بسم الله الرحمن الرحيم
السلام عليكم و رحمة الله
الوصفة الاولى للأخت aminatoumi
امس على الساعة 11 صباحا طبقت وصفة الأخت aminatoumi بعدما شفت التعليقات الجارحة لبعض الأخوات لم تصلح لهم قلب اللوز
لم اضف السمن في الاخير و الباقي طبقت الوصفة كما هي و جاتني طرية جدا ما تتهزش اما الشاربات لم تشرب الفائض ، اخي لم يصبر اكل منها 4 حبات بعد الفطور ، الصور توضح الشاربات التي في البلاطو (أظن ان الشاربات اكثر من العجينة)
الصور توضح كل شئ
عندما نهضت وقت السحور لم اجد الا هذا الصحن ، من البنة كلاوها كل 
هذا ما بقى
الشاربات الزائدة نحيتها من البلاطو و ضفتها في وصفة الاخت miri_27 اليوم
الرابط الأصلي لوصفة الأ خت aminatoumi المقادير السرية للقب اللوز
الوصفة الثانية للأختmiri_27
طبقت كل شئ يا ميري الا الزبدة لم اضفها و لم ادهن بها البلاطو لكي ابرهن للأخوات ان قلب اللوز الطري يجي بالسميد الخشين باه يشرب الشاربات مليح ماشي بالزبدة و لا السمن
و زيد خلطت في السينية مباشرة لكي لا اكثر من الأواني
هذا وين عملتها طابت على الساعة 12 و راني عمبالي بلي راهي طرية
الرابط الأصلي للأخت ميري قلب اللوز على الطريقة العين دفلية
سر نجاح قلب اللوز هو السميد الخشين الذي يشبه الكسكس ماشي المتوسط ، و الشاربات
المرة المقبلة اخواتي العزيزات اذا ما صلحتش لكم وصفة راجعو الخطا أين ماشي تروحو تصبو غضبكم و تعليقاتكم الجارحة على صاحبة الوصفة، هذا من صالحكن رانا في رمضان شهر الرحمة و الغفران
دعواتكم
صح فطورك عزيزتي
و الله عندك حق انا تان حرت لحد الان جربت 2 وصفات لقلب اللوز و صلحو الحمد لله لاني اتبعت الوصفة كما هي
مع اني في نفس الموضوع لي جربت منو نلقى اعضاء تشتكي من عدم نجاح الوصفة
كما قالت الاخت راجعو اين الخطأ جامي تغيرو في الوصفة
دقيق خشين يعني خشين و اكيد مش رح تصلح بالعادي
بارك الله فيك رماضنة و اسمحيلي على الاطالة
انا جربت قلب اللوز على الطريقة العين دفلية ونجحلي مائة بالمائة وبارك الله في اختي
ممممممممممم بنين
بارك الله فيك على هذه التطبيقات التشجيعية جعلها الله في ميزان حسناتك
تطبيقات روعة تسلمي
بالنسبة للوصفة الاولى درتي السميد والسكر وماء الزهر على مرة وحدة وخلطتي ارجو التوضيح
شكرا رماضنة على التطبيقات المشجعة راكي سبقتيني انا ثاني ماعجبنيش كلام الاخوات ربي يهديهم ونويت نجربو في خاطر الاخت امينة ونقول للاخوات اللي قالو هاذاك الكلام بلي الطبخ يدين ماشي غير وصفة ومقادير.
|
المشاركة الأصلية كتبت بواسطة *أم كوثر*
 صح فطورك عزيزتي
و الله عندك حق انا تان حرت لحد الان جربت 2 وصفات لقلب اللوز و صلحو الحمد لله لاني اتبعت الوصفة كما هي مع اني في نفس الموضوع لي جربت منو نلقى اعضاء تشتكي من عدم نجاح الوصفة كما قالت الاخت راجعو اين الخطأ جامي تغيرو في الوصفة دقيق خشين يعني خشين و اكيد مش رح تصلح بالعادي بارك الله فيك رماضنة و اسمحيلي على الاطالة |
و فيك بارك الله أختي ام كوثر
و جزاك الله خيرا على تطبيقاتك التشجيعية تاع قلب اللوز
و السماح على الإطالة كيما قلتي لكن انا راهي عندي مشاركة منورة مفيدة من عندك ماشي اطالة
|
المشاركة الأصلية كتبت بواسطة ام تنهنان
انا جربت قلب اللوز على الطريقة العين دفلية ونجحلي مائة بالمائة وبارك الله في اختي
|
و فيك بارك الله ام تنهنان
تاكلو بالصحة و الهناء
|
المشاركة الأصلية كتبت بواسطة kabaz022
ممممممممممم بنين
|
تشجعي و جربيه في الدار
انا كل ما نعملو لا يتركوه يشرب الشاربات ما يصبروش و ياكلوه في نهارو
يعطيك الصحة و ربي يبارك فيك ….تطبيق متقن و مميز .
