سلام الله عليكم اخواتى العضوات نقولكم على طريقتى في حفظ الطماطم نغسل الطماطم ونصب الماع مغلي عليها تتقشر ساهل وبعد دلك نقصها نخليها تقطر في كسكاس نعمرها في قرع فيتا جو ولا بقال زجاج ويكون مغلقة نتاعها حديد نديرها طيب لمدة ثلاث ساعات في قدر كبيرفيه ماء ونقولكم كي تكون تغلي وينقص الماء ماتزيدوش الماء بارد ديما غليوا الماء في كاسرونة اخرى وزدوه وخلوها تبرد نشفو القرع والبلارات ورتبوهم في البلاكار راهي تقعدلكم حتى لسنتين ما تفسدش عن تجربة لانو الفريزر ما يكفيش اتمنى نكون افدتكم ونسيت حاجة بالنسبة للطماطم انا نقص شوية باه نطيب الفلفل والاخرى نرابيها ونعملاها في القرع هكدا يكون عندي 2انواع من الطماطم المقطعة للفلفل والثانية نظيفها للشوربة ولا نعمل بيها لي بات او جميع الماكولات وبما انو الصيف جربوها وردوا عليا
ربي يبارك فيك ، نجربها هذا العام و نرجعلك الخبر ، لكن عندي سؤال 03 ساعات تطيب ماشي ياسر ، و البلارة تكون كامل في الماء و لا نصفها برك.
شكرا لك اختي على الاهتمام الطريقة مضمونة انا هادى اكثر من عشر سنوات وانا نديرها وثلاث ساعات ماشى ياسر عادى باه ما تفسدش وانتى كي درى طنجرة تكون كبيرة ترفد حتى 20 قرعة صغيرة او باقل انتاع مايونيز واتمنى نكون زيدت وضحت
رايحة نجربها مشكورة حبيبتي
جزاك الله خيرا حبيبتي على الموضوع المفيد وجعله في موازين حسناتك
عندي سؤال ,,,,كي تحطيها فالبلاكار (اي خارج الثلاجة ) ما تفسدش ؟؟؟؟؟؟؟؟؟؟؟؟؟؟؟؟
سأجربها باذن الله
سلام الله عليك اختى والله ما تفسد انا تقعدلي حتى لعامين وكي تحلي القرعة رائحتها حلوة تهبل وانا نديرها فالبلاكار ماشي ف الثلاجة
يعطيك الصحة …….فكرة هايلة .
حاجة مليحة بصح قوليلي ما نظيفوش الزيت و لا حتى حاجة؟
مافهمتش يعني النوع الاول نتاع الفلفل نقطع الطماطم ونديرها في بلارة ونديرها طيب ؟ والاخر نرحيه ونديرو في بلارة ؟؟ وللا بعد 3سوايع نقطع النوع الاول والثاني نرحيه
ارجو التوضيح
وبلا ماننسى نشكرك على الطريقة بارك الله فيك
مشكورة حبيبتي انشالله نجربها
ya3tik essa7a ya kheti lakin ana hakake wrani mtkhawfa men had ettari9a lakin issrarek 3la nadja7ha chedja3ni bach ndirha lano makache kima el7adja elmedjarba bark 3andi soal 3la elblarate eli homa chart assassi fe nnedja7ha lazem ykono naw3 5ass wela yet3a9mo ou bien kifach wrabi ydjazik.
شكرا للافادة
|
المشاركة الأصلية كتبت بواسطة عايدة عربية
 حاجة مليحة بصح قوليلي ما نظيفوش الزيت و لا حتى حاجة؟
|
لالا اختى ما دريلها والو راحى تقعد في نفس الطعم ديالها شكرا اختى
|
المشاركة الأصلية كتبت بواسطة sarfai
ya3tik essa7a ya kheti lakin ana hakake wrani mtkhawfa men had ettari9a lakin issrarek 3la nadja7ha chedja3ni bach ndirha lano makache kima el7adja elmedjarba bark 3andi soal 3la elblarate eli homa chart assassi fe nnedja7ha lazem ykono naw3 5ass wela yet3a9mo ou bien kifach wrabi ydjazik.
|
شكرا اختى البلارات انا نستعمل نتاع المايونيز لكن يوم مانجي نحلهم خاصنى نقلبهو على فمهم في الماء الساخن باه ينفتحوا بسرعة وانصحك لو عندك قرع فيتا جو انتاع العصير راهم ساهلين للفتح اتمنى تكونى فهمتى عليا ربي يوفقك
|
المشاركة الأصلية كتبت بواسطة &أسيل&
مافهمتش يعني النوع الاول نتاع الفلفل نقطع الطماطم ونديرها في بلارة ونديرها طيب ؟ والاخر نرحيه ونديرو في بلارة ؟؟ وللا بعد 3سوايع نقطع النوع الاول والثاني نرحيه
ارجو التوضيح وبلا ماننسى نشكرك على الطريقة بارك الله فيك |
لالااختى كل وحدة وحدها قطعي انتاع الفلفلة وحدها وديريها طيب ثلاث ساعات والطماطم المرحية عمريها وحدها وديريها حتى هي طيب ثلاث ساعات ان شاء الله فهمتى عليا