تدخل ام الزوج في خصوصيات كنتها 2024.

هل مازالت ام الزوج تتدخل في كل صغيرة و كبيرة تخص الكنة و خاصة عندما تكون ساكنة معها في نفس المنزل مثلا تحب تعرف وين رايحة بالرغم انها اخذت الاذن من زوجها و تغضب عند عدم مشورتها . فهل لديها الحق في ذلك ام لا؟

اشكون قالك انها اتنحت هذه العادة مازلت العزوز والكنة كي القط والفار كل وحدة تقلك عندي الحق وبالخصوص جيل الوقت امور فى ايدوا والوقت هو الى فرض عليه هذا الشئ سوى بنت او شاب وهاتي اشكون الى راح يفهم العجوز لما تنغر و وتتغشش ربي يثبتنا كل واحد يغنى فى واد
مشكورة على الموضوع والى حاب تعيش مرتاحة ترمى وراء ظهرها

ياأختي مزالت هاد الظاهرة ربي يعافينا منها
انا نفضل حد مايتدخل في حياة الزوجين هكدا لامشاكل لاوالو

انا نفضل نقول للعجوز وين راني ماشية ماعاديش نطلب منها الاذن برك نخبرها لوين انا تبانلي نكبر بيها و نقيمها ماشي نرفد صاكي و نضرب الباب ورايا

والله اذا كانت على وين رايحة وصباح الخير ونسلم عليها ماشي مشكل خلاص منعتابروش تدخال مي التدخل في امور اخرى مثلا تتدخل في حوايجك في قراراتك في تسمية اولادك في تربية اولادك مثلا قي شغلك وفي اشياء بينك وبين زوجك هذا هو التدخل اما خلاف هذا ميقلقنيش
وزيد كي تعيشي في دارها كيفاش ؟ رح تولي تصرفي في دارها؟ موحال قالك المركب اللي فيها زوج قياد تغرق اذا قصي عليك الهرج ومدخليش في دارها هذا هو الافضل
وحكاية لازالت اي لازالت هههههههههه المرأة منواش تغير من المرا اللي كيفها هههههه

السلام عليكم ورحمة الله
ظاهرة غريبة وعادة عجيبة في مجتمع مليئ بعادات سلبية تهز كيانه من خلال أسرة مبتدئة
ام الزوج تنتقم من صباها من زواجها والصعوبات التي وجدتها

اقتباس:

المشاركة الأصلية كتبت بواسطة بيزة الشاوية هل مازالت ام الزوج تتدخل في كل صغيرة و كبيرة تخص الكنة و خاصة عندما تكون ساكنة معها في نفس المنزل مثلا تحب تعرف وين رايحة بالرغم انها اخذت الاذن من زوجها و تغضب عند عدم مشورتها . فهل لديها الحق في ذلك ام لا؟

من المشاهداتي من محيطي لم يبقى لأم الزوج أي سلطة على زوجة ابنها إن لم نقل على ابنها
والله أكثر من العجوز أراها تتودد وتخاف من زوجة ابنها وكأن أي خطأ منها سينهي حياتها
إذا كانت ساكنة معها في نفس المنزل اين المشكل إذا قالت لها أنها ستذهب إلى المكان الفلاني راح تلصق فيها ولا راح تبكي عليها على الأقل من باب الاحترام أن معك ناس عايشين من حقهم على الأقل يعرفوا إذا كنت في الغرفة مسكرة على روحك أو خرجتي
الشيء الي لازم تخاف منه الزوجة أن يحدث لها مثل راعي الغنم الذي ظل يصرخ ذئب ذئب حتى اصبح في نظر الناس كذاب
ربما الزوجة يقع لها حادث في الغرفة ولا أحد داري والكل يقول ربما خرجت وهي المسكينة تنازع وتموت
ويأتي زوجها في المساء ليجد زوجته فارقت الحياة ويقول كيف لم تأتوا اليها لتتفقدوها
تقول الأم: وأنا واش دراني هي متعودة تخرج بلا ما نحس بيها قلت راها خرجت وكيفاش ندخل للغرفة وهي فارغة

العجوزة خاطيها الحماة هي من تدفع بها الى اتفه الامور لان العجوزة لا يمكنها ان تلاحظ كل شئ

يماك في الدار تقوليلها راكي رايحة و لا لا؟؟؟
خلاص عجوزتك كيف يماك مافيهاش اشكال ادا عرفت وين راكي رايحة

كبري عقلك وخلاص ….هكدا تعيشي مليح وبلا مشاكل

السلام عليكم ورحمة الله و بركاته
موضوع قيم للغاية انا مع الجماعة لي قالو بلي عادي لو نقول للحماة مكان خروجنا و نتصرف معها و كانها ام لكن لا يجب ان ننسى ابدا انها لا تملك صبر امهتنا علينا و لا حبهم الكبير لنا فمن اجل حبها لتملك ابنها تقدر ان تفعل الكثير وتتدخل و تتصنت وراء النوافذ و الابواب تحت ذريعة انها تريد مصلحة ابنها و لا اقول هذا من تلقاء نفسي و لكن يجب التصرف مع الحماة كامك من حيث الادب و الانسانية و في نفس الوقت الا تكثري الكلام عنك او عما يحدث بينك و بين الزوج يعني لا تحطي كل الثقة فيها فقد يسقط زواجك بسسب تدخل منها فالحذر من الحماة احتياط حتى و لو رايتها مثل الخروف الوديع هههههههههههههههههههه الله يرزقنا بيوتا مستقلة و لو قريبة من الحماة لنعيش حياة سعيدة

السلام عليكم

المثل المشهور " كي تتفاهم العجوز والكنة يدخل بليس للجنة" ولكن لايمنع الاحترام كلشي ولا الاحترام

من باب الاحترام والواجب والتكباربيها قوليها وين راكي خارجة هادي مشي حجرة راكي عاية معها

ولا كرسي راه عند القنت

اقتباس:

المشاركة الأصلية كتبت بواسطة sali-sali يماك في الدار تقوليلها راكي رايحة و لا لا؟؟؟ خلاص عجوزتك كيف يماك مافيهاش اشكال ادا عرفت وين راكي رايحة كبري عقلك وخلاص ….هكدا تعيشي مليح وبلا مشاكل

أنا ميش قصدي هكاك كي تقوليلها واش راح تعملي وعلى واه أقعدي عندك شغل الدار و أنت كملتيه مالا عندك الدراهم و تتقعد تتمهزل بيك تكرهك لوين رايحة هذا قصدي لا غير

اقتباس:

المشاركة الأصلية كتبت بواسطة مواطنة السلام عليكم ورحمة الله و بركاته موضوع قيم للغاية انا مع الجماعة لي قالو بلي عادي لو نقول للحماة مكان خروجنا و نتصرف معها و كانها ام لكن لا يجب ان ننسى ابدا انها لا تملك صبر امهتنا علينا و لا حبهم الكبير لنا فمن اجل حبها لتملك ابنها تقدر ان تفعل الكثير وتتدخل و تتصنت وراء النوافذ و الابواب تحت ذريعة انها تريد مصلحة ابنها و لا اقول هذا من تلقاء نفسي و لكن يجب التصرف مع الحماة كامك من حيث الادب و الانسانية و في نفس الوقت الا تكثري الكلام عنك او عما يحدث بينك و بين الزوج يعني لا تحطي كل الثقة فيها فقد يسقط زواجك بسسب تدخل منها فالحذر من الحماة احتياط حتى و لو رايتها مثل الخروف الوديع هههههههههههههههههههه الله يرزقنا بيوتا مستقلة و لو قريبة من الحماة لنعيش حياة سعيدة

في الحقيقة عندك الحق في كلش.المشكل ان الحماة تتدخل في كل شيء من باب التقرعيج ماش تحب بنها،والتدخل هو لي يفسد العلاقات بينها وبين الكنة…

الحل هو انك تشوفي لعجوزتك كيما تشوفي ليماك وهكا يرضى عليك ربي وترضاي وتتهناي