تسلط آخوات الزوج وأمه على الزوجة 2024.

ّإقامة الزوجة مع أهل الزوج و أخواته و أخته المتزوجة و زوجها وتسلطهم عليها بما فيهم أمه و سكوت الزوج على ذلك ما هو الحل في رأيكم

اذا كان في مقدرور يعيش وحدو اللهم بارك و الا الصبر و الحوار هو الحل الوحيد
على كل اصبح كل بيت جزائري لا يخلو من هذه المشاكل
ربي يجيب الخير

لهذه الاسباب اصبح اشتراط السكن ضرورة لكل فتاة لترتاح هي و زوجها و تبقى المودة و الاحترام بين العائلات

الانتقال الى منزل اخر و هذا لتفادي المشاكل كيما يقولو ناس بكري البعد يجيب السلام و القرب يجيب الكلام
و لكن لا يجب مقاطعة اهله

كل عائلة و اصولها

انا ماكنت نصدق انو كاين حوايج هكا اما كي شفت بعيني صدقت ربي يكون في عون للي طاحت في عيله كيما هكا عندها كان ربي تدعيلو

اقتباس:

المشاركة الأصلية كتبت بواسطة aichaomyahia ياختي الحل باين انها تعيش وزوجها في بيت مستقل لكن اذا الزوج ماعنهش السكنى فماعليها غير تتحمل طبعا طبعا اذا كان الزوج مجتهد ويستاهل اقصد داير في باله يخرج ليستقل .في رايي ام الزوج تقدري تتفاهمي معاها وترضيها بالاهتمام بيها والمحبة في الله ثم لانها انجبت لك هذا الزوج, فهي مثل امك. لكن هذا صعب شويا مع وجود الاخوات اقصد بناتها؟ ف الصبر وخلاص .. شكرا هذا رايي عن تجربة

الزوج ما كانش في خاطرو يخرج هو خدام و كامل و قال لمرتو حشيتيهاليو ما يحبش يدير خواتاتو ظالمين لازم لمرا تستحمل عندو هو كامل نهار برا و هيا تظل مع تمسخير تاع يماه و خواتاتو تقل ميشي عبد

وهل الظلم دائما من الأم والأخوات
حتى الزوجة لها نصيب من المشاكل
توجد زوجات هن سبب المشاكل
العدل والصبر هو الحل في مثل هذه الحالات
ومن استطاع أن يستقل ويخرج فهذا أحسن

كاين منتشرة بزاف في عائلاتنا
نقولو ربي يهدي وخلاص
الصبر مفتاح الفرج
انا عندي صاحبتي وصلت لدرجة انو اخت راجلها تضربها وكي تروح لدارهم يدخلو لشمبرتها يفتشو كامل الخزانة وخلي وخلي
وصلت للمحكمة القضية نتاعها وصبرت وربي فرج عليها ذرك عطاوها 02 بيوت وفتحت باب من جيهة اخرى وهكذاك ما خلاوهاش قاتلك الحيط يخبطو فيه عليها باه يقلقوها ويرمولها حاشاكم في الزبلة يرمو فيها على الحيط واش نقولو ربي يهدي هك عباد ولا يدي
وانتي اصبري ربي يفرج عليك والدنيا هذي ما هي الا امتحانت وربي يكون معاك ويعطيك قدر نيتك
المهم انتي حاولي تكوني مليحة مع العجوز والباقي ربي وكيلهم ولا بد انو يجي يوم وتستقري في دارك وحدك ربي معاك

اقتباس:

المشاركة الأصلية كتبت بواسطة عباس الدميري الزوج ما كانش في خاطرو يخرج هو خدام و كامل و قال لمرتو حشيتيهاليو ما يحبش يدير خواتاتو ظالمين لازم لمرا تستحمل عندو هو كامل نهار برا و هيا تظل مع تمسخير تاع يماه و خواتاتو تقل ميشي عبد

السلام عليكم
اذا كان الزوج هادا هو حاله وهذا هو رايه فالمشكل اعقد منما فهمت……. اذن مشكلة هذه الزوجة ليست مع عائلة زوجها بل مع الزوج نفسه ولذالك يجب ان يُحَلَّ المشكل بينهما أولاً وبعد ذالك الباقي يستقيم من نفسه واذا لا يوجد ابناء بعد فنصيحتي ان تؤجل الانجاب حتى تطمئن على حياتها الزوجية واتمنى ان يوفق الله بينهما

كما تقول يما ربي يرحمها (اللي تاخذها تاخذها فالقونطاس)المعنى انه اذا تزوجت براجل جايح ما عندا ما الدير تشبع ذل حتى افرج ربي
لكن اختي انصحك بقول كلمة الحق في وقتها دون خوف او تردد ولا تتركيهم يتمادون عليك (المؤمن القوي خير من المؤمن الضعيف)ربي معاك

للاسف المشاكل دى كتير بس المشكلة من الول فى الزوج ربنا يصلح احوال الزوجات والازواج