[IMG]
[/IMG]
كيف اخباركم
التشيز كيك فيه وصفات كثيرة كاين اللي يطيب و اللي مايطيبش وفي كل الاحوال راه رائع ومطلوب كثيرا
اليوم وصفتي سهلة ومافيهاش مقادير بزاف
الطعم هايل و الشكل كما راكم تشوفو جميل 
:mh3 1:
المقادير :
الطبقة الاولي : 3 كوب بسكويت مرحي
1/4 كوب زبدة
نخلط البسكويت مع الزبدة جيدا وبعدا نصبه في القالب ونتركه في الثلاجة مدة 10 دقايق
الطبقة العلوية :
500 غ بتي سويس ( 5 علب تاع 90 غ وزيد عليهم 2 ملاعق كبار )
80 غ سكر عادي
3 بيضات
2 ملاعق كبار نشاء
4 ملاعق عصير ليمونة
قشرة ليمونة
التحضير :
نفصل البيض عن بعضه نضرب البياض جيدا حتى نتحصل على ثلج.
نضرب الصفار مع السكر و نزيد النشاء و بشر الليمون والبتي سويس و العصير .
نضيف لخليط الصفار الثلج تدريجيا و بعدها نصب الخليط فوق الطبقة اللوية وندخله للفرن حتى ينضج و يولي السطح ذهبي نتركه يبرد ونزينه بالشكلاطة
حسب الرغبة
الان نترككم مع الصور
هذا نوع البسكويت اللي استعملته كل واحد يستعمل النوع اللي موجود عنده
هذا البتي سويس اللي استعملته
هنا خليط البياض و الصفار مع باقي المكونات
هنا جمعت الخليطين مع بعض
هنا بعد التزيين
هنا قطعته
شوفو السمك تاعه و الطبقات
صراحة نتمنى تجربوه لانه رائع وطعمه يميميميميممممممممممممممممممممييييييييييييييييييييي ي 
و الريحة تعبق و تفوح ما شاء الله
ردودكم تشجعني و تخليني نواصل في وضع الجديد و الهايل شكلا و ذوقا لارضائكم
تحياتي لكم
الله يبارك رووووعة تسلمي حنونة وحفظت الوصفة
اممممممممممممممممممممممم روعة بصحتكم
يعطيك الصحة انا لولا هاتي ناكل
امم الله يبارك هايل
ربي يحفظك على الوصفة
يعطيك الصحة حبيبتي رووووووعة راكي نشطتي قسم العصائر والتحليات ليوم وين شفت لجديد فيه
الله يبارك فيكم كامل
مرسييييييييييي عازفة النااي جاري التطبيق فالقريب العاجل
مالغري تقدري تقولي اندعرت من التشيز كايك اللي يطيب من وحد الخطرة درتو رميتو كيما هو هههه
|
المشاركة الأصلية كتبت بواسطة yasmalak
 مرسييييييييييي عازفة النااي جاري التطبيق فالقريب العاجل
مالغري تقدري تقولي اندعرت من التشيز كايك اللي يطيب من وحد الخطرة درتو رميتو كيما هو هههه |
ان شاء الله تجربي تاعيو ينال اعجابك 
شكرا اختى ان شاء الله نجربها لانى من محبى تشيز كيك
عازفة الناي شوفي حبيبتي بإذن الله نجربوا رغم أني متخوفة منو وعمري مجربتوا بصح لوكان ميعجبنيش راكي تبعثلي عنوانك نبعثولك للدار
ربي يجازيك كل خير ان شاء الله ومتزعفيش راني نضحك معاك مذابيا نتعلم كل شئ
روووووووووووعة عازفة الناي تسلم الايادي