هذه بعض تطبيقاتي من المنتدى للعيد و الله شكرا لصاحبات الوصفة و للمنتدى
مممممممممممممممممم هااااااااااااااااايل بصحتك يا الشاطرة
شكرا ليك يعيشك و صح عيدك
خمسة و خموس عليك جاوك يسخفوا
شكرا لكم جاو ملاح بفضل هذا المنتدى الذي تعلمت منو كثير و له كل الفضل في ذلك
اسعدني كثيرا مروركم
هااااااااايلين يااريت تعطيني وصفات تااع الشيكولاطة
حلويات جميلة جدا
ما شاء الله
يعطيك الصحة ياريت تعطينا مقادير القاطو تع الشكولاطة لي في الكيسلت تع ناب مربوط من فضلك وجزاك الله خيرا
|
المشاركة الأصلية كتبت بواسطة اماه
 يعطيك الصحة ياريت تعطينا مقادير القاطو تع الشكولاطة لي في الكيسلت تع ناب مربوط من فضلك وجزاك الله خيرا
|
وصفة السيقار 
صاحبة الوصفة عي الاخت ام راضية)
نص كيلو زبدة
200غ سكر بودرة
نص كاس حليب
بيضة
ملعقة خميرةحلويات
فانيلا
دقيق ابيض حسب الحاجة
الحشو
جوز هند
كاكاو
التزيين
شوكولا اسود
وردات حلويات
شعيرية حلويات بالشوكولا
ندخل على الطريقة يا بناوت
نحط الزبدة والسكر في الخلاط
ونخلط جيييدا حتى نتحصل على خليط مبيض كريمي
نضيف عليه البيضة والحليب والبيكن باودر والفانيلا
على التوالي مع الخلط المستمر
وفي الاخير نضيف الدقيق بالشوية
حتى نتحصل على عجينة لينة ماتلصقش في اليدين
راح نحتاج لجرارة وورقة عرضها 6 سم
الهدف منهم قص مربعات متساوية
نفرد العجينة رقيقة شوية ونقص بالجرارة المربعات
اللي طول ضلعها 6سم
ونكون محضرين خليط جوز الهند مع الكاكاو
نرشوه على كل المربعات
ونلف واحدة واحدة
ونلف واحدة واحدة
لما يخرجو من الفرن ويبردو
نبدا التزيين نغطس في الشوكولا والجوانب بالنوادكوكو او القوفريط كيما تحبي .
و شكرا لكن مروركن اسعدني و غدا انشاء الله ساضع وصفة النوع الأخر من القاطو تع الشكولاطة من اجل الاخت لمسة حنية
شكرا لكن.
|
المشاركة الأصلية كتبت بواسطة لمسة حنية
هااااااااايلين يااريت تعطيني وصفات تااع الشيكولاطة
|
سلام عليكم
بالنسبة لقاطو الوردة المقادير هي[h] :
250 غ مارغرين
1.5 كاس سكر
2 بيضات
1ملعقة كبيرة كاكاو
1كيس خميرة
فرينة
2مغارف نسكافي
وحبات السيريل فطرو الصباح تع الاولاد ذوق شوكولاطة
و شكرا ليك .
يعطيك الصحة
والله غير عجبوني بربي ان شاء الله نجرب و نحط تجربتي
لوكان تعطينا طريقة القاطوا الابيض بالتفصيل الي فيه الودة من فوق
و كدلك القاطوا الاصفر و بارك الله فيك
وبالنسبة لتاع الشكولة هو ملسق بالمعجون و لا لا
أنا جربت السيقار بصح تفتحتلي العجينة محبتش تولي رولي بصح لما قالولي الأخوات على الكيس وليت نستعملو وخرجلي في ذوق وشكل ممممممممم ننصحكم تجربوه
سلام عليكم اختي ممكن تعطيني وصفة القاطو الاصفر
|
المشاركة الأصلية كتبت بواسطة touta23
يعطيك الصحة
والله غير عجبوني بربي ان شاء الله نجرب و نحط تجربتي لوكان تعطينا طريقة القاطوا الابيض بالتفصيل الي فيه الودة من فوق و كدلك القاطوا الاصفر و بارك الله فيك وبالنسبة لتاع الشكولة هو ملسق بالمعجون و لا لا |
شكرا ليك اختي
القاطو الابيض هو السابلي الخاص بأم رامي ابحثي عنه في قسم الحلويات ستجدينه لأني و الله لا اعرف كيف اضع لك الرابط و ساحاول ان اضعه لك
و القاطو الاصفر
250 غ زبدة
6ملاعق كبيرة سكر ناعم
2حبات بيض
1كأس جوز الهندي
1 كأس نشاء
1ملعقة صغيرة خميرة كيميائية
فانيليا
و فرينة
شكلي كريات صغيرة وضغي في وسطها حلوة حلقوم او شكلاطة كما تحبين و اهيها في الفرن و لما تطين اطليها في مربى ملون بالصفر و اغطسيها في نواد كوكو .
و بالنبسة لنع الكولاطة نعم هو ملسق بالمعجون ثم مغطى بالشوكولاطة
انشاء الله تجربيهم و يعجبوك
وبارك الله فيك اختي