|
المشاركة الأصلية كتبت بواسطة أم هنيدة
بارك الله فيك على هذه التطبيقات التشجيعية جعلها الله في ميزان حسناتك
|
و فيك بارك الله أم هنيدة
|
المشاركة الأصلية كتبت بواسطة الزهرة البسامية
تطبيقات روعة تسلمي
بالنسبة للوصفة الاولى درتي السميد والسكر وماء الزهر على مرة وحدة وخلطتي ارجو التوضيح |
خلطت السميد و السكر شوية ثم سكبت ماء الزهر كله مباشرة على مرة وحدة تجي العجينة طرية ماشي كيما تاع الكسكس
|
المشاركة الأصلية كتبت بواسطة lgue001
شكرا رماضنة على التطبيقات المشجعة راكي سبقتيني انا ثاني ماعجبنيش كلام الاخوات ربي يهديهم ونويت نجربو في خاطر الاخت امينة ونقول للاخوات اللي قالو هاذاك الكلام بلي الطبخ يدين ماشي غير وصفة ومقادير.
|
العفو أختي
الله يبارك فيك و جزاك الله خيرا
|
المشاركة الأصلية كتبت بواسطة زاد اليقين
يعطيك الصحة و ربي يبارك فيك ….تطبيق متقن و مميز .
|
الله يسلمك اختي زاد اليقين
ارجو ان تصلحي رابط الوصفة الولى لانه ليس للاخت امينة
جزاك الله خيرا
|
المشاركة الأصلية كتبت بواسطة الزهرة البسامية
ارجو ان تصلحي رابط الوصفة الولى لانه ليس للاخت امينة
جزاك الله خيرا |
يعطيك الصحة اختي الزهرة لم انتبه رغم انني راجعته عدة مرات
|
المشاركة الأصلية كتبت بواسطة remadna
بسم الله الرحمن الرحيم
السلام عليكم و رحمة الله المرة المقبلة اخواتي العزيزات اذا ما صلحتش لكم وصفة راجعو الخطا أين ماشي تروحو تصبو غضبكم و تعليقاتكم الجارحة على صاحبة الوصفة، هذا من صالحكن رانا في رمضان شهر الرحمة و الغفران |
وعليكم السلام
يعطيك الصحة يالفحلة
هكذا لازم نكونوا متعاونين على الخير والاستفادة ويكفي من الاستفزازات والتصرفات الصيبانية التي وإن دلت على شيء فهي تدل على قلة الاحترام والتقدير.
وان شاء الله منا ورايح الي عجبتهاوصفة اللهم بارك والي ماعجبتهاش ولا ماصلحتش ليها تحتسب أجرها على الله ياخي ساعات نجربوا وصفات من الـtv ولا من الجورنال ولأشهر الطباخين وما يصلحوش يعني خيرها في غيرها.
|
المشاركة الأصلية كتبت بواسطة امل العاتر
وعليكم السلام
يعطيك الصحة يالفحلة هكذا لازم نكونوا متعاونين على الخير والاستفادة ويكفي من الاستفزازات والتصرفات الصيبانية التي وإن دلت على شيء فهي تدل على قلة الاحترام والتقدير. وان شاء الله منا ورايح الي عجبتهاوصفة اللهم بارك والي ماعجبتهاش ولا ماصلحتش ليها تحتسب أجرها على الله ياخي ساعات نجربوا وصفات من الـtv ولا من الجورنال ولأشهر الطباخين وما يصلحوش يعني خيرها في غيرها. |
صح 
فكرتيني كاين اللي يجربو من التلفاز و ما تصلحش لأنهم لا يبحثو على الخطأ و ما يزيدوش يجربوها و ما يتعلموش
الحمد لله انا الميرانغ جربتها اكثر من 8 مرات على مدى سنين باه صلحت لي
و قلب اللوز جربتو العام الماضي مرة و ما صلحش و لم اكتب شئ لصاحبة الوصفة كنت عارفة بلي كاين خطأ عندي