اليوم جبتلكم تحلية بالشيكولا لذيذة جدا ممكن تقدميها على شكل تارت او ممكن جدا تقدميها في اكواب فردية
نحتاجو الى
40 سل كريمة طازجة نطلعوها على شكل شونتيي او استعملي البودرة
2 ملاعق سكر رطب
2 بيض
300 غ شيكولا من النوع الجيد و ممكن تعملي نصف سوداء و نصف بالحليب
75 غ زبدة
نحتاجو ايضا لقاعدة ممكن تعملي جينواز بالشيكولا ب 2 بيض او ديري كيما انا ارحي باكي قاطو يكون بنين و اعجنيه بالزبدة او بالمعجون او العسل
للتزيين شيكولا مبروشة بيضاء و سوداء و قاطو مرحي او انتي و ذوقك و الهامك
1_ نطلع الشونتيي مليح و نحطها في الثلاجة لازم تكون متماسكة جيدا
هذا صورتو لاصحاب فرنسا هو مثبت الشانتيي خطرش الكريمة الطازجة فيها نسبة كبيرة من الماء ماتطلعش مليح
هنا طلعتها صايي و لي يديرو شانتيي بودرة صورتلكم الكمية في الصحن مقارنة بحجم يدي
هذا هو القاطو لي استعملتو في القاعدة
ررحيتو و اعجنتو بازبدة الذايبة و ملعقة عسل و فرشتو في مول يتفتح و سويتو جيدا و حطيتو بجيه ما يحتاجش الفرن
على حمام مائي ساخن نذوب الشيكولا + 75 غ زبدة و نخليها بجيه تدفا
هنا ذابت
في وعاء اخر نضرب 2 بيضات + 2 ملاعق سكر رطب
ثم نضيف الشيكولا الذايبة و نخلط حتى تتجانس جيدا
هكذا
ممبعد تمزجي كريمة الشانتيي مع خليط الشيكولا من فوق لتحت بلا ماتهبطي الخليط شوفي هكذا
شوفي هكذا
صوبيه فوق القاعدة في المول و غلفيه بالسيلوفان و دخليه الثلاجة ليلة كاملة يبرد
كي يبرد انزعي المول و شبحيه انا رحيت قاطؤ و مشيتو مليح و عملت قلوب بشرائح الشيكولا البيضاء
ممكن جدا تزينيه بشرائح الشيكولا البيضاء و السوداء و ماتستعمليش القاطو مرحي
و قدميه بارد مممممممممممممممممممممممم
وهنا بعد ما قعدت يومين في الثلاجة مممممم
تم بحمد الله
mmmmmmmmmmmmmmmmmmmmmmmmmm tooooooooooooooooooooooop
هاااااااااااايلة يا ام انس
يعطيك الصحة يا الحبيبة ويعطيك ما تتمناي ان شاء الله
قبل ما تكمليها راني واتقة بلي تحفة و تهبل و تقولي مانحطت عليها يد و خدمتها الله يجعلك في وجهك جوهرة و فى فمك سكرة يا الحبيبه احبك في الله
444 444444
اكيدددد تخرج تحفة من يديك
الله بارك تهبللللل
يعطيك الصحة مبدعتنا
ghir nchouf om anas nodkhel nejri 
4444444 bien sur
f intidar tekmila
rabi ya3tik ma tetminney 3la gid 9albek tayeb li jamais bkhelna b7aja
يعطيك الصحة ام انس كلشي تاعك مميز انا عن نفسي تعلمت من عندك بزاف حوايج جعلهم الله في ميزان حسناتك
يعطيك الصحة يا الحبيبة ويعطيك ما تتمناي ان شاء الله
كالعادة مبدعة سلمتِ وسلمت الأنامل أخيّة بارك الله فيك في ٱنتظار بقيّة الوصفة تقبّلي مروري
التحلية روووووووووووعة كيما مولاتها و صفاتك هاااااااااااايلة
شكراااااااااااا
واش نحبك كيديري 2 بيض هههههههههههههههههه يعطيك الصحة
أوووووووووووووووووو أم أنوووس يهبل كملي كملي لحد الساعة راه روووووووووووووعة
اممممممممممممممممممممممممممممممممممممممممممممممممم مممممممممم يهبل والتكملة اكيييييد احلى في الانتظار