري شكاير الاسمنت يكتب شحال خرجولو كنت انا لي نسجلو في الدفتر ههههه
ربي يسهلك يا اختي

الجواب بكل بساطة هو ان تكلفة بناء المنزل المطلوب هي 100 مليون

من 100 الى 150 مليون حسب المنطقة

شكرا خاوتي و الله افدتوني جدا جدا و ديت فكرة …ربي ان شاء الله يرزق كل واحد فيكم بدار كيما حابين و اكثر

اقتباس:

المشاركة الأصلية كتبت بواسطة mounaminou شكرا خاوتي و الله افدتوني جدا جدا و ديت فكرة …ربي ان شاء الله يرزق كل واحد فيكم بدار كيما حابين و اكثر

لا شكر على واجب

حسب مساحة المنزل
كلش بــ : 80 الى 90 مليوون عل الاكثر

يا اختي انا شريتها فيها بلات فورم ودرتها غير قاراجات 110 متر سقامتلي 47مليون والدالة 35مليون يعني 82مليون ومازال زوج بيبان ماشريتهمش وربي يسهل ويرزق كل محتاج

السلام عليكم

وتقدر الكلفة للمتر المربع الواحد من 10000 الى 15000 دج

إذا كان المسكن مساحته 100 مترا مربعا تقريبا وتريدين طابقا واحدا يتكون من ثلاث غرف "غرفتان + غرفة استقبال أوسع قليلا من الغرفتين" وحمام ومطبخ ورواق فتحتاجين تقريبا ل : 150 مليون سنتيم.
يدخل في هذا المبلغ طبعا: ثمن أتعاب البناء والجباس والكهرباء والغاز والنجار بالإضافة إلى ثمن الأبواب والنوافذ وكذلك الطلاء.
هذا التقدير أقوله عن تجربة وممارسة.