صباح الخير عسولات
عندي مدة ماحطيتش وصفات ، حبيت نستجمع قواي ونجيب الجديد بصح ماصبرتش ، خاصة البارح كي حطيت صورة التحلية الأخوات كامل طلبوها وكنت انا خرجت جيت لقيت زمامير و ……وقريب لقيت روحي مطلوبة للعدالة مالا قلت نحطها بكرامتي أحسنلي 
هي وصفة نتاع تحلية تعلمتها منذ سنوات مع وصفات أخرى : خبز باقيت وLES BABAS و كيك SAVARIN و LES ROULES الحلزونيات ( نوع بريوش ) ……. تعلمتهم من موقع وكتب فرنسية لتعليم الحلويات للطباخين المحترفين.
المهم ، ماحطيتش الوصفة من قبل لان المنتدى ماشاء الله معمر بما لذ وطاب ، بصح باش ماتقولوش بخلتنا 
، هاهي الوصفة :
* طبقة الكاراميل :
1- نذوب 100غ شكلاطة بيضاء
2- نضرب 50غ كريمة شانتيي مع دانيت كاراميل باااااردة ( لازم الخليط يكون جامد ماشي جاري )
3- نضرب بياض بيضة مع قرصة ملح حتى يطلع مليح ونضيف 3 ملاعق سكر ونضرب حتى يذوب السكر
4- نضرب صفار بيضة مع فانيلا بالخلاط مع 1 ملعقة كبيرة سكر حتى يذوب السكر وتصبح الكريمة بيضاء اللون
5- نضيف الشكلاطة الدافئ إلى خليط صفار البيض ونضرب بالخلاط
6- نظيف بياض البيض إلى الخليط و نخلط برفق بواسطة ملعقة من الأسفل إلى الأعلى
7- نظيف الكريم شانتيي إلى الخليط ونخلط برفق بواسطة ملعقة من الأسفل إلى الأعلى
نفرغ الخليط في كؤوس وندخله للثلاجة
* طبقة الشكلاطة :
1- نذوب 100غ شكلاطة سوداء أو شكلاطة حليب
2- نضرب 50غ كريمة شانتيي مع نص كاس حليب باااارد ( لازم الكريمة تكون جامدة وثقيلة ماشي خفيفة باش تجمد مليح )
3- نضرب بياض بيضة مع قرصة ملح حتى يطلع مليح ونضيف 3 ملاعق سكر ونضرب حتى يذوب السكر
4- نضرب صفار بيضة مع فانيلا بالخلاط مع 1 ملعقة كبيرة سكر حتى يذوب السكر وتصبح الكريمة بيضاء اللون
5- نضيف الشكلاطة الدافئ إلى خليط صفار البيض ونضرب بالخلاط
6- نظيف بياض البيض إلى الخليط و نخلط برفق بواسطة ملعقة من الأسفل إلى الأعلى
7- نظيف الكريم شانتيي إلى الخليط ونخلط برفق بواسطة ملعقة من الأسفل إلى الأعلى
نفرغ الخليط في الكؤوس فوق الخليط الأول برفق وممكن نزين حسب الذوق ، أنا الكؤوس نتاعي صغار تعمرو كامل مالقيتش كيفاش نزين .
* لازم تبرد مليح قبل الاستهلاك ومن الأحسن تبات في الثلاجة .
هاهي واجدة ، ماصورتش الخطوات ماكنت عارفة رايحة تعجبكم وتطلبوها :
هذي الوصفة الأصلية ، بصح أنا كي نكون مزروبة ونحب نديرها :
* نطلع شانتيي مع دانيت شكلاطة بااااردة جدا ونفرغ في الكؤوس وندخلهم للثلاجة ( لازم مانكثرش الدانيت باش ماجيش الكريمة جارية وماتجمدش )
* ونزيد نطلع شانتيي مع دانيت كاراميل بااااردة جدا ونفرغ في الكؤوس فوق الطبقة الأولى( لازم مانكثرش الدانيت باش ماجيش الكريمة جارية وماتجمدش ) وندخل للثلاجة وخلاص 
الطعم هاااايل ماعندي مانحكي كاراميل + شكلاطة مممممممممم تهبببل
الطريقة الأولى جي جامدة أكثر والطريقة الثانية جي خفيفة ، بصح الطعم في الطريقتين يم يم
أتمنى أن تنال إعجابكم وترضاو عليا راني خفت 
خاصة أوغيسيا اللي من الصباح وهي تزمر وبعثتلي تهديد هذا هو : " هاتي الوصفة وإلا 
" وراهي تتوحم خفت تخرج في البيبي ههههههه راني نخاف من الحوامل .
انا اول وحدة ندشن باسم الله يسلمومووووووح
|
المشاركة الأصلية كتبت بواسطة إلهام07
 الوصفة 17
المهم ، ماحطيتش الوصفة من قبل لان المنتدى ماشاء الله معمر بما لذ وطاب ، بصح باش ماتقولوش بخلتنا * طبقة الكاراميل : نفرغ الخليط في كؤوس وندخله للثلاجة * طبقة الشكلاطة : نفرغ الخليط في الكؤوس فوق الخليط الأول برفق وممكن نزين حسب الذوق ، أنا الكؤوس نتاعي صغار تعمرو كامل مالقيتش كيفاش نزين . هذي الوصفة الأصلية ، بصح أنا كي نكون مزروبة ونحب نديرها : الطعم هاااايل ماعندي مانحكي كاراميل + شكلاطة مممممممممم تهبببل أتمنى أن تنال إعجابكم وترضاو عليا |
هذاك الضرب اكل فيك و صابرة لو كان انا كون درت منوحة
بارك الله فيك على الوصفة
راني هنا الهام سأتصدى لاوريسيا اين هي
الله يعطيك الصحة الهام تحلية هايلة مشكووووورة يا الفحلة
رايحة نجربها هايلة
الهام تستاهلي وانت لاه تحطي الاطباق امام المتوحمات انتبهي لينا احنا احم احم
شكرااااااااااااا لك غاليتي و جزاك الله خيرا
يم يم يم يم يم يمييييييييييييييي اللللله يبااااارك حبيبة
اممممممممممممممم يعطيك الصحة الهام باين بنين سخفتيني
|
المشاركة الأصلية كتبت بواسطة touta2016
انا اول وحدة ندشن باسم الله يسلمومووووووح
|
هههههه توتة ، منين حطيتو كنتي واجدة واش هذا 
ياخي أكيد ماكيش تتوحمي
|
المشاركة الأصلية كتبت بواسطة أم وفاتي
هذاك الضرب اكل فيك و صابرة لو كان انا كون درت منوحة
|
ههههههههه الله غالب راهي تتوحم وتعرفي الهرمونات لامني نحمل وخلاص
|
المشاركة الأصلية كتبت بواسطة zeyyan
 |
شكرا على المرور 
|
المشاركة الأصلية كتبت بواسطة ام بسومة
بارك الله فيك على الوصفة
|
وفيك البركة
|
المشاركة الأصلية كتبت بواسطة touta2016
راني هنا الهام سأتصدى لاوريسيا اين هي
|
هههههههه منا وجاي نعيطلك مخلوف البومباردي ههههه وليتي دونجي 
|
المشاركة الأصلية كتبت بواسطة غزة في عيوني
الله يعطيك الصحة الهام تحلية هايلة مشكووووورة يا الفحلة
|
شكرا عزيزتي غزة
|
المشاركة الأصلية كتبت بواسطة amel_star
شكرااااااااااااا لك غاليتي و جزاك الله خيرا
|
العفو أمل ، شكرا على المرور
|
المشاركة الأصلية كتبت بواسطة dadou mascarienne
يم يم يم يم يم يمييييييييييييييي اللللله يبااااارك حبيبة
|
أهلين بدادو ، شكرا عزيزتي على المرور
|
المشاركة الأصلية كتبت بواسطة meriama13
اممممممممممممممم يعطيك الصحة الهام باين بنين سخفتيني
|
بنين تحفة
merci
très délicieuse
|
المشاركة الأصلية كتبت بواسطة أم ماجد
رايحة نجربها هايلة
الهام تستاهلي وانت لاه تحطي الاطباق امام المتوحمات انتبهي لينا احنا احم احم |
ياخي شفتيني قلتلها غمضي عينيك قبل مانحط الصور ، نعرفها مصيبة الحاجة اللي تشوفها تلصق فيها
أكيد نشوف معاك إنت يا جميل